Ke Kumu Hawaii, Volume II, Number 20, 1 March 1837 — Page 80
80 KUMU HAWAII. (MA RAKI,
mau puupuu la i ka wela ana o ka hale, a uwe mai la laua, pau makou i ke ahi! pau makou i ke ahi. Hoi koke mai laua, aole nae he kapa i koe, ua pau loa i ke ahi. O ke kapa o ka luwahine, o ka lau maia no ia; aohe welu kapa maoli. Hookahi malo wale no i koe ko ke kane aole kapa.
Ua pau ka waiwai a pau maloko o ka hale i ke ahi. Ua pau ke kapa, a me ka lole, a me ke kala, a me ka paakai, a me na ipu, a me na hokeo a me na mea e ae a pau.
No ka mea aina ka nui o ka waiwai maloko o ua hale la.
O ke ahi baka, oia ke kumu o ua hewa la. Ua hele aku ka poe nona ka hale, a ua waiho laua i ka welu kapa i hooaaia maloko o ka hale, a nolaila ka pau ana o ua waiwai la.
Ninau aku la kekahi i ka luwahine, ina i manao oia he mea maikai ka baka. A olelo mai la kela, "Akahi wale no kuu ike ana i ka hewa o ka baka.''
Ua pono ia kakou e noonoo e, ua hewa ka baka, a haalele hoi, aole pono e kakali o wela ka hale, a make na kamalii i ke ahi baka.
Na Kekauwa i hoakaka mai.
J. S. E.
Waialua, Iulai 30, 1836.
KAHI MELE.
HE OLELO HOOLEA IA IEHOVA.
Ia la, e olelo aku no oe,
E hoolea aka au ia oe, e Iehova
No ka mea, i huhu mai oe ia'u mamua,
Aka, ua huli aku kou huhu,
A ua hoomaha mai oe ia'u,
Aia hoi, o ke Akua ko'u ola,
Ua malu wau, aole au e makau,
O ka Haku, o Iehova ko'u ikaika a me kuu oli.
Ua lilo mai ia i ola no'u,
E huki no oukou i ka wai me ka olioli,
Mailoko mai o na punawai ola,
A i kela la, e olelo ana no oukou,
E hoolea ia Iehova,
E hookaulana i kona inoa,
E hoike aku i waena o na kanaka, i na mea ana i hana'i.
E hoomana aku, no ka mea, ua hapaiia kona inoa.
E oli aku ia Iehova,
No ka mea ua hana oia i na mea nani,
E hoike aku i keia ma na aina a pau.
E hooho aku, e hookani hoi,
E ka mea noho ma Ziona,
No ka mea, ua mana maloko ou,
Ka mea Hemolele o ka Iseraela.
NO NA KULA.
Eia ka papa e akaka ai na haumana maloko o na kula kamalii ma Waialua a me Koolauloa i keia makahiki i hala aku nei.
Au gate 29, 1886. Ka poe ma ka a wale no. Ka poe ike i ka heluhelu. Ka poe makaukau ma ka Helu Hoonui. Ka poe hou, ua loaa ka ike ma na malama ekolu. Ka hui ana o lakou a pau.
Waialua, 130 113 83 31 263
Koolau, 228 158 84 41 343
Ka hui ana o lakou, 353
HOIKE, NOVEMABA 21, 1836.
Waialua, 141 119 131 81 260
Koolau, 194 165 82 34 359
Ka hui ana o lakou, 335 284 213 121 619
HOIKE, FEBERUARI 8, 1837.
Waialua, 155 112 72 21 268
Koolau, 209 126 78 29 349
Ka hui ana o lakou. 364 238 150 50 617
Ma keia papa, ua akaka loa he nui ka poe kamalii ike ole ma Waialua: a ma Koolau hoi; ua naaupo na makua hahai na kamalii mamuli o na makua: aole hoi kekahi mea e papa aku.
Aloha ino na kamalii, ina i naaupo na makua. NA EMEKONA.
KALAUAO, 1836.
UA WELA KA HALE.
E ke Kumu Hawaii, ke hai aku nei au ia oe, ua pau i ke ahi kekahi wahi hale uuku, elua anana o ka loa, hookahi anana o ka laula; ekolu mea maloko, hookahi kime elua wahine. He elemakule ke kane, he nawaliwali loa oia i ka mai kokoke no ia e make. He luwahine ka wahine, he mai no hoi kona, he makapo. Hookahi luwahine aole ana kane, he mai no hoi kona, he lolo.
A i ke awakea, hanai kana wahine ia ia, pulupulu ka wahine lolo i ke ahi, a waiho i kapuahi, a hoouka i ka weuweu makuekue maluna o kapuahi, a komo iho la i ka pohaku a paa; a oki ae la ka ai ana a ka mai, haawi mai la i ka umeke ai; a ike oia he elelu maloko o ka ai. Lilo ia i ka ohiki i ka elelu; lapalapa ke ahi o kapuahi; apu ae la ka ula o ke ahi i ka pili o ka paia, wela ae la ka hale.
"PAU MAKOU I KE AHI."
Nana ae la ia, ua wela ka hale, hea aku la ia laua, Wela kakou i ke ahi. Ala ae la kekahi luwahine, puka aku la iwaho, hea aku la ia. "Pau makou i ke ahi! pau makou i ke ahi e." Puka aku la ka wahine lolo iwaho. Kokolo aku la ka elemakule; hoomanawanui aku la ia a puka iwaho.
UA MAKE KA ELEMAKULE.
Manao ae la ia i ka pea lolo komo hoi ia iloko o ka hale mawaho aku, i kii aku i ka pea lole aole i loaa ka pea; haule iho la ke ahi maluna iho. Aole hiki ia ia ke hoi hou aku iwaho. Haule ihola la ke ahi iluna ona. Kapalili aku la ia i ka wela, a hiki ma ka puka make loa iho la ia.
NO KANA WAHINE.
Hea aku la kana wahine ia ia "Auhea oe, auhea oe!--na make aku la kana wahine mawaho; apo mai la ka ula o ke ahi wela kona lae, a me ka umauma, a me na kihi poohiwi. Holo kiki aku la ia kekahi hale; hamo iho i ka poi i kona ili, a hoi hou mai ia ia, e uwe i kana kane, uwe aku la mawaho, aole nui o kona leo, no ka mea, ua hiki mai ka maeole ia ia.
NO KONA KINO.
Ua moa loa kona ili i ke ahi; ua paapaa loa nalima a me na wawae mumuku ia i ke ahi. O ke kino wale no koe. Ua kanu iho la lakou ia ia me ka uwe ana.
NO NA INOA.
O Kuahule ka inoa o ke kane i make.
O Kukamaaina kana wahine.
O Mahulua ka luwahine kane ole.
O Halawa ka inoa o ka aina.
KE KUMU.
He ahi baka, oia no ke kumu o keia make. Aloha ino.
Na'u na KUAANA.