Ke Kumu Hawaii, Volume III, Number 19, 14 February 1838 — Page 74

74 KUMU HAWAII. (FEBERUARI,

ka, aka, ua pilikia ia no ka mai o kana keiki, aole loaa ia ia ka hele ana ia wa no ka pilikia, alaila, haawi mai la ia i ka hana ia maua me Kuhio.
                I ka la 27 o Novemaba, hele aku la maua a me kahi mau kamalii 15 lakou, a me kahi hoahanau, a hiki makou ma Keaau, hoike kahi, Ahualaea, o na kamalii, 23
O na kanaka makua ike, 74
O ka poe ike ma na hua, 22
                A pau ka hoike, hai aku makou i ka olelo a ke Akua i kanaka i akoakoa mai a pau ka hana malaila, hele ma kahi aoao o Keaau hoike, o na kamalii, 30 O na kanaka makua ike, 53 A pau ka hana ma ia wahi, hele a moe ma Makuu ia po.
                Kakahiaka hoike laila, o na kamalii, 25
O na kanaka makua ike, 59
O ka poe ma na hua, 8
A pau ka hana ma ia wahi, hele a Waiakahiula hoike.
O na kamalii, 49
O na kanaka makua ike, 63
O ka poe ma na hua, 11
A pau ka hana ma ia wahi, hele aku na Namanu hoike mai ke kula kamalii a Kuahopea.
O na kamalii mai Kahuwai a Kapoho, 92
O na kanaka makua ike mai Kahuwai a Puna, 76
O ka poe ike ma ka hua, 36
O ka poe kanaka ike no Kula, 28
O ka poe kanaka makua ike o Kapoho, 16
A pau ka hoike ma keia mau kula, hai aku o Kuhio i kanaka i ko Iesu aloha, a me kona makemake e ola lakou; a pau ka hana malaila, hele aku makou ma Puna e moe ai ia po.
                I kakahiaka halawai ma Puna, a pau ka hana ma ia wahi, hele aku ma Pohoiki hoike, o na kamalii o Pualaa, 17
O na kanaka makua ike, 25
O ka poe ma na hua, 6
O na kamalii o Pohoiki, 37
O na kanaka makua ike, 49
A pau ka hana ma ia wahi, hele ma Opihihikao hoike,
O na kamalii, 24
O na kanaka makua ike, 45
A pau ka haaa ma ia wahi hele aku a Kamaili hoike, o na kamalii, 12
O na kanaka makua ike, 20
A pau ka hana, moe makou malaila ia po a ao.
                I kakahiaka halawai hou malaila, a pau, hele aku ma Kehena hoike. O na kamalii, 30
O ka poe kanaka makua ike, 48
O ka poe ma na hua, 11
A pau ka hana ma ia wahi, hele ma Kalapana hoike na kula malaila.
                Hoike mua mai ke kamalii a Hewahewa.
O na kamalii mai Kaimu a Kupahua, 70
O na kanaka makua ike o Kaimu, 52
O na kanaka makua ike o Kalapana, 32
O na kanaka makua ike o Kupahua, 18
O na kamalii o Ki, 11
O na kanaka makua ike, 40
O na kamalii o Kahaualea, 28
O na kanaka makua ike, 47
                Eia kahi, kokoke pau na kula i ka hoike mai, hookahi kula i koe, puka Mi Laimana me na kamalii i koe iho me ia, kali iho la ka hoike i koe no lakou, a halawai pu makou. No ka oluolu ana o ka mai o kana keiki loaa ia ia ka hele ana, e mahope.
                A pau ka hana malaila, hele aku maua me Kuhio ma Kahaualea e moe ai i hiki ia maua e halawai me na kanaka malaila i kakahiaka, a moe iho la no o Mi Laimanai me na kamalii ma Kalapana, no kahi halawai malaila i kakahiaka.
                A pau ka hana malaila, hele ae ma Kahaualea a hele aku la makou a Leapuki hoike o na kamalii, 24 O na kanaka makua ike, 32
                A pau ka hana ma ia wahi, hele ma Kealokomo e hoike i na kulu ma Panau a Apua.
O na kamalii o Panau, 7
O na kanaka makua ike, 41
O na kamalii o Kealokomo, 24
O na kanaka makua ike, 50
O na kamalii o Apua, 12
O na kanaka makua ike, 16
                A pau ka hoike a me ke ao ana aku ia lakou e aloha aku ia Iesu i ola lakou, moe iho la makou, a kakahiaka halawai hou me lakou. A pau ka halawai, hoi mai la makou ma Kalapana no ka la Sabati, oia kahi pono no ka halawai nui ana me na kanaka.
                A i ka la Sabati, hai aku la Mi Laimana i ka ke Akua olelo i kanaka. Mareko 10: 47. "A lohe ae la ia i ko Iesu hele ana ae, kahea ae la ia, i ae la, E Iesu e, ke keiki a Davida, e aloha mai oe ia'u." A i ke awakea, hoi hou aku no ia i ka ke Akua olelo i kanaka. I Tesalonike 5: 2. "No ka mea, ua ike paha no oukou e, o ka la o ka Haku me he aihue la i ka po, pela no ia e hiki mai ai."
                A i ke ahiahi, ekolu halawai ma Kalapana ma Kahaualea, a ma Kaimu, hele aku la o Mi Laimana ma Kahaulea me kahi mau hoahanau.
                O Kuhio ma Kaimu ia me kahi hoahanau, noho iho la au me kahi mau hoahanau ma Kalapana a pau ka makou hana po iho la. I kakahiaka, halawai hou a pau, hoi mai la makou, a po hiki ma Kualo, kakahiaka hoike Olaa, o na kamalii, 25
O na kanaka makua ike, 57
O ka poe ma na hua, 10
                A pau ka hana malaila, hoi makou a hiki ma Hilo nei i ka la 5, o Detemaba.
BARENABA.

HONOLULU, Ianuari 22, 1838.

                E ke Kumu Hawaii, aloha oe. He wahi manao ko'u ia oe, a me na haumana a'u. Ua oluolu kuu naau i keia la, no ka mea, eia ka la e hoike ai makou; ko Nuuanu, a me ko Pauoa poe haumana. Ua hoikeia lakou ma ka hale kula kahiko ma Nuuanu, he hale pili no, aohe pono loa; aka, ua hana nae makou i hale lepo i kela manawa, aole nae i paa wawe, no ka mea, he hale nui no ia. Kanaonokumamalua kapuai ka loa, a he kanakolu kapuai ka laula. Elua puka komo, eono puka aniani.
                Ua loaa ke oa a he mau kanaha aho mamua; na na'lii no e haawi wale mai ia mau mea, no ko lakou lokomaikai mai ia makou, a me ko lakou mahalo ana i na kula kamalii. A ua loaa hoi na puka a pau, ewalu. Ua hanaia ua mau puka la e Kealiiumiumi, he haumana no Lahainaluna mai. Aole kaa ka aie a pau no ka papa, he mau dala he umi a keu koe.
                Meneia ka makou hana ana i ka hoomaka ana o ia hana. Ua akoakoaia na kanaka a pau o ia wahi, a, hoakaka aku au ia lakou i kuu manao, a ua pau ia, hoike mai kekahi poe i ko lakou manao. Aole kue ko lakou manao i ko'u. Lokahi ko makou manao e kukulu i ka hale kula no kakou. A maopopo kela manao, kakau ko lakou inoa a pau, na kane a me na wahine, oia ka buke, me na mea a lakou e kokua mai ai i keia hana. O kekahi poe, 8 umeke poi; o kekahi, 4; o kekahi, 2; o kekahi he kao, o kekahi he moa, a pela aku. He hapaha maoli hoi kekahi. No ka papa, a me ka hana kamena keia kokua ana. O ke kaawili ana o ka lepo, he mea okoa ia. Manao kekahi poe, pakanaha ia lakou a pau, i hiki wawe ka hana. Ua ae mai lakou, a hana aku kekahi; a o kekahi poe, aohe hana iki; a o kekahi poe hoi, kaawili he hapalua, a he hapaha paha o ka lakou haawina. Elua, ekolu paha hoahanau ekalesia i hana pela! Manao wau, he mea ia e hoohilahila ai lakou; no ka mea, ua pono ia lakou ke hele mua i na hana maikai a pau; aole haule ihope. Pela ka makou hana a hiki i keia manawa. Eono lepo ke kiekie o ka haie; a he lau paha lepo hou, aole hahauia. Eia ka manawa e hapai hou kakou ia hana; a manao kakou, aole waiho hou aku a hiki i ka manawa e paa loa ai ka hale.