Ke Kumu Hawaii, Volume II, Number 14, 6 July 1836 — Page 56
56 KUMU HAWAII. (IULAI,
wela, a hanini iho la ia mea iloko o kona umauma. Nui kona eha, a i ka hola 4, o keia ahiahi, make iho la. Hookahi makahiki a me na malama elima kona ola ana.
E ka mea i alohaia e, aole oe i lilo. Ua hele e no oe mamua.
E na hoahanau, e pule oukou i ka Haku no maua, a me ka maua mau keiki i koe, i lilo keia mea e eha ai i mea e pono io ai ko makou mau uhane, a i mea no hoi e ola'i ka kakou poe keiki a pau loa, a me na kamalii a pau o keia pae aina.
Na maua GELINA.
WAIALUA, Iulai 13, 1836.
O ka make weliweli o kekahi wahine.
Ua make ma Makaua i Koolau kekahi wahine i ka la 30 o Mei, o Kaneiakama kona inoa. Eia ke kumu o kona make. Noho iho la ua wahine la me kana kane i Waialua, ma ke kula o Emekona kana kane. He wahine opukeiki kela a ua kokoke mai kona manawa. Nolaila mahope mai o ka pule loa koi aku la oia i kana kane, "E hoi kaua i Koolau. I aku la ke kane, "E noho kaua he, pono ole ke hoi.'' Ikaika loa ka manao o ka wahine e hoi aku. I aku la ke kane eia kahi pono e mai ai: a maanei no au i ke kula. I aku la ka wahine e noho oe, a e hoi au me kuu kaikunane. Ae aku la ke kane, hoi aku la ka wahine me ka nawaliwali no a hiki i Waialee, a moe malaila, a i ka po mai loa ia; kii mai la kekahi kanaka i kana kane. Aka ua hanau e oia i ke keiki. Aole liuliu kona kali ana, ola ia, a hele aku i ka wanaao a hiki i Kahuku, a hoomaha malaila. Ua loaa ia i kana kane malila; ue aku kana kane ia ia; a nana aku i ke keiki; a ua make loa ia. Ua ikaika ia i ka manawa i hanau ai, aka i keia manawa ua make, i ka hele naaupo ma ke ala nui. Ue iho la na makua ia ia. Aole nae i manao ka wahine e noho. Ikaika kona manao e hoi aku i Koolau loa, e ike aku i kona mau makua. Lawe aku no ka makuakane i ke kupapau o ke keiki, a hele hoomanawanui ka makuwahine me ka nawaliwali a me ka eha a po ka la; aole nae i hiki aku i Makaua; ma ke aumoe ua hiki no. Moe laua malaila ia po; ao ae la, a ua kanuia ke keiki a laua. Mai loa ka wahine, he kulu kekahi mai ona; a ua paa ka mimi; a ua nui hoi ke kaumaha ma ke kikala, a malalo hoi. Ua oluolu iki oia i kekahi la, a ua mai hou; aole pau ka eha; a hala na malama elua, make iho la ia.
I kona manawa e mai ai ua manao oia aole pono kona hele ana i kona manawa e nawaliwaliai, aka ua hala ka manawa, aole e ola hou oia. E na makuwahine, e hoomanao oukou i ka make naaupo ana o ua wahine la, a me kana keiki no ka hele nui ana i ka manawa e hanau mai ai i ke keiki. Aole pono ka oukou hana hou ana e like me keia wahine, o ka noho malie ole i ka manawa e nawaliwali ai i ke keiki oia kekahi mea e make ai na wahine he nui loa ma Hawaii nei.
J. S. E.
Eia ko'u manao, Aole loa e pono ka wahine hapai keiki ke hele ma kahi loihi mahope mai o ka iwa o kona mau mahina. A i hanauia mai la ke keiki, aole e pono ka makuahine ke ku ae iluna a hala na la eono, aole hoi e hele ma kahi loihi a hala ka malama hookahi, o loohia ia i ka mai a make.
Na Dauta, G. P. JUDD.
KAHI MELE.
O KA PAPA I KA HOOPUNIPUNI.
Hoolohe e na kamalii,
A malama maikai,
O Iesu ko kakou Moi
Ka Lunakanawai.
Kauoha pono mai ke Lii,
''Mai wahahee oukou;"
Hoolohe a hoopololei
A hana pono no.
Huhu ka Lunakanawai
I na aia a pau;
A nana lakou e hoopai,
Ma kahi make mau.
Pehea o Anania ma.
Na mea wahahee?
Me ka Satana poe kauwa?
Auwe ka make e!
Ma kahi e mau ai ka uwe
Ka uku o lakou!
E make mau na wahahee,
Malalo o ka po!
Nolaila, ma ka pololei,
E olelo pono ai,
E pale i ka wahahee
Ku paa i ka maikai.
NO KA BAPETISO KEIKI ANA.
Eia kekahi mau manao o na kumu misionari, i holo ma ka lakou ahaolelo, ma Oahu, no ka bapetiso keiki ana.
1. Eia kekahi. I ko makou manao, He pono i na hoahanau ekalesia ke hoike, no ka bapetisoia, i ko lakou mau keiki hanai, i lilo mai ia lakou me ka pono, ke paa ua mau keiki la malalo iho o na makua hanai, me he mau keiki hanau ponoi la. Ina aole paa ke keiki i ka makua hanai, me ka hoolohe i kana, aole pono ke hoolilo ua makua la ia ia no ka bapetisoia.
2. Eia ka lua. I ko makou manao, o ka nui o ka poe keiki hanai, ua like lakou me na mea i hookipaia, a like paha me ka poe haumana, a me ka poe hoolimalima, a me ka poe hoanoho wale no; aole like me na keiki ponoi; a, nolaila, aole pono i na makua hanai ke haawi i ua poe keiki la no ka bapetisoia.
3. Eia ke kolu. Aole maopopo, ma ka olelo a ke Akua, ka makahiki o ke keiki e pono ole ai ke bapetisoia. Aia no i ka manao o ke kahuna pule ia wahi. A i pau ka manawa e noho ai ke keiki malalo iho o ka makua, ua hala paha ka manawa e haawi ai ka makua i ua keiki la no ka bapetisoia.
HE MANAO O NA KUMU NO KA MARE ANA.
He pono i na kumu a me na kahu ekalesia ke ao aku i ko ke Akua poe e mare ole i ka poe malama ole ia ia.
O ka mare ana o ka hoahanau luwahine me ke kanaka hou, he mea ewaewa ia he mea e emi ai na kanaka, nolaila aole ia e hoaponoia.
NO NA MOKU.
HOLO ANA MAI.
Mei 21. Clarion, Delano, 46 mau la mai Panama mai.
Iune 8. Phoenix, Sandford, N. B. 16 mal. 700 bar.
9. Roman, Joy, N. B. 6 mal. 200 bar.
19. Henry Aster, Rawson, Hudson, 10 mal. 550.
26. Chs. Fred'k, Brown, N B, 5, 450,
Iulai 1. Europa, Winkworth, 56 mau la mai Canetona mai.
14. Derby, Felt, Salem, 35 la, mai Calao.
14. Columbia, Darby, Col. Riv. 14 mau la. 15. Neriede, Royal, Ladana, 152 la.
MARE.
Ua mareia, ma Molokai, Iulai 12, o Mi. Coana, Mr. Rokeke me Mika Elizabeta. M. Hitekoke.
MARRIED,
At Molokai July 12, by Rev. Titus Coan, Mr. EDMUND H. ROGERS of Lahainaluna to Miss ELIZABETH M. HITCHCOCK, of Kaluaaha.
NOTICE.
The publishing of the Kumu Hawaii must be delayed for a season for want of paper.
NO KE KUMU HAWAII.
Ua pau ka pepa, ma ka lhalepaipalapala, nolaila, aole e hiki ke pai hou i ke Kumu Hawaii i keia mau la.
HONOLULU, Iulai, 1836.
E pai ana i keia manawa, ka HULIANO.