Ke Kumu Hawaii, Volume I, Number 18, 2 September 1835 — Page 144
144 KUMU HAWAII. ( SEPATEMABA,
oukou mau aina. Ina i manao oukou e hoouna i mau luna ma ko oukou mau aina, imi oukou i mau luna haipule, makau i ke Akua, alunuwaiwaiole. Ina pela oukou e, hana'i, he mea ia e hoomapopo ai i ke aloha, i ka uhane o na kanaka, a he mea no hoi ia e hoomaikai ia ai ka ke Akua olelo ke ao aku na kumu. Na'u na BATIMEA.
KAHI MELE.
NO KE KULA SABATI.
Nani keia Sabati,
Kani kona bele nei,
O na kumu a kakou,
Ahonui maoli no.
Hele pu na kamalii,
I ke kula Sabati,
Imi i ke ola mau,
Mele like ia Iesu.
Eia hoi, kokoke po
Keia la hoano no,
Koe no ke kapu mau,
No ko Iesu poe a pau.
Aia hoi, he nani e
Ko ka lani Sabati
Nani no na mele mau,
Ma ke alo o Iesu.
Aia mau ka pomaikai,
Me ka Haku e ola'i,
Ola mau a mele pu
Na haipule o Iesu. H. B
HE KANAWAI MAIKAI.
Aia ma Suedena, a ma Norewai, o ka poe ike ole i ka heluhelu palapala, aole hiki ia lakou ke mare, aole hoi ke hoolimalima. Ina makemake ke kane ke mare i ka wahine, a me ka wahine i ke kane, a naaupo kekahi, aole ike i ka heluhelu, u'oki no ka mare ana; aole hiki; aia ike, alaila mare. A ina makemake kekahi kanaka e hoolimalima i uku, aole hoi ia i ike i ka heluhelu palapala, aohe mea nana ia e hoolimalima, no kona naaupo. O ka poe ike, o lakou ke hoorimalimaia, a o lakou hoi ke mareia.
No keia kanawai o ke alii i kau ai malaila, ua imi nui ia ka ike a me ka naauao; a oia ka mea e pono ai na kanaka, na ohana a pau.
He kanawai pono ia no keia pae aina. E imi na aka poe ike i keia wa. Mamuli paha hoi hou nai ka naaupo me ka manawa mamua no ke ao ole ana o na kanaka i ka palapala. E pono i na'lii ke kuka pu ma na mea e paipai ai a e hooeueu ai i na kanaka e ao i ka heluhelu, a e imi i ka naauao i pono keia aupuni, a i kupaa hoi me ke kulanalana ole. L. L.
NO NA MOKU.
Iune 11. Holo mai ka moku e Ganymede, o Easles ke alii, mai Ladana mai, 6 mau malama ka holo ana.
21. Winslow, Barnard, Nu Bedefoda, 400 bar. 18 mal.
Phoebe, Russell, Nanetuketa, 150 bar. 18 m.
Iulai 6. Caroline, Meek, Ladana, 40 bar. 13 m.
10. Victoria, ke kia alua, H. Paty, mai Valparaiso mai, 50 mua la.
Aug. 2. Canton Packet, Bradford, Berisetola, 1,700 bar. 33 m.
8. Carafilia, T. H. Seymour, Bosetona, 7 m.
10. Cortez, Bunker, 400 bar. 13 m.
16. Griffon, Little, mai Mazatlan mai.
19. Essex, Coleman, 250 b. 20 m.
22. Harmony, Brown, 23 mau la, mai Tahiti mai.
Iune 21. Holo aku Phoebe, Russell, i Iapana.
24. Winslow, Barnard, i Iapana.
29. Ganymede, i Kolumebia.
Iulai 26. Caroline, Meek, i St. Lucas.
Aug. 8. Canton Packet, Bradford, i Amerika Huipuia.
12. Victoria, Thayer, i Valparaiso.
14. Lady Wrengell, Shaw, i Valparaiso.
25. Essex, Coleman.
KA HEWA O KA BAKA.
Eia keia hewa nui o ka baka - o ka ona ana a naaupo loa, a haule i kapuahi. - Ina he aa ke ahi o ke kapuahi a haule aku ke kino a me ke poo a me na lima i kapuahi ina i hele koke mai kekahi kanaka a ike i ka mea ana paha e waiho ana i ke kapuahi; pakele paha kela i ka hee ana mai a lwe ae la ia ia. Ua wela ke kino, a me ka maka, a me na lima, a ola mahunehune ae la ke kanaka puhi baka. Ina aole e hele koke mai ke kanaka nana i lawe ae la, ina ua make loa aku la ua kanaka puhi baka la. He nui na kanaka o Hawaii nei i ola mahunehune mai la i ke ahi baka, a pawela kekahi, a mumuku kekahi, a make loa kekahi. Oia ka mea hoomainoino kino, o na'lii a me na makaainana, na makua a me na kamalii, mai Hawaii nei a hala i Kauai.
He mea ino loa ka baka, o ka wela o ka hale kekahi, a pau wawe ko ke kanaka waiwai i ke ahi baka. - Ina e ku pu ka hale i wela, me ka nui o kau hale, e pau no ia kulanakauhale i ka wela i ke ahi baka kekahi manawa, aole wahi mea koe iki ma loko o ka hale, pau loa i ka wela i ke ahi baka.
Eia hoi kekahi hewa o ka baka, o ka wela o ka aina, a pau na mea kanu a me kauhale i ke ahi baka, a pololi loa na kanaka he nui loa no ke ahi baka a ke kanaka hookahi, pau loa ka uwala a me ke kalo a me ke ko; mahunehune loa ka aina no ka ipu baka a ke kanaka hookahi. NA SOLOMONA.
Kaawaloa, Hawaii, 1835.
E hoopakele ia oe i ka wahine ano e, i ka wahine malihini i hoomalimali ka olelo;
Oia ka i haalele i ke alakai o kona wa opiopio, a hoopoina hoi i ka berita o kona Akua;
No ka mea, ke hina nei kona hale ilalo i i ka make, a o kona mau ala hoi ma kahi o ka poe make.
O ka poe hele io na la, aole e hoi hou mai aole hoi e hiki aku ka lakou ala i ke ola.
I hele oe ma ke ala o ka poe pono, i malama hoi oe i ka aoao o ka poe pololei.
No ka mea, e noho paa ka poe maikai ma ka aina, a e koe no ka poe pololei malaila.
PAI HEWA. - Ma ka aoao 136, malalo o ka mele, aole pololei A. B. Eia ka pololei, H. B.
Ua paiia KE KUMU HAWAII ma ka mea Paipalapala a na Misionari, Honolulu, elua hebedoma hookahi pepa, o Wenede ka la e pai iho ai.
Eia ke kuai ana, HOOKAHI MAKAHIKI $1.00, a na mea e lawe i ka pepa a pau.
Oahu: Mission Press.—R. TINKER, Editor. E. O. HALL, Printer.