Ke Kumu Hawaii, Volume II, Number 11, 25 May 1836 — Page 41

KE KUMU HAWAII.
HE PEPA HOIKEIKE I NA MEA E PONO AI KO HAWAII NEI.
"O ka pono ka mea e pomaikai ai ka lahuikanaka; aka, o ka hewa ka mea e hoinoia'i na aina."
Buke 2. HONOLULU, OAHU, MEI 25, 1836. Pepa 11.

He kanaka koa loa o Iepeta, no Giliada.
Hooponopono o Iepeta i ka Iseraela i eono makahiki.

O IEPETA A ME KANA KAIKAMAHINE.

                Hoi mai la o Iepeta i Mizepa, i kona hale; aia hoi kana kaikamahine i hele mai iwaho, e halawai me ia, me ua pahu kani, a me ka hula. O kana hanau kahi no ia. Aole ana keikikane, aole hoi kaikamahine e ae.
                A ike aku la o Iepeta ia ia, haehae iho la i kona aahu, i aku la, Auwe kuu kaikamahine e! Ua hookaumaha loa mai oe ia'u; o oe kekahi i hoopilikia mai ia'u. Ua oaka ae la au i kuu waha ia Iehova, aole hiki ia'u ke hoi hope.
                I aku la ia ia ia, E kuu makuakane, ua oaka oe i kou waha ia Iehova ea, e hana mai oe ia'u, e like me kela mea i puka aku, no ka mea, ua hoopai o Iehova i kou poe enemi nou, i na namo hoi a Amona.
                I aku la oia i kona makuakane, E hanaia keia mea no'u, e waiho wale ia'u, i elua malama, i hele au a kaahele i na mauna, a uwe i ko'u puupaa ana, owau a me ko'u poe hoahanau.
                I mai la kela, O hele. Hoouna ae la oia ia ia i elua malama. Hele aku la ia me kona mau hoahanau, a uwe iho la ma na mauna no kona puupaa ana.
                A i ka pau ana o na malama elua, hoi mai la kela i kona makuakane, a hana aku la oia ia ia i kona hoohiki ana i hoohiki ai; aole hoi ia i ike i ke kane: a lilo ia i oihana mawaena o ka Iseraela,
                O ka hele ana o na kaikamahine o ka Iseraela, i kela makahiki, i keia makahiki, e hoomanao i ke kaikamahine a Iepeta, no Gileada, eha la i ka makahiki.
Lunakanawai, 11: 34-40.
 

WAILUKU, Maui, Aperila 26, 1836.
                Auhea oe, ko'u hoahanau aloha? Eia ko'u manao nou. E hiki no ia oe ke hookikina ia Kumu Hawaii e ao aku i kana mau haumana, a e hai aku i ka hohonu o ka olelo maikai. Ke manao nei au, he oiaio ka kanaka e i mai ana i ka nui a ka olelo a Iesu, aole mea nana e hoakaka e hiki ai; no keia mea hoi, i ko'u noho ana i Wailuku nei, a i ka wa a'u i hana ai, a ike iki au i kahi mau mea, a mahope iho hana iho la au i mau puka aniani, a paa no i na la ehiku a kokoke maikai no hoi paha, aka o ka olelo a Iesu, aole pono iki ia'u e heluhelu nei.
                Auhea oukou, e ka poe opio? No oukou kela pono i hanaia nei. O oukou ka poe e pomaikai ana ke hana oukou ma ka oiaio. Ua maopopo, he oiaio no ia.
                Auhea oukou, e na keiki? E ku ae oukou iluna mai ko'u noho ana ilalo, a e holo e aku, no ka mea, ua kaawale ka noho kahiko ana i ko kela wa, aole loa e loaa ia kakou hoeaea ae.
Na H. KAWAILEPOLEPO.