Ke Kumu Hawaii, Volume I, Number 16, 5 August 1835 — Page 127

1835.) KUMU HAWAII. 127

wai hope e hoaponoia'i no mea a pau i manaoio.
                5 No ka mea, ua hoakaka mai la o Mose i ka hoapono ana ma ke kanawai, O ke kanaka e hana ana ia mau mea, e ola ia ilaila.
                6 Aka ke olelo nei ka hoapono ana ma ka manaoio, Mai olelo oe iloko o kou waha a me kou naau. Oia ka olelo a ka manaoio a kakou i olelo aku nei.
                7 A; owai la ke iho ilalo i ka hohonu? oia keia, e lawe mai ia Kristo mai waena mai o ka poe make.
                8 Heaha hoi kana i olelo mai nei? Ua kokoke iou 'la na ka olelo oiaio iloko o kou waha a me kou naau. Oia ka olelo a ka manaoio a kakou i olelo aku nei.
                9 No ka mea, ina e hooiaio oe me kou waha i ka Haku ia Iesu, a e manaoio hoi iloko o kou naau, ua hoala mai ke Akua ia ia mai waena mai o ka poe make, e ola oe.
                10 No ka mea, ma ka naau ka manaoio e hoaponoia'i, a ma ka waha ka hooiaio ana e ola'i.
                11 No ka mea, ke olelo nei ka palapala hemolele, O ka mea e manaoio ia ia, aole ia e hoka.
                12 No ka mea, aole he okoa ka Iudaio a me ka Helene, no ka mea, he Haku hookahi maluna o na mea a pau, he waiwai nui kona no na mea a pau i kahea ia ia.
                13 No ka mea, o ka mea e kahea aku i ka inoa o ka Haku e ola ia.
                14 A Pehea la hoi lakou e kahea aku ai i ka mea a lakou e manaoio aku ai i ka mea a lakou i lohe ole ai? A pehea la hoi lakou e lohe ai ke ole ka mea nana e hai?
                15 A pehea la hoi e hai aku lakou ke hoouna ole ia'ku? Penei hoi i palapalaia'i, Nani na wawae o ka poe i hoike mai i ke ola, i hai mai hoi i ka pono.

KA HOOMOAKAKA ANA.

                x: 1. O ko Paulo makemake maoli, a me kana pule i ke Akua e hoolaia mai ka Iseraela---Rom. 8: 1, 2.
                2 Hoiaio aku Paulo i ko lakou manao ikaika i ke Akua, aole nae me ka hoomaopopo lea i kana pono.
                3 Aole maopopo ia lakou ke ano o ka ke Akua hoapono ana mai i kanaka ma ka manaoio ia Iesu, imi hoi lakou e hoaponoia mai lakou ma ka lakou hana ana, me he uku maoli la, nolaila aole lakou i ae aku i ka ke Akua.
                4, 5 Ina i malama pono ia ke kanawai aole loa i hai iki, alaila e hoaponoia ka mea nana ia i malama; Pela i hoakaka mai ai o Mose: aka ua haihaiia a lilo hoi o Kristo i mea e hoaponoia, no keia mea kela mea i paulele i ka Mesia. E pomaikai no ia me he mea malama pono la i ke kanawai me ka hale ole.
                6 He mea maopopo lea ke ano o ka hoapono ana ma ka manaoio, nolaila, aole pono ke nalu kou nau owai la ka mea e pii i ka lani, e lawe mai ia Kristo ilalo nei? Pela i olelo ai o Mose no ke kawai, he mea kokoke no, he launa, he maopopo, aole pono ke olelo Owai ka mea e pii i ka lani e lawe mai i ke kanawai ia kakou. Kanawailua 30. 11, 11.
                7 Aole hoi he pono ke nalu kou naau peneia owai la ka mea e iho ilalo i ka hohonu, i ka lua kupapau paha, i ka po paha, e lawe mai ia Kristo mai loko mai o ko ka poe make wahi e noho ai? O ka hoapono ana ma ka manaoio he mea maopopo ia, e loaa koke no.
                8 Ua hoomaopopo mai no ia, E kokoke mai no ka euanelio e manaoio ai, iloko o kou waha, he mea au i kamailio ai, iloko o kou naau he mea au i noonoo ai, he mea maopopo mau keia olelo a makou i hoike aku nei.
                9 He oiaio no ia, no ka mea, ina e hooiaio oe ia Kristo o ka Haku ia ma kau olelo maopopo ana, a e manao io hoi kou naau, ua hoala mai ke Akua ia ia mai waena mai o ka poe make i noho Mesia ai ia i ke aupuni, e ola io noho Mesia ai ia i ke aupuni, e ola io no oe. Aole anei he mea maopopo lea ia?
                10 Ma ka naau ka manaoio e hoaponoia'i ke kanaka, a ma ka olelo ana i hoomaopopoia'i kona manaoio ia Iesu imua o na kanaka, me ka hilahila ole ia ia, alaila e hooiaio mai Iesu ia ia imua o na anela; e ola no ia. O ka paulel, ma ka naau a me hooiaio ia Kristo ma ke akea, oia ka mea e pili i ke ola.
                11 Ua hoike mai ka palapala a ke Akua, o ka mea i manaoio ia ia, ia Kristo ka pohaku maikai a kekahi i hina ai, aole ia e oka, e ola no ia. Roma. 9:33, Isaia 8:14, 28:16.
                12 He nui no ka lokomaikai o ka Haku hookahi, i keia mea kela mea i pule aku ia ia, o ka Isaia a me ko na aina e, ua hoomakaukauia, a ua hoomaopopoia ke ola no na mea a pau e imi pono ana i ka Mesia.
                13 O ka mea kahea i ka inoa o ka Haku, o ka mea i pule oiaio aku ia Iehowa ke Akua, e ola ia.
                14 I na i manaoio ole lakou i ka Mesia, pehea la e hiki ai ia lakou ke pule aku ia ia i ola lakou? A ina i lohe ole lakou ia ia, pehea la e hiki ai ia lakou ke manaoio ia ia? A ina aohe mea nana e hai, pehea la lakou e lohe ai, oia ka mea e ola'i?
                15 Ina aohe luna i hoouna pono ia aku e hai aku i ke ola, auhea la ka mea e hai pono aku i ka mea e ola'i? Oia kekahi mea e pono ai, e like me ka mea a ka palapala hemolele i hoike mai ai, penei, "Nani ka wawae o ka poe i hoike mai i ka ola, i hai mai hoi i ka pono." Isaia 52:7. Me he mele la ia a ka poe e noho pio ana, a ike aku la i na elele e holo mai ana me ka olelo, "E ola! ua malu! Pomaikai e Ziona! Lanakila kou Akua!"

HE MAU NINAU.

x:1 Heaha ko Paulo makemake a me kana pule?
2 Heaha kana mea i hooiaio ai no kona poe hoahanau?
3 Maopopo ole ke aha ia lakou? Imi lakou i ke aha?
4, 5 Heaha la o Kristo?
I na i malama pono ia ke kanawai he aha kolaila?
I na i haihaiia ke kanawai, pehea la e hoaponoiaia'i ka lawehala?
6 Ua maopopo anei ke ano o ka hoapono ana ma ka manaio?
Aole pono ke nalu ka naau pehea?
Heaha ka Mose olelo no ke kokoke ana o ke kanawai?
7 He aha ka hohonu? He aha ke ano io ka ninau, Owai ka mea e iho lalo i ka hohonu?
8 He aha ka mea kokoke mai?
9, 10 Pehea la e manaoio ai i ka Haku e pono ai?
Pehea la e hooiaio ai i ka Haku e ola'i?
11 Mahea keia palapala hemolele? o ka manaoio ia ia, ia wai?
Aole ia e hoka, he aha ke ano?
12 Ehia Haku e olai? Lokomaikai oia
ia wai? Makaukau ke ola no ka poe hea?
13 O ke kahea i ka inoa o ka Haku, he aha ia? Heaha ka hope?
14 He aha ke ano o keia mau ninau ma keia pauku?
15 He mea pono anei ke hoouna ole ia na mea e hai i ka ola?
Pehea ka palapala hemolele i hoike ai?
Me he aha la ia olelo?

                I ko'u wa i hea aku ai, hoole mai oukuo, Kikoo aku la au i ko'u lima, aohe mea i manao mai.
                Haalele oukuo i ko'u mau manao a pau. Aole hoi oukou i makemake i ka'u ao ana.
                Nolaila, i ko oukou popilikia e akaaka au, E hoowahawaha au i ka hiki ana o ko oukou makau;
                A hiki mai ko oukou makau me he mea ino la, A hookokoke mai ko oukuo hopohopo me he puahiohio la, A loohia oukou e ka pilihua a me ka pilikia.
                Alaila e hea mai lakou ia'u aole au e pane aku. E imi mai lakou ia'u aole e loaa mai,
                No ka mea, hoowahawaha lakou i ka ike A o ka makau ia Iehova, aole o lakou manao malama.
                Aole o lakou makemake i ka'u ao ana, Hoomaewaewa hoi i ka'u mau olelo a pau,
                E ai lakou i ka hua o ko lakou aoao iho, A e piha hoi na mea a lakou i manao ai,
                No ka mea, o ka huli ana o ka poe naaupo lakou e pepehi ai, A o ka pomaikai ana o ka poe lapuwale lakou e make ai.