Ke Kumu Hawaii, Volume I, Number 17, 19 August 1835 — Page 134

134 KUMU HAWAII. (AU GATE,

kakou i na mea e pono ai a me na mea e hewa ai, i na mea e pomaikai ai a me na mea e poino ai ma Hawaii nei, i maopopo hoi, ua oi aku ka Iesu pono mamua o ka lakou. NA'U NA BINAMU.

AI O KA LA.

KA EPISETOLE A PAULO I KO ROMA.
HELU 23.
MOKUNA 10: 11 - 21, 11: 1 - 15.

                16 Aka aole malama na mea a pau i ka euanelio, no ka mea, ke olelo mai nei o Isaia, E ka Haku, owai la ka mea i manaoio mai i ka makou i hai aku ai.
                17 Eia, ma ka lohe ana ka manaoio, a ma ka olelo a ke Akua ka lohe ana.
                18 A ke ninau hou nei au, Aole anei lakou i lohe? Oiaio; ua kui aku la ko lakou leo i na aina a pau, a, o ka lakou mau olelo i na palena o ka honua.
                19 Ke ninau hou nei au, Aole anei i ike o ka Iseraela? Eia mua, ke i mai nei o Mose, E hoonaukiuki au ia oukou ma ka poe aole he lahuikanaka, a e hoohuhu no hoi au ia oukou ma ka lahuikanaka naaupo.
                20 Aka o Isaia ka i hoakaka lea mai, i mai la, Ua loaa aku au i ka poe i imi ole mai ia'u; ua hoikeia'ku au i ka poe i ninau ole mai no'u.
                21 Aka ke olelo mai la oia no ka Iseraela, Ua kikoo aku au i kuu lima i ka lahuikanaka hookuli a me ka pakike a pau loa ae la ka la.
                xi, 1. No ia hoi ke ninau nei au, Ua kiola anei ke Akua i kona poe kanaka ponoi? Aole loa; no ka mea he mamo na Iseraela au, no na hua o Aberahama, no ka ohana hoi o Beniamina.
                2 Aole no ke Akua i kiola i kona poe kanaka ana i ike mua ai. Aole anei oukou i ike i ka ka palapala hemolele i hai mai ai ia Elia, ia ia i hoopii aku ai i ke Akua i ka Iseraela,
                3 E ka Haku, ua pepehi lakou i kau poe kaula, ua wawahi lakou i kou mau kuahu, owau wale no koe, a ke imi nei lakou e kaili i kuu ola.
                4 A pehea mai ka ke Akua olelo ia ia? Ua hoano e au no'u i ehiku tausani kanaka aole i pelu i ke kuli ia Baala.
                Pela hoi i keia manawa, ua koe mai kekahi poe ma ka wae ana o ka lokomaikai.
                6 A ina ma ka lokomaikai, alaila aole ma na hana. A i ole pela, alaila o ka lokomaikai, aole ia he lokomaikai. Aka ina ma na hana, aole ma ka lokomaikai, a i ole pela, alaila, o ka hana aole ia he hana.
                7 Heaha hoi ilaila? Aole i loaa i ka Iseraela ka mea ana i imi aku ai, aka ua loaa ae la i ka poe i waeia, a ua hoomakapoia ka poe i koe,
                8 E like me ka mea i palapalaia, Ua haawi mai ke Akua ia lakou i naau hiamoe, a me na maka ike ole, a me na pepeiao lohe ole, a hiki i keia la.
                9 Olelo mai ia hoi o Davida, E lilo ko lakou papaaina i pahele e hoi ai lakou, i mea e hina ai hoi a i uku hoi no lakou.
                10 E hoopouliia ko lakou mau maka, i ole ai lakou e ike, a e hookulou mau ia ko lakou kua.
                11 Ke ninau aku nei iho au, Ua okupe anei lakou i hina loa ai? Aole loa: aka o ko lakou hina ana, he mea ia e ola ai ko na aina e, i mea hooikaika hou ai ia lakou.
                12 No ka mea, ina o ko lakou hina ana ka mea e waiwai ai ke ao nei, a o ko lakou hiolaia ka mea e waiwai ai ko na aina e, e nui auanei ia ma ko lakou pomaikai hou ana!
                13 No ka mea ke olelo nei au ia oukou, e ko na aina e, no ka mea he lunaolelo wau no na kanaka e, a ke hoomaikai nei au i kuu oihana;
                13 I hooikaika ae au i ko'u poe hoahanau ma ke kino a e hoola au i kekahi poe o lakou.
                15 No ka mea ina o ka hemo ana o lakou ka mea e hoomaluhia ai ke ao nei, heaha hoi ka loaa hou ana mai o lakou, aole anei ia o ke ola mai waena mai o ka poe make?

KA HOOMOAKAKA ANA.

                x: 16 Aole pau ka Iseraela i ka malama pono i ka olelo e ola'i a lakou i lohe ai. Pela ke kaula i ninau mai ai, Owai la ka mea i manaoio i ka makou mea i hai aku ai no ke ola?
                17 Ma ka lohe ana e pono ai ka manaio, a ma ka hai ana aku i ka olelo a ke Akua e hiki ai ka lohe.
                18 Ninau Paulo, Aole anei lakou i lohe pepeiao? Alaila hoike oia i kona manaoma ka olelo a Davida, Halelu 19 no ka maopopo ana o ko ke Akua makemake imua o ke alo o ka Iseraela a pau.
                19 Aole anei i ike ka Iseraela i ko ke Akua manao e hoopomaikai pu mai i ko na aina e, i ka wa e poino ai kekahi poe Iudaio no ko lakou manaoio ole? Ua hoakaka iki mai o Mose pela, e hoonaukiuki ke Akua i ka Iseraela, ma kona wae ana i ka poe malama kii, aole he lahuikanaka nona mamua, he poe naaupo, he poe hewa.
                20 O Isaia ka i hoakaka lea mai ia mea, o ka pomaikai wale ana o ko na aina e, ua loaa ke Akua ia lakou i ka poe i imi ole mamua.
                xi. Aole pau ka Iseraela i ke kiolaia, a poino; o ka poe hookuli wale no. No ka Iseraela o Paulo ma, ua pomaikai iloko o ka Mesia.
                2, 3, 4, Pela hoi i ka wa ia Elia, he nui ka poe i haalele i ke Akua, a ua poino, aka ehiku tausani i koe, aole i kiolaia, aole hoi i lilo mamuli o na kii, malama mai hoi o Iehova ia lakou i kanaka nona.
                5, 6 Pela hoi i ka wa ia Paulo, ua koe kekahi poe Iseraela aole i kipaku loa ia'ku, no ka mea ma ka lokomaikai o ke Akua i wae mai ia ia i kekahi poe e pomaikai wale ia Iesu, aole no ka lakou hana ana mamuli o Mose.
                7 Aole i loaa i ka Iseraela ka hoapono ana ma ka hana ana, aka ka poe i waeia, ua loaa ia lakou ma o Iesu la.
                8 E like me ka mea i hoakakaia no ka poe hookuli - Ua haawi ke Akua i hiamoe i palaka loa lakou, aole na maka ike, aole na pepeiao lohe.
                9, 10 Pela i hoakaka mai ai o Davida ke 'lii a na Iudaio i mahalo ai, e lilo ko lakou manawa e hauoli ai i manawa e popilikia ai, a e hoopaiia'i, e noho poino lakou e like me ka poe ike ole i ka maluhia, e like me ka poe kaumaha loa, no ko lakou hoomaloka ana i ka ke Akua.
                11 Me he ninau la ia a kekahi, Ua okupe anei lakou i mea e hina loa ai? Hoole o Paulo, Aole okupe i hina loa ai ka Iseraela, i mea hoi e pomaikai ai ko na aina e, a lilo ia pomaikai i mea e ikaika hou ai ka Iseraela.
                12 Manao iho la o Paulo e hoala hou ka Iseraela, a ina i hooliloia ko lakou poino ana i mea e pomaikai ai o hai, alaila e hoolilo ko lakou pomaikai hou ana i mea e pomaikai nui ai ko ke ao nei.
                13, 14 He kumu o Paulo na na lahuikanaka e, he lunaolelo e hoike i ke ola no lakou, a makemake no ia e hooikaika i na Iudaio kona poe hoahanau, i ole e pau lakou i ke kiolaia'ku.
                15 Me ke akamai a me ke aloha, i hoolilo ai ke Akua i kona kiola ana i ka Iseraela i mea malu pono ai ko ke ao nei, ma ka euanelio; a i hoihoi mai ke Akua ia lakou e komo i ka ekalesia o Kristo, me he ala hou ana i a ia mai ka make mai.

HE MAU NINAU.

16 Owai ka poe i pau ole i ka malama i ka olelo maikai?
Pehea ka Isaia ninau ana no ka Iseraela?
17 Mahea la e pono ai ka manaoio?
Mahea la e hiki ai ka lohe?
18 Ua lohe pepeiao anei ka Iseraela i ko ke Akua makemake?
19 Heaha ka Mose olelo i ikea ai ka pomaikai ana o na aina e?
20 Pehea ka Isaia olelo no ka poe imi ole i ka Haku mamua.
21 Pehea kana olelo no ka Iseraela ?
xi, 1 Ua kiola anei ke Akua i ka Iseraela a paa?
Nawai o Paulo?
2, 3, Pehea ko Elia manao i ka Iseraela i