Ke Kumu Hawaii, Volume I, Number 24, 25 Nowemapa 1835 — Page 191

1835.) KUMU HAWAII. 191

13 E hoohewa ole aku no ke aha?

lna manao nui oia i ka io, a me na la, pehea la?

14 Nawai i hoike ia Paulo aole mea haumia, oia iho no?

Ina ua haumia i ka manao o ke kanaka, pehea ia ia ia?

15 Ina ua ehaeha kou hoahanau a hewa kou ai ana i ka io, pehea la oe ia ia?

Ina e hoomau kekahi hoahanau ka hana e hihia ai kekahi hoahanau, pehea la ia?

16 Kaawale ka Ie su haumana pehea? Pehea la e ole ai ka hoino ana keia pono?

17 Heaha ke aupuni o ke Akua?

Makemake ke Akua i ke aha?

18 Owai ka mea i oluolu mai ai ke Akua?

Mahalo na kanaka naauao ia wai?

19 E imi pu kakou i na mea hea?

20 Heaha keia hana a ke Akua?

Pehea la e hiki ai ke hoohiolo?

Ua pau ke kapu ana o ke aha?

He mea aha ka ai ke hana ke kanaka me ka hihia?

21 He pono ke waiho i ke aha?

22 Ina manao kekahi he kapu ole ka io pehea la ia e hana'i? Pomaikai ka mea hea?

23 Pehea la ke kanaka ke ai me ke kanalua?

Pehea na hana a pau ke hanaia me ka manaoio ole?

HELU 26.

Mokuna xv. He pono no hoi no kakou ka poe ikaika e hoomanawanui i ka nawaliwali o ka poe ikaika ole, aole hoi e hooluolu iho ia kakou iho.

2 E hooluolu aku keia mea kela mea o kakou i kona hoalauna ma ka pono, e hookupaaia'i ia.

3 No ka mea aole i hooluolu iho o Kristo ia ia iho, aka, me ka mea i palapalaia,

O na olelo hoino a ka poe hoino ia oe, ua haule mai ia maluna iho o'u.

4 No ka mea, o na mea a pau i palapala e ia mamua, ua palapalaia ia i mea e ao mai ai ia kakou, i loaa la kakou ka manao lana ma ka ahonui, a me ka hooikaika ana mai o ka palapala hemolele.

5 A na ke Akua nona mai ke ahonui, a me ka hooikaika ana mai e haawi ia oukou i manao like kekahi me kekahi mamuli o K risto Iesu.

6 I hoonani aku oukou me ka lokahi o ka manao a me ka leo hookahi, i ke Akua, i ka Makua hoi o ko kakou Haku o Iesu Kristo.

7 Nolaila e lokomaikai aku kekahi i kekahi, me Kristo hoi i lokomaikai mai

ai ia oukou, i hoonaniia'i ke Akua.

8 Ke olelo aku nei no hoi au, he lawehana o Ie su Kristo no ka poe i okipoepoeia no ka pono a ke Akua, hookoia'i na olelo hoopomaikai i ka poe kupuna;

9 E hoonani ae hoi na kanaka e ke Akua no kona lokomaikai, e like me ka mea i palapalaia, Nolaila au e hoomaikai aku ai ia oe mawaena o ko na aina e, a e hoolea aku hoi au i kou inoa.

10 A ua olelo hou mai no ia, E olioli oukou e na lahuikanaka me kona poe kanaka.

11 Eia hou; E hoolea aku oukou ia Iehova, e na lahuikanaka pau, a e hoonani aku oukou ia ia e na kanaka a pau.

12 A ua olelo hou mai o Isaia, E kupu ana ka mole o Iese, a e ku mai kekahi i alii no na lahuikanaka, a ia ia e paulele ai ko na aina e.

KA HOOMOAKAKA ANA.

Mok. xv. 1, O ka poe kanalua ole ma ka mea ai a ma ka mea inu, maopopo nae ko lakou manao i ka pono, he pono no lakou e hoomanawanui i ka poe e kanalua ana, a e makau ana o hihia lakou i ka ai laa. E hoomanawanui aku kakou, aole e hooluolu ia kakou wale iho no. 1 Kor. ix: 22.

2 E imi pu kakou e hooluolu aku kekahi i kekahi; e hana hoi keia mea kela mea o kakou, ma ka pono, e pono ai kona hoalauna, e kukuluia oia a ku paa ka pono.

3 Aole o Iesu i manao nui o kona oluolu iho, a i kona eha iho, imi no ia, a hana no hoi i ka mea e oluolu ai, a e pono ai, a e ola ai o hai, a ua hoomanawanui no hoi i kona pilikia iho, a me ka olelo hoino a na kanaka i hoino ai i ke Akua. Halelu, li x: 9.

4 O ka mea i kakauia ma ka palapala hemolele i ka wa kahiko, ua kakauia ia e naauao ai kakou, i loaa mai ka manao lana no ka hoomanawanui ana ke pilikia, i ka hana pono ana a ma ka paipai ana mai hoi a me ka hooikaika ana mai o ka palapala hemolele. Roma. v: 3, 4, 5.

5 Na ke Akua ka mea i haawi mai i ke ahonui, ka mea i hooikaika mai hoi, e haawi mai ia oukou e manao like oukou, mamuli o ka mea a Kristo i kauoha mai ai. Aole e ku ee na mea liilii, aole hoi ma na mea nui.

6 E haawi ke Akua i ka manao like mamuli o Kristo, i hiki pono ia oukou ke hoonani like aku ia ia, me ka lokahi o ka manao. Aole me ke ku ee na naau, i ko oukou hoonani ana i ke Akua ka Makua o Iesu o ko kakou Haku.

7 No keia mau mea a'u i olelo aku nei ia oukou, e hana lokomaikai keia mea kela mea o oukou i kona hoolauna, like me ko Kris to hana lokomaikai ana mai ia oukou, e hoonaniia ke Akua.

8 Lilo mai la Iesu i mea lawelawe na ka poe Iudaio, a ua kokua hoi oia mamuli o lakou e pono ai ka ke Akua olelo oiaio, i ko ai hoi na mea a ke Akua i olelo ai i ka poe kupuna no ka hoopomaikai ana i ka lakou poe mamo.

9 Ke hoakaka nei au, e hoomaikai aku no hoi na lahuikanaka i ke Akua no kona aloha mai ia lakou ma o Kristo la, e like me ka mea i palapalaia, Halelu, xviii. 49.

"Nolaila au e hoomaikai aku ai ia oe, e Ieho va, mawaena o ko na aina e, E hoolea aku hoi au i kou inoa."

O ka hoolea i ko ke Akua inoa, oia ka hoolea i ke Akua.

10 "E olioli oukou e na aina," Kanawailua, xxxii: 43.

Ua hoakaka mai no ka palapala hemolele kahiko i ko ke Akua manao, e komo ko na aina e i kona aupuni. Halelu l xvi: 1- 4.

11 Hoike hou keia i ka pono o ka hoolea no na aina e. E hoolea aku oukou ia Iehova, e na lahuikanaka a pau, a e hoonani aku oukou ia ia, e na kanaka a pau. Halelu 117, 1. Himeni, 97.

12 Na Isaia kekahi i olelo mai, me me ka olelo nane, "E kupu ka mole o Iese." Penei paha ke ano, o Iese ka makua o Davida. O ka Mesia ka Haku a me ke keiki a Davida. E puka mai no ka Mesia i alii no na lahuikanaka, a e paulele lakou ia ia. -- Isaia, xi: 10. Pela i maopopo ai o ko na aina e kekahi e komo i ka ekalesia a Kristo.

HE MAU NINAU.

Mok. xv: 1. E hoomanawanui ka poe kanalua ole i ke aha?

Aole e hooluolu kakou ia wai?

2 Pehea la e hana'i keia mea kela mea o oukou i kona hoalauna?

E hana pela, e aha?

3 Pehea la o Kristo i hana'i?

Ma ka palapala hea i maopopo ai ko Iesu imi ole ana i kona oluolu iho?

4 Ua kakauia ka mea kakauia ma ka palapala kahiko i aha?

I loaa mai ia kakou ke aha?

Ma ka mea hea e loaa ai?

5 Heaha ka Paulo pule ma keia pauku?

Nawai e haawi ka manao like?

Manao like mamuli o ke aha?

6 E haawi ke Akua pela i aha?

7 E lokomaikai aku owai?

E like me ke aha?

E lokomaikai kekahi i kekahi i aha?

8 He lawehana o Iesu no wai?

Kokua mai o Iesu pehea?

No ke aha? I hookoia na mea hea?

9 - 10 Olelo mai ia o Paulo e hoonani owai?

E like me ka palapala hemolele hea?