Ke Kumu Hawaii, Volume I, Number 17, 19 ʻAukake 1835 — Page 135

1835.) KUMU HAWAII. 135

kona manawa i pule ai i ke Akua no ko lakou hewa?
4 Pehea mai ke Akua ia ia?
5, 6 Koe ke koena anei o ka Iseraela i ka wa i Paulo?
Mahea? O ka lokomaikai owai?
7 Heaha ka ka Iseraela i imi ai me ka nele?
Ua loaa ke aha i kekahi poe?
U'ahaia ka poe i koe?
8 Haawai mai ke Akua i ke aha i ka poe hoomaloka?
9, 10 Heaha ko Davida manao no kela poe?
11 Okupe owai? I aha, i mea anei e poino loa ai ka Iseraela a pau?
No ko ka Iseraela hina ana, pehea iho la na lahuikanaka e?
12 Ina o ko ka Iseraela poino ana ka mea e pomaikai ai ko ke ao nei, pehea aku la ko lakou pomaikai hou ana?
13 He kumu o Paulo na wai?
14 I ka Paulo olelo ana i na kanaka e, pehea kona makemake i kona poe hoahanau?
15 Ina i maluhia ko na aina e no ka hemo ana o ka Iseraela , heaha ka hoihoi ana o lakou?
Aole anei i maopopo i ko Paulo manao, e hoopomaikai hou i a na mamo a Iseraela mahope aku?

NO KA ONA.

NO KA BAKA.

                Ina e hoowalewale mai ka poe hewa ia oe, Mai ae aku.

O KA MANAO MIHI.

                Eia keia wahi manao mihi imua o ke Akua, a me kuu makau i ka Haku i kuu hoopunipuni ana.
                Houluulu ae la makou i ke ahiahi o ka po aono. Nonoi mai la ke Kumu ia makou, "E na hoahanau, haalele anei oukou i ka paka?"
                Ae koke aku la au. A hoi aku la  no au i ko'u hale. Manao iho la e haalele i ka baka, a ao ae la, ike akula au i kekahi hoahanau koikoi e puhi ana i ka baka. Alaila, komo hou iho la ka manao ia'u e puhi no i ka baka; a hoopili me ai aku la au, a ike mai la na kanaka, i mai la lakou ia'u, "Ke puhi nei no ka! oe i ka baka?"
                A a e aku la au, "Ae, Ke puhi nei no au. Ke puhi nei no hoi kela hoahanau koikoi. Ina haalele kela i ka baka, e haalele no au."
                Pela kuu hoopunipuni ana imua o ke Akua no keia hoopili me ai ana. Oia kuu manao mihi imua o ka Haku.
                Ma ia hope mai, ike aku la au i kuu hewa, alaila, makau iho la au i ke Akua, a me kapilihua makau i ka make, i ka make o ka uhane, iloko o ke ahi pio ole no kuu hoopunipuni i ke Akua. Alaila, haalele  loa aku la au i ka baka e like me kuu hoohiki ana. Oia kekahi i hoohiki mai ia'u i kuu haalele ana i k a baka.
                Pau ae la kuu manao mihi.
Na Solomona.
Kaawaloa, Hawaii, 1835.

KA HEWA O KA BAKA.

                Eia kekahi manao hoakaka o'u i ka hewa o ka baka.
                Ke ike nei kakou a pau i kona ano. Aole ia he ai. Aole ia he ia. Aole hoi he mea hooikaika i ke kino. He mea ia e hoowahawahaia'i e na holoholona a pau. Aole e ai ka puaa. Aole e ai ka manu. Aole e ai ke keko. Aole e ai ka pipi, a me ka lio. O ke kanaka wale no ka i lawe i ka baka. Aloha ino ka HAKU o na holoholona!
                Aole ka paka he mea hoomaona  i ka pololi. Aole he mea hoonui i ke kino. Aole he mea ho ola i ka mai. Aole he mea hoolakolako waiwai no ke kino ka baka.
                Aole he mea hoola i ka ilihune. Aole he mea hoola i ka uhane.
                Eia kekahi hewa o ka baka. O ka malama ana i ka ipu baka, a me ke ahi paea, a me ke ahi wela i ka hele ana ma ke alanui. I ka pii ana iuka, i ka iho ana ikai, a me ka noho ana ma ka hale, a me ka holo ana i ka moana, a me ka moe ana ilalo, a me ka ala ana iluna, oia kekahi hewa o ka baka.
                Eia hoi kekahi hewa. O ka hele ana i kauhale i ahi paka a me ka noi baka i ka po, he wahine paha, he kane paha. Komo aku la ka wahine iloko o ka hale, ninau aku la i ke kanaka mea hale, aole ou ahi paka?"
                Ae mai la kela, "Ae, he ahi no."
                Pupuhi iho la laua i ka paka. Ninau hou aku la ua wahine la i ka mea hale," aole au wahine?"
                I maila kela, "He wahine no; ua hele nae ia ma o."
                Manao iho la laua e moe pu, a ua hewa laua. He nalowale i ka maka o kanaka, aka, i ka maka o ke Akua, ua akaka ia ia.
Na Solomona.
Kaawaloa, Hawaii, 1835.

MAKE.

WAIAWA, Iulai 30, 1835.
                Ua make o Kaulua ma Ewa nei
i ka la Sabati, Iulai 26, 1835.
                Aole liuliu kona mai; pokole wale no. I ka la 25, aole oia mai iki; ua oluolu loa kona kino; a ua hana oia ia la a pau, mai ke kakahiaka a po ka la. Alaila loaa ia ia ka manao e hele pu me kekahi  mau mea e ae e lawaia ia po. A hiki ma kai, aole hiki pono ke lawaia ia manawa no ka maloo o ke kai.
                Nolaila komo iho la kona mau hoa iloko o ka hale a hiamoe; aka makaala kela a hiki mai i ke aumoe -- a hiki mai hoi i ka hora elua mahope mai o ke aumoe. Alaila, pii mai ke  kai, lele hoi na ia, a hoala ka mea kiai i na mea hiamoe ana, lalau lakou i ka upena, hele a puni i kekahi mau ia. Aka aole lakou kuu pono i ka upena, a lele koke au, a ku i a Kaulua malalo iki ae o kona iwilei. Komo iho la ka nuku o ke au iloko o kona kaniai, a puka mawaho ka hanu ma ia wahi. Wikiwiki ka ehaeha nui ma kona kino a pau, a ua nawaliwali hoi.
                Ua halihaliia mauka i kona wahi  e noho ai; malaila paha au i kona mau lima, a lapaau hoi ia ia, aka aole hiki ke hoala ia ia. Ua pehu loa kona kino a pau. A hiki mai ka