Ke Kumu Hawaii, Volume I, Number 25, 9 December 1835 — Page 199

1835. KUMU HAWAII. 199.

me ka maopopo, e na hoahanau, e paipai ana ia oukou ma kekahi mau mea, no ka haawina i haawiia mai ia'u e ke Akua,
                16 I lilo au i lawehana o Iesu Kristo no na lahuikanaka, e hana ana i ka oihana kahuna, ma ka euanelio a ke Akua, i lilo na lahuikanaka i alana pono i huikalaia e ka Uhane Hemolele,
                17. No ia hoi, he mea ko'u e hauoli ai ma o Iesu Kristo la i na mea mamuli o ke Akua.
                l8. No ka mea aole au manao e hai aku i na mea aole i hanaia e Kristo ma o'u nei, i hoolohe ai na lahuikanaka ma ka olelo, a ma ka hana kekahi,
                19. Ma ka mana o na hoailona, a me na mea kupanaha, a ma ka mana o ka Uhane Hemolele, ua hoolaha nui aku au i ka euanelio a Kristo, mai Ierusalema puni, a hiki aku i Iluriko.
                20. Nui aku la no hoi ko'u makemake e hai aku i ka euanelio ma kahi i hai ole ia'ku ai ka inoa o Kristo, o kukulu aku wau maluna o ko hai kumu;
                21. Aka e like me ka mea i palapalaia, O ka poe i ao ole ia nona, e ike no lakou, a o ka poe i lohe ole, e hoomaopopo no lakou.
                22. Nolaila alalai nui ia au i kuu hele ana'ku io oukou la.
                23. Aka ano, aole wahi koe mai ia'u i keia mau aina, a i ko'u makemake ana i keia mau makahiki e hele io oukou la,
                24. I ko'u hele ana'ku i Sepania, manao no wau e ike ia oukou i ko'u hele ana'e, a e kokuaia e oukou i ko'u hele ana ilaila, ke loaa e ia'u kau wahi oluolu ia oukou.
                25. Aka, ano, e hele ana au i Ieruselema e kokua i ka poe haipule:
                26. No ka mea, he pono no i ko Makedonia a me ko Akaia, e haawi i na makana no ka poe ilihune ma Ieruselema.
                27. He mea pono ia, no ka mea, he poe aie io lakou nei na lakou. No ka mea, ina i loaa pu i ko na aina o ko lakou waiwai ma ka uhane, he pono io no lakou, e hele aku no wau iwaena o oukou i Sepania.
                28. A pau keiki i ka hanaia, a hooiaio aku au i keia hua, no lakou, e hele aku
                29. Ua ike no hoi au, i ko' hele ana io oukou la, e hala wale no au me ka pono nui o ka euanalio a Kristo.

KA HOOMOAKAKA ANA.

                Mok. xv: 13, Pule aku la i Paulo, e haawi mai ke Akua ka mea e manaolana ai kakou, i nui ko lakou olioli a me ka pomaikai i ka paulele ana ia ia, i lana pono hoi ko lakou manao i ke ola loa, ma ka hana ana o ka Uhane Hemolele iloko i ko lakou mau naau. He mea oluolu loa ka manao i ke Akua a me ka malamaia ia.
                14. Ua maopopo ia Paulo ka lokomaikai o kekahi i kekahi hoahanau iloko o ka Haku, oia ke ano o ka ke Akua mau keiki. He naauao kekahi ko lakou ma Roma, e hiki ai ia lakou ke paipai aku, a me ke ao aku kekahi i kekahi.
                15. Palapala moakaka aku la o Paulo ia lakou, aole me ka makau, aole me ka huna i ka pono, i kona paipai ana i ko lakou manao, ma keia palapala, no ka mea, ua haawi mai ke Akua ia ia i lunaolelo ia no ko na aina e. Roma, I. 5.
                16. Haawi mai ke Akua ia Paulo i ilo ia i kauwa lawehana na Kristo e kokua mamuli o na lahuikanaka, e hana oia i ka oihana kahuna no lakou, i pono ka lilo ana o lakou i mohai no ke Akua, i mohai ola hemolele e hoomana pono ana ia Iehova, no ka huikala ana mai o ka Uhane Hemolele ia lakou ma ka euanelio a Paulo i hai aku ai.
                17. He mea e hauoli ai ko Paulo, no ka mea ua haawi ke Akua ia ia i ka ikaika, a me ka naauao, e pono ai lakou ma na mea o ka uhane, ma ka pule a me ka malama i ke Akua. Ua pomaikai lakou i ka Paulo hana ana, nolaila ia i hauoli ai, oia ko ke kumu mea e olioli ai i kona luhi, a i kona hoomanawanui ana i ke ao nei.
                18. Aole o Paulo i manao e hai aku i ka hai hana, aole ia i manao e hoolilo i ka hai hana i hana nana iho, aka o ka mea ana i hana'i ma ka mana o Kristo, i hoohuliia mai na lahuikanaka ma ka pono, i kana olelo ana, i kana hana ana.
                19. Mai Ierusalema aku a me na wahi kokoke, a hiki loa aku i iluriko ma Europa, ua hoolaha nui aku la o Paulo ka euanelio a Iesu, me na hana mana, a me na hoailona kupanaha, a na ka Uhane o ke Akua i kokua mai i holo lea ai ka olelo o ka Haku.
                20. Makemake nui aku la o Paulo e hai aku i ka Iesu olelo i ka poe kanaka lohe ole mamua, ma kahi like ole ai lakou ia ia, aole ma kahi i hai e aku ai na lunaolelo i ka Mesia, aole ia manao e hana maluna o ko kahua, a me ke kumu a na mea e ae i hoomakaukau ai.
                21. Hoike Paulo i keia palapala a Isaia, lii: 15 i mea i maopopo ai kona manao, e ao aku i ka poe ike ole ia Iesu.
                22. No ka nui o kana hana ana ma ia wahi aku a ia wahi aku, aole hiki koke aku ai i Roma e ike ka poe ana i palapala ai.
                23-24. A pau ia mau aina i ka lohe, a loihi no kona makemake ana, e ike ia lakou, manao no ia ua kokoke ka manawale hiki aku ai ia ilaila i kona hele ana e i Sepania. A ike a oluolu ia lakou, manao no ia e kokua lakou ia ia, a e ukali paha kekahi poe ia ia.
                25. He hana okoa no nae kana, o ka hele mua i Ierusalema e kokua i kolaila poe haipule ilihune, me ka waiwai haawi.
                26. Manao no hoi ka poe ohua o Kristo me Makedonia, a ma Akaia, he pono ke haawi i kau wahi o ko lakou waiwai no ko Ierusalema poe haipule ilihune, a houluulu lakou a hoouka ma ka lima o Paulo.
                27. He mea pono i ko lakou manao, no ka mea, he poe aie ko na aina e aie i ka waiwai o ka uhane na Iudaio. Ua lilo kekahi poe o na Iudaio i ko na aina e. Na na kumu Iudaio hoi, i hoolaha i ka olelo a ke Akua ma na aina e, i pomailkai pu ko lakou mau uhane, alaila, he mea pono ke kokua ko na aina e i ka poe Iudaio ma na mea o keia ao, ke nele lakou.
                28. Manao aku la o Paulo, aia haawi pono aku oia ia waiwai i houluuluia, a ike io ia i ka pomaikai ana o ia poe ilihune, alaila e hele ia i Sepania, a e kipa ae i Roma a hele mawaena konu, o ko laila poe hoahanau.
                29. Ua loaa ia Paulo ka pono nui o ka euanelio, ka pono e pomaikai maoli ai ka poe i malama, a o kona manao maopopo e hele io lakou la me ia pono nui o ka olelo a Kristo. Pela no hoi i hele ai na kahuna Iesu i hoohele ai, e hoohaumana, a e hoopomaikai i na kanaka.

HE MAU NINAU.

Mok. xv: I3,... Pule aku la Paulo pehea?
I nui ko lakou olioli i ke aha?
I nui ka manao lana mahea?
14. Maopopo ia Paulo o ke aha?
O ke ano ia o ka poe hea?
15. Pehea ka Paulo palapala ana aku ia lakou?
Heaha kona haawina mai ke Akua mai?
16. I lilo o Paulo i aha?
E kokua ia mamuli owai?
Lawelawe oia i ka oihanakahuna i aha?
I hui kalaia na lahuikanaka mahea?
17. Heaha ko Paulo mea i hauoli ai?
18. Manao o Paulo e hai ole i ke aha?
O ke aha kana i hai ai?
19. Maheala kahi i hoolaha nui ai o
Paulo i ka euanelio?
Pehea la ia i kokuaia mai ai e holo lea ai ka olelo?
20. Makemake nui o Paulo e hai i ka olelo mahea?
21. Ma ka palapala hea i maopopo ai