Ke Kumu Hawaii, Volume II, Number 15, 20 Iulai 1836 — Untitled [ARTICLE+ILLUSTRATION]
NO NOA MA. Olelo mai la ke Akua ia Noa, i mai la, E hele aku oe iwaho o ka halelana, o oe, me kau wahine a me kau niau keikikane, a me na wahine a kau mau keikikane me oe. E lawe pu mai me oe
i na mea ola a pau me oe, i na kino a pau o na manu, me na holoholona, a me na mea kolo a pau e kolo ana maluna o ka honua; i hanau nui ai lakou ma ka honua, i hua mai a mahuahua maluna o ka honua. Hele aku la o Noa me
kana mau keiki, a me kana wahine, a me na wahine a kank mau keikikane me ia. A o na holoholona a pau, na mea kolo a pau, me na manu a pau, a me na mea hele a pau maluna o ka honua, ma ko lakou ano iho, hele aku la lakou iwaho o ka halelana. Hana iho la o Noa i ke kuahu 110 lehova; lalau aku la ia i kekahi o ua holoholona maemae, a o na ihanu maemae a pau, a kaumaha aku la i mohaikuni maluna o ke kuahu.