Ke Kumu Hawaii, Volume I, Number 23, 11 November 1835 — NO NA MAI. [ARTICLE]

NO NA MAI.

HE MELE KAHIKO PAHA. O nuua olilo waaa, o ka mahu. o ka alae, o kulia, o kanaka nana na kia na lena kulia i ka hiki na kia i wawau o ka hono hea oe, o ka hono uluku uluku ulu heihei komia e hina ia uia koia. Eia ka mai, a me ka laau lapaau o keia aina. Ku i Kahiki ke one; he one lauena ke one, he keiki ka mai ; he koholua ka laau. Ku i Niihau ke one, he one lele ke one; he lolokaa ka mai; he puili ka laau. Ku i Kauai ke one; he one keokeo ke one; ho hokale ka mai; he pauku ka laau.

Ku i Oahu ke one; alaalaa ke one; he laina ka mai; he puhi ka laau Ku i Molokai ke one; he one pupu ke one; he kuapue ka mai he nonolau ka laau. Ku i Lanai ke one, he lai ke one; he kea ka mai; he lu ka laau. Ku i Kahoolawe ke one, analoa ke one, he pehu ka mai, he he liki ka laau. Ku i Maui ke one; he one ulaula ke one, he papaku ka mai, he oopuhue ka laau. Ku i Hawaii keone, he one eleele ke one; he eho ka mai, he kukui ka laau, hanau kukui alii hoopumahana i ka poli o papa. Eia ka laau i laa i ke kanawai; he waiiki, he pipa a lua laau i laa. Ua kuhi hewa na kahuna lapaau, ua ike aku no he mai make. No ke kuli hewa aole i makaukau i ka oihana. Na Hekekia. Ewa, Oahu, 1835.