Ke Kumu Hawaii, Volume I, Number 21, 14 October 1835 — Page 167

1835.) KUMU HAWAII. 167

kokoke mai ka we e naauao loa ai, kokoke pau hoi ka pouli o ke ao nei, e ike koke kakou i ka malamalama o ka lani. E pono ke haalele koke i na hana hewa a kanaka i hana'i i ka po, a e hoomakaukau io kakou e pale aku i mea i ku e i ko kakou mau uhane, e hana i na mea he pono ke hana maloko o ka malamalama.
                13 E hele ma ka pono, imua o ke Akua a me ko ke ao nei, aole mamuli o na mea a ka poe hewa i hahai ai i ka po, ka uhauha, ka ona, ka moe kolohe, ka paio, ka huahua.
                14 E hoohalike me ka Haku me Iesu Kristo, e hoopihaia oukou me ka manao pono e like me kana, a malaila e hooikaika ai mamuli ona, aole e hana mamuli o ke kuko hewa o ke kino, mai hoomakaukau i mea e kokua i ke kuko ino.
                Mok. xiv. 1. Ina he hoahanau e malama ana i ka pono, aole hoi maopopo loa kona manaoio ana, ua nawaliwali, ua palupalu, ua kanalua paha ma kekahi mau mea, o kona makemake nae e ike i ka pono, e launa aka oukou ia ia a, e hana, naauao aku, aole hoohihia ia ia, aole hana i mea e mahuahua' i kona kanalua ana.
                2 Manao no kekahi hoahanau aole kapu keia mea ai kela mea ai, he mea pono ke ai; a manao kekahi o na laauikiai ka pono, o na lau ka mea ai, aole i hookaheia ke koko, na makau paha ia i ka io i kuaiia ma kahi kuai o haumia ia i ka mea i mohaiia'ku i na akua wahahee, nolaila ia i ai ai i na mea kanu, na mea ulu.
                3 O ka mea i ai i ka io, aole pono ke hoowahawaha i ka mea i ai ole. A o ka mea i makau i ka io a haalele hoi, aole pono ke hoahewa aku ia i ka mea makau ole, ka mea i ai me ka manao pono, no ka mea ua launa mai ke Akua, aole hoahewa ia ia.
                4 E hiki anei ia oe ke hoahewa aku i, ke kanaka o ka haku ke. Mamuli o kona haku ponoi e hoaponoia'i ia, a e hoakewaia'i paha. E hoaponoia no ke kauwa a ka Haku, a e ku paa ia me ka pomaikai, e hiki pono i ke Akua ke hooku paa ia ia a pomaikai.
                5 O kekahi haumana a Kristo, ua manao no he oi aku ka maikai o kekahi la mamua o kekahi la, a manao kekahi ua like na la a pau. Okoa ka la Sabati kahiko o na Iudaio, o ko kakou la hoomalolo ia; Kolosa. ii, 2 16. Gal. iv: l0. He mau la ahaaina e ko lakou. Manao paha kekahi poe haumana Iudaio aole pono ka noa ana o ko lakou mau la kapa, a manao kekahi ua noa ia. Ua maopopo nae ia lakou ko kakou la Sabati, ua kapaia e lakou o ka la o ka Haku. I Kor. xvi. 2. Oihana xx: 7. Hoike ana ii. 10. Oia ko lakou la e halawai nui ai e hoomana i ka Haku.
                He pono hoi ke hoomaopopo lea keia kanaka kela kanaka i kona manao iho, a hana hoi ma ka mea i akaka.
                6 O ka ohua i malama i ka la ana i manao ai he hoano, ua malama no ia i ka la e hoonani ai i ka Haku. O ka mea i malama ole i kela mau la ana i manao ai ua noa, ua hana hoi ia pela no kona manao he pono ia i ka Haku.
                A o ka mea i ai me ke kanalua ole, ua ai no ia mamuli o ka Haku me ka manao e hoomaikai aku ia ia i kona lokomaikai. A o ka mea i makau i ka haumia, aole i ai i ka io, no kona makau i ka Haku kona ai ole ana, a ua hoomaikai aku no ia i ka Haku no ka malamalama ana i haawi mai ai ia ia.
                7 Ina he poe ohua oiaio kakou no ke Akua, aole ola kakou no kakou iho, aole noho kakou mamuli o kakou wale no, mamuli o ke Akua ko kakou kino, a pela ko kakou uhane mahope iho o ka make ana o ke kino.

HE MAU NINAU.

Mok. xiii. 8 E hookaa i ke aha?
                He aha ka mea kaa ole?
                O wai ka mea i malama i ke kanawai?
                Ua hookoia na kanawai hea, ma ke aloha?
                10 Pehea aku ke aloha i ka hoalauna?
                He aha ka mea i ko ai ke kanawai?
                11 Mahea la e hana'i?
                Hoomanao i ke aha?
                He hora hea? E ala kakou no ke
                12 Kokoke pau ke aha?
                O ka manawa hea ia?
                Haalele kakou i ke aha?
                He aha ka mea e hana'i?
                13 Pehea la e hele ai kakou?
                14 Hoohalike kakou me wai?
                Hoomakaukau ole i ke aha?
                Mok. xiv. l. E launa aku ia wai?
                I mahuahua ole ke aha?
                2 He aha ka mea ai pono i ka manao o kekahi?
                He aha hoi i kekahi?
                Makau ka mea nawaliwali i ke aha?
                3 Mai hoowahawaha owai ia wai?
                Owai ke launa ia ia?
                4 He pono anei i ke kanaka ke hoohewa i ka hai kauwa?
                Mamuli owai kona ku paa ana? He aha ia?
                Ia wai kona haule ana? Heaha ia?
                Nawai e hoapono mai i kana kauwa oiaio?
                5 Pehea ka manao o ka haumana Iudaio i na la? Pehea ko kekahi manao?
                Pehea la e pono ai keia kanaka kela kanaka?
                6 O ka mea malama i ka la, no wai ka malama ana?
                O ka mea malama ole i na la noa, no waika malama ole?
                O ka mea i ai, no wai ka ai ana?
                E aha hoi ia?
                O ka mea i makau i ka io, no wai kona ai ole ana?
                7 Pehea kona hoomaikai ana?
                Ina he poe ohua oiaio kakou no ke Akua, mamuli owai ko kakou ola ana?
                Ina make ke kino o ko Iesu ohua, mamuli owai ka uhane?

NO KA POE KULI A ME KE KAMAILIO OLE.

U a manaoia, he ono tausani (6,000) kanaka kuli ma Amerika Huipuia. Me Europa, hookahi haneri a me kanaha tausani, (140,000.)
Ina 140,000 ma Europa, ehia na kanaka kuli ma na aina e pau? E na haumana, ma Lahaina luna, e imi oukou a hoike mai. Eia ka papa o na hale kula no ka poe kuli a me ka poe hiki ole ke kamailio, ma Europa.
Ma Sepania, 1

Potugala, l

Italia, 6

Helevitia, 4

Badena, 4

Weretebura, 3

Bavaria, 1

Perusia, 8

Geremania, 10

Denemaka, 2 Suedena, 1

Rusia, 1

Batavia, 4

Beritania, 10

Farani, 26

Ua kukuluia he kanaono o keia mau hale i na makahiki kanakolu i hala aku nei. Eono hale kula no ka poe kuli ma Amerika Huipuia.
Ma Harefora, 1

Piladelepia, 1
Ohio, 1

Kenetuke, 1
Kanajoharie, (N.Y.) 1
Nu Ioka, 1