Ke Kumu Hawaii, Volume I, Number 18, 2 Kepakemapa 1835 — Page 143
1835.) KUMU HAWAII. 142
KA HOOMOAKAKA ANA.
16 Ina i laa i ke Akua kekahi mea uuku o ka palaoa i hoawiia'ku ia ia, alaila he pono ke ai ia ka nui i koe; a ina i laa ke kumu o ka laau, o Aberahama ma, alaila e laa no na lala, na mamo, ana, mahope aku.
17, 18 Ua haihaiia, ua hewa na mamo a Iseraela, a o na kanaka e i hookomoia i ka ekalesia, e like me ka pakui ana o ka lala oliva ulu wale i ka oliva maikai, a loaa i ko na aina e ko laila pono, aole hoi e pono ke hookiekie ko na aina e maluna o na mamo a Iseraela.
A ina ua hookiekie na lala hou, aole no e ola ke kumu ia lakou, aka o ka mole a me ke kumu ka mea e pono ai na lala. No laila he pono ka hoohaahaa.
19 O ko Paulo manao e olelo paha ka mea i komo hou mai, ua kipakuia na mamo maoli a Iseraela, i kaawale kahi e hookomoia'i ko na aina e.
20 Ina he oiaio ia, eia hoi ko lakou mea nui i hemo ai, o ko lakou manaoio ole, a me ka malama ole i ke Akua, a o ka manaoio ka mea e noho pomaikai ai ko na aina e ma kahi i hemo ai ia poe aia, no laila he pono ke hookiekie ole, e hoohaahaa nae me ka weliweli.
21 No ka mea, i ka wa i haalele ai ka Iseraela i ke Akua aole ia i kaohi mau ia lakou iloko o kona ekalesia, ua kuu iho no, a ua kiola no, a ina e haalele hou ko na aina e ia ia, e kiola hou ia no hoi lakou.
22 E hoomanao aku hoi he lokomaikai ko ke Akua i ko na aina e, a ua hana oolea no ia i ua mamo a Iseraela, i ka poe i hana oolea aku ia ia, a e mau ana no hoi kona lokomaikai i ko na aina e, ke malama mau lakou i kana pono, me ka mahalo i kona lokomaikai.
23 A o na Iudaio hoi, ina aole lakou e ku e mau i ke Akua, e hoihoiia mai no lakou i ka ekalesia, aole ia he mea hiki ole i ke Akua.
24 Ina i hiki i ke Akua ke hoohuli mai i ka poe hoomana kii, mai ko lakou aoao maoli mai a hoolilo ia lakou i ano hou, i ohua nona, alaila, e hiki maopopo ia ia ke hoohuli hou mai i na mamo a Aberahama ka mea ana i koho ai mamua, a komo hou lakou i ko ke Akua ekalesia, ko lakou kumu laau ponoi.
25 O ko Paulo makemake e ike na kanaka i keia mea maopopo ole, o ka moowini ana, o ka naau palaka ana a kekahi poe o ka Iseraela, a hiki i ka wa e hookomo nui ia ko na aina e.
26 27 Alaila hoi e hoola nui ia'i ka Iseraela, mahope iho o ka huli nui ana o na lahuikanaka e. Kokoke mai paha ia manawa. Ua hoakakaia mai ko ke Akua manao e lokomaikai hou i ka Isaraela, ma ka palapala hemolele, E puka ana ka mea kokua no loko o Ziona e oki ai ka hana hewa ana o ka Iseraela a o keia ka'u berita ia lakou i ka wa e hala aku ai au i na hewa o lakou. Malaila i maopopo ai ko ke Akua manao e launa hou mai i na mamo a Iseraela.
28 Me he mau enemi lakou i ke Akua, i kona ku e ana ia lakou, i pono ai ko na aina e ma ka euanelio, a he poe aloha nae no ke Akua, no kona manao ana ia Aberahama ma a me kana olelo hoopomaikai ia lakou.
29 Aole ke Akua i haalele i kona koho ana ia Aberahama, aole i haalele i na mea ana i manao ai e haawi ia lakou; he mea mau no hoi na makana ona.
Nolaila he pono ke laua ka manao o ke koena o ka Iseraela.
HE MAU NINAU.
16 Heaha ka hua mua?
17 Heaha ka haihai ana o na lala?
Owai ke kumu ? owai na lala?
Owai ka oliva ulu wale?
Heaha ka pakui ana o ka oliva olu wale?
Heaha ke kumu i ulu ai ka lala i pakuiia?
18 O ka lala, a o ke kumu, o ke aha ko laau mea e kau ai kekahi?
19 Nawai e olelo ua haihaiia na lala i pakuiia ia?
20 Heaha ka mea nui i hemo ai ka Iseraela?
Mehea la e noho pomaikai ai ko na aina e, i ko lakou wahi?
21 Heaha ka hookoe ole ana o ke Akua?
22 Ka lokomaikai o ke Akua ia wai?
He oolea ia wai?
Pehea la e mau ai ka lokomaikai i ko na aina e?
Ina noho ole lakou ma ka pono, e aha ia'uanei ko na aina e?
23 Ina e hoomau ole ka Iseraela ma ka manaoio ole, e ahaia'uanei lakou?
E hiki ia wai ke pakui hou ia lakou? -
24 Mahea la i maopopo ai ka hiki ana i ke Akua ke hoohuli hou i ka Iseraela?
25 Heaha keia mea pohihihi?
Heaha ka hope oia moowini ana o ke kahi poe mamo a Iseraela?
26, 27 A hoohuliia ko na aina e eahaia ka nui o ka Iseraela?
Ma ka palapala hea i maopopo ai ko ke Akua manao e launa hou i ka Iseraela?
28 Nowai la i lilo ai lakou me he mau enemi ?
Nowai la i alohaia'i na mamo o ka Iseraela?
29 pehea na makana o ke Akua?
He mea mau anei kona koho ana ia Aberahama? a me kana mamo?
Auhea oukou, e ko Molokai? Ma ka Papainoa o ke kula nui aole au i ike i ka inoa o kekahi kanaka no ko oukou moku. Pehea ia? Aole makaukau anei kekahi? aole anei oukou i imi i ka malamalama?
I ka wa mamua, i ko'u noho ana ma Amerika, ua lohe au, he nui loa ka makemake o na kanaka ma Molokai e loaa ka naauao, a me ke kukui mai ka lani mai. Ia manawa, holo aku la oukou, i Maui, a kikeke, i ke aumoe, ma ka puka o ka hale o mika Rikeke, a ninau aela, "Ea, ekekumu, he poe naaupo makou ; mahea la ka malamalama no ka makou mau uhane? Ua manao nui makou malaila.''
Auhea oukou, e ko Molokai? E hoala, e hooikaika; i hele kekahi o oukou ma ke Kula nui, i lilo oukou i poe naauao, a me ka pomaikai.
Aloha ia oukou,
Na'u na Tineka.
Honolulu, Augate 10, 1835.
MA RE.
Married, at Honolulu. August 21st, by Rev. John Diell, Capt. William C. Little, of Brig Griffon, to Miss Charlotte Augusta Wood, of Augusta, Maine, U. S. A.
June 15. Thomas Pratt, of London, to Caroline Spear.
23 Robert Holt, Boston, to Caroline Robertson.
August 1. Joseph Elliot. Ireland, to Nakoko, Maui. All by Rev. Mr. Diell.
Ua mareia, ma Wailuku, Maui, e Mika Gerina, o Wiliama Haena (William Haynes) me Kamaua no Waikapu.
HILO, Hawaii, 1835.
Eia keia manao hoomaopopo ia kakou, e na hoahanau iloko o ka ekalesia. E hooki aku oukou i ko oukou hoonoho ana i na konohiki moekolohe, inu uala, hoomanakii, hoomaloka, hoowahawaha, hoauwaepuu, apuapaleleo, a me na kiaaina a pau e hele ana i ka huaawaawa maluna o ko oukou mau aina. Nolaila hoi, i haunaele loa ai ko oukou mau makaainana ma ko oukou mau aina, a makemake ole e ao i ka ke Akua olelo, alaila hookahuli iho la lakou e hoomana ia Hapuu, a o kekahi poe ia Pele, a i na akua lapuwale a pau ka lakou hoomana ana.
Eia kekahi; mai hoouna oukou i poe luna moekolohe, apiki, ma ko