Ke Kumu Hawaii, Volume I, Number 20, 30 September 1835 — Page 156

156 KUMU HAWAII. (SEPATEMABA,

a hele mai no kekahi poe o lakou ma Papeete, ko makou wahi i ku ai. Pomaikai maoli au i ka launa pu me lakou. Mamuli paha e hoakaka hou aku au ia oe i kekahi mau mea a'u ike ai, a i lohe ai hoi, malaila, i heluhelu  kanaka e Hawaii.

NO KA HOI ANA MAI.

                Mai Tahiti, holo makou i Huahine, kalewa wale ae la ka moku malaila aole i ku; no ka mea, ua pau ka kakou ukana, i ka laweia' ku, ma kekahi mau moku o kohola. I ka la 27 o Augate, haalele makou ia wahi, a holo mai. Eia ka la iwakalua o ka holo ana, a ike wale makou ia Hawaii, me ka olioli,  a me ka hoomaikai aku i ke Akua, nana i kokua mai.
                Na kou hoahanau, Na BALUINA.

                E kuu keiki, mai huli e aku kou mau maka, e hoopaa i ka naauao a me ka ike.
                He ola no ia no kou uhane, he hanohano  no ia i kou ai;
                Alaila, e hele makau ole oe ma kou ala, a o kou wawae hoi aole ia e palaha.
                E moe iho no oe, aole oe e makau, e moe iho no oe a e oluolu kou hiamoe ana.

NA NA KAMALII.

KA PALAPALA HEMOLELE A KE AKUA.

                Palapala Hemolele,
                A Iesu i haawi mai ;
                Pomaikai ke keiki ike,
                I ke alakai maikai.

                Na ia nei i hoakaka,
                Ka ka Haku i hana'i,
                A me kana mau kauoha,
                A me kona kanawai.

                Ua ao mai ia kakou e pule,
                E pale hoi i ka hewa a pau,
                Kuhikuhi i ka lani,
                Kahi o ke ola mau.

                Palapala Hemolele,
                Koi ke kumu akamai,
                Nana i hai i ko Iesu make
                I mihi kakou, e ola'i.
Himeni Kamalii.

O A DAMU LAUA O EWA E NOHO ANA MA EDENA.

He kane.
O Adamu.
He Wahine.
O Ewa.
Na holoholona.
He liona.
He elepani.
He dia, paha.
Na manu o ka lewa.
Na laau nui.

O Adamu laua me kana wahine, o Ewa kona inoa.
Na makua mua loa laua o ko ke ao nei.
Na ke Akua laua i hana'i.
Ua noho laua ma ka mala o Edena.
Aole kanaka e ae ia manawa.
Ua noho o Ewa ma ko Adamu aoao akau.
Ua o aku la Ewa i kona lima akau, a e kuhikuhi ia Adamu i ka elepani.
He nui loa ke kino o ka elepani; he nui no kona mana, a me ke akamai.
Ua moe ilalo ka liona.
Oia ke alii o na holoholona a pau.
He mama ko ka dia.
Ua hiki mai na holoholona ia Adamu, ko lakou haku.
Kapa aku la Adamu i na inoa o ka poe holoholona a pau, a o ka poe manu o ka lewa, a me ka poe holoholona hihiu a pau.

NO KA HELU ANA O NA KANAKA.

HE UI MISIONARI.

[E nana i ka aoao 141.]
HAKINA 12.
Na ka hana kupono i ka poe i loaa ia lakou ka olelomaikai.

                1. He mea pono anei i ka poe i loaa iho nei ia lakou ka olelomaikai ke noonoo nui i ka poe naaupo?
                He pono no, ke hoomanao i ko lakou noho ana mamua, i ka wa i