Ke Kumu Hawaii, Volume IV, Number 2, 20 June 1838 — Page 5

KE KUMU HAWAII.
HE PEPA HOIKEIKE I NA MEA E PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinoia'i na aina."
Buke 4. HONOLULU, OAHU, IUNE 20, 1838. Pepa 2.

HAAWINA VI.
Ka hana ana i na manu, me na ia a me na holoholona.

                1 He manu anei e lele ana ma ka la i hanaia'i ka la? Aole.
                2 No ke aha? Aohe manu iki ia wa.
                3 I ka la ehia i hanaia'i na manu?
                I ka la elima.
                4 Heaha kekahi mau manu a oukou i ike ai?
                5 Owai ke alii o na manu? Ka aeto.
                6 Ka maka o wai ka i aiia e na aeto opiopio?
                Ka maka o ke keiki i hoowahawaha i kona makuakane, a malama ole i kona makuwahine. Solomona 30: 17.
                7 Heaha ko ka manu?
                He hulu, a he eheu.
                8 He mea aha ka hulu? he mea lei anei?
                Aole; he mea ia e mahana ai, a e nani ai ka manu.
                9 He mea aha ka eheu?
                He mea ia e lele ai ka manu.
                10 Ehia eheu o na manu elua?
                11 Na ke kanaka anei i hana ka hulu a me na eheu? Aole.
                12 Nawai la?
                13 He mea aha hoi ka manu?
                He mea ai kekahi, he mea hua kahi, a he mea lele wale kahi.
                14 Heaha ka mea kupanaha a kekahi manu koraka i hana'i mamua loa?
                O ka hanai ana i kekahi kanaka pono, ia Elia. 1 Na'lii 17: 7.
                15 E pono anei ke hopu a hoeha wale aku i na manu? Aole.
                16 Mahea ko ka manu wahi?
                Ma ka lewa kekahi, ma ka nahelehele kahi.
                17 Mahea hoi kekahi manu laka?
                Aia moloko o ka pa o na kanaka.
                18 Heaha kekahi mea i hanau ma ka lima o ka la? Ka ia.
                19 Mahea kahi o ka ia?
                Ma ka moana, ka loko, ke kahawai, a me ka muliwai.
                20 Heaha ko ka ia? He halo.
                21 He mea aha ia? He mea e holo ai.
                22 He mea aha ka ia?
                He mea ai kekahi, a he mea aila kekahi.
                23 Ke aha ka ia aila? Ke kohola.
                24 Owai ka i ale wale ia e kekahi ia nui a luai ola ia mauka? O Iona, kekahi kaula kahiko loa.
                25 Heaha ka hana ma ke ono o ka la?
                Na holoholona a me na mea kolo.
                26 Pehea kekahi holoholona; a pehea hoi kekahi?
                Laka kekahi, a hihiu kekahi.
                27 He mea aha na holoholona?
                He mea ai kahi, he mea hana kahi, a he mea holo wale kahi.
                28 Heaha kekahi mau holoholona a oukou i ike maka ai?
                29 Heaha kekahi mau holoholona a i lohe ai aole nae i ike maka?
                Ka elepani, ka liona, ka bea, a he nui wale no lakou.
                30 Owai ke alii o na holoholona? Ka liona.
                31 Heaha ke ano o ka liona a me ka bea?
                Huhu, hae kanaka, a ina loaa ke kanaka, haehae ia ia, a weluwelu, a ai i kona io.—Haawina Kamalii.
 

LAHAINALUNA, Maraki 12, 1838.
No ka hele ana i ka makaikai mai Lahainaluna aku.

                I ka la 13 o Ianuari, hoomaha iho la ke kula a makou, a manao iho la na kumu, e hele aku makou i ka makaikai, i Haleakala, i ka mauna o Maui hikina. I ka la 16 o Ianuari, i ka hora elua o ke kakahiaka, hele aku makou; 54 haumana, o Aneru ke kumu i hele pu me makou. Noho no kekahi mau haumana he umi, me Mi. Kalaka ma no i Lahainaluna nei; hele aku makou a hiki i Mopua ma Olowalu, kahea na inoa o