Ke Kumu Hawaii, Volume II, Number 16, 4 January 1837 — Page 62

62 KUMU HAWAII. (IANUARI,

ia Iesu Kristo i ko kakou Haku maoli io e ola ai ka uhane i ke ao mau loa.

NO KE PUHI BAKA.

                Eia kekahi puhi baka i pau i ke ahi ma Hilo nei i ka wa kahiko, o Hulu ka inoa, ma ka Lihi i Waiakea, he pau ahi kahiko keia, i ka wa ia Kamehameha.
                Penei kona pau ana i ke ahi, i ke kakahiaka; hele aku la ia i ka mahiai, hoi mai la a komo aku la imua, lalau aku la ia i ka ipu baka, pupuhi iho la ia a ona, hina iho la ia i kapuahi, pau ae la ka aoao akau i ke ahi, koe ka aoao hema, komo aku la kana wahine imua huki mai la ia ia, ua wela loa ka poohiwi, a me ka puhaka; a me ke kikala, aole nae ia i make koke ia la.
                Aka, kaa no ia a hala na malama elua paha, alaila make ia, no ka baka mai keia make ana. Mahope mai o ka make ana o Hulu, hoomakaukau iho la kekahi kanaka no Puueo i ahaaina baka o Keawehaaheo ka inoa; nona ka ipu baka pohaku.
                Eia na hana o ka ahaaina baka, o ka hookanikani pihe, o ka pili ana o ke kanaka walaau i ke kanawai baka, a me ka mea hoomaewa. Eia kekahi hana, o ka hoomana i ke akua kahiko me ka pule ana.
                Eia ka pihe baka, a e la ke ahi ma uka o Kalihi, pau ae la o Hulu i ke ahi, pau ka aoao akau, koe ka aoao hema, pau ae i ke akua o Puhili, he ai naaupo ka ke ahi pau e, he ua e; he wai e; he baka e; pau e; alaila lalau aku la kekahi i ka ipu baka, a me ke ahi, e kaumaha i ke akua me ka pule aku, penei.
                He uahi baka no na wahine o ka lua, no pele no hiiaka no ailaau no ka miki, oia na'kua o ka poe puhi baka, a me ka lakou pule; aole i hoopauia keia hana a ka poe puhi baka.
                Eia kekahi, he poe wahahee ka poe puhi baka, ina oleloia kekahi e haalele i ka baka, ae mai no ma ka waha, pela no na kumu mai Puna mai, i ko lakou noho ana ma Hilo nei, olelo aku na Mikionari, e haalele i ka baka, ae mai la ma ka waha, i ka hoi ana aku ma Puna i ao i ke kula, alaila, puhi no lakou i ka baka, pela no ka poe hooikaika a me ka poe maloko o ka Ekalekia, ina haalele kekahi o keia poe a pau i ke puhi maoli i ka baka, pau malu no kekahi. Oia ka wahahee o ke puhi baka, aole o lakou manao i ka mea i oleloia mai ma Epeso 4:25.
                Na'u na MAKALUHE, I PONAHAWAI.

MAKE.

                Ua make ke alii, O HARIETA NAHIENAENA i ka la kanakolu o Dekemaba 1836. Iwakalua kumamalua kona mau makahiki.

KUIKAHI.

                Articles made and agreed on at Honolulu, Island of Oahu, this 16th day of Nov. 1836.
                ART. 1st. English subjects shall be permitted to come with their vessels and property of whatever kind to the Sandwich Islands; they shall also be permitted to reside therein as long as they conform to the laws of these islands, and to build houses and warehouses for their merchandize with the consent of the King, and good friendship shall continue between the subjects of both countries,Great Britain and the Sandwich Islands.
                ART. 2d. English subjects resident at the Sandwich Islands are at liberty to go to their own country or elsewhere, either in their own or any other vessel; they may dispose of their effects, enclosures, houses, &c. with the previous knowledge of the King and take the value with them without any impediment whatever. The land on which houses are built is the property of the  King, but the King shall have no authority to destroy the houses, or in any way injure the property of any British subject.
                ART 3rd. When an English subject dies on the Sandwich Islands, his effects shall not be searched or touched by any of the Governors or Chiefs, but shall be delivered into the hands of his executors, or heirs if present, but if no heir or executor appear, the Consul or his agent, shall be executor for the game: if any debts were owing to the deceased, the Governor of the place shall assist and do all in his power to compel the debtors to pay their debts to the heir or executor, or the Consul, in case no heir or executor appears, and the Consul is to inform the King of the death of every British subject leaving property upon the Sandwich Islands.
KAMEHAMEHA III.
ED. RUSSELL, Captain of H. B. Majesty's Ship Acteon.
 

                He mau olelo keia i hooponoponoia'i ai hoopaaia'i ma Honolulu ma ka Moku Oahu i ka la umikumamaono o Novemaba, 1836.
                PAUKU 1. E aeia mai ko Enelani mau kanaka e hele mai i ko Hawaii pae aina me ko lakou mau moku a me ko lakou waiwai, o kela waiwai o keia waiwai, e aeia mai hoi lakou e noho ilaila, i like no ka loihi o ka manawa e noho pono ai malalo o ke kanawai, a e kukulu hale e noho ai a me na hale e malu ai ko lakou waiwai, ke ae mai ke alii; a e mau ke kuikahi maikai mawaena o na aina o Beritania Nui laua me na aina o Hawaii nei.
                PAUKU 2. He mea pono i na kanaka o Enelani e noho ana ma Hawaii nei e hele i ko lakou aina, a i na wahi e ae iluna o ko lakou mau moku a iluna o na moku e ae paha; e hiki ia lakou ke kuai lilo aku i ko lakou waiwai, na pa hale, na hale a me ia mea ae ia mea ae, ke lohe e ke alii, a e lawe pu me lakou, i ka dala o ia mau mea, aole meea iki e keakea ai. Aka o ka lepo malalo iho i kukuluia'i na hale no ke alii ia, aole nae e hiki i ke alii ke wawahi i na hale a e hana hewa iki i ka waiwai a kekahi kanaka o Beritania.
                PAUKU 3. A i make kekahi kanaka o Enelani ma ko Hawaii pae aina, aole e huliia kona mau waiwai, aole hoi e hoopaia e kekahi o na Kiaaina a me na'lii, aka e haawi a i ka lima o na mea ana i kauoha ai a i kona mau hooilina paha, ina paha lakou maanei, a i ole ikea ka hooilina a o ka mea i kauohaia ai paha, alaila e lilo ke Konakele a o kona hope paha i mea nana e hooponopono ma ia mea; a ina he mau aie ka kekahi i ka mea i make aku la, e kokua ke Kiaaina o ia wahi, a e koi aku, ke hiki ia ia, i na mea aie e hookaa i ka lakou mau aie i ka Hooilina a i ka mea i kauohaia'i paha, a i ole ikea ka Hooilina a o ka mea i kauohaia'i paha, alaila e ukuia'i i Konakele. A na ke Konakele e hai aku i ke alii i ka make ana o na kanaka Beritania a pau, nona na waiwai e waiho ana ma keia pae aina.
KAMEHAMEHA III.
ED. RUSSELL.

Kailua, Sepatemaba 3 1836.
                Eia ko'u wahi manao ia oe. Ke paipai nei maua me ke kumu i na makua, a me na kumu palapala e ao i na kamalii a pau.
                Ke kukulu nei na hale kula maanei. Ke ao nei ke kahi poe i na keiki. Ua pau na kula kahiko i ka hoaia hou ia ae nei ma keia manawa. Ke manao nei au e ulu paha auanei ka pono ma keia hope aku.
                Ke hooikaika nui nei hoi na hoahanau a pau, a me ke alii Kuakini, i ka paipai aku i na makua, a me na konohiki. O na mea pono a pau, ua hoakakaia aku la i na kanaka. Ua piha na halawai makua i kanaka ma na kuaaina. Ina paha e hooulu mai ke Akua i keia hana a makou, alaila ua pono loa paha.