Ke Kumu Hawaii, Volume I, Number 16, 5 August 1835 — Page 125
1835.) KUMU HAWAII 125
He mea hu ka waina hou, a hiki no i ka ili hou ke pehu ae e like me ka hu ana o ka waina, aole naha; aka o ka hue ili kahiko, ua oolea, aole hiki ke nui ae me ka nahaehae ole a lilo ka waina i ukuiia.—lb.
NA NA KAMALII.
HE OLELO AO KAMALII.
He keiki liilii o Samuela; ua ike nae i ke kamailio ana. I kekahi po, moe iho la ia ma kona wahi moe. A manao kona makuakane e ao aku ia ia i ke ano o Iehova ka mae i ike maka ole ia.
I aku la ia, "E Samuela, owai maanei?"
"Owau paha ea."
"O oe wale no anei?"
"Aole---o kou mau makua kekahi."
"Aole anei he mea e ae?"
Ala ae la Samuela a nana aku la, ma o a ma o, a i aku la,
"Ua hele aku ko'u kaikuwahine, o Maria, aia ma kahi e---o kakou wale no maanei; pela paha, ea?"
A liuliu iki ae la, i aku la ka makua;
"O ke Akua kekahi maanei."
"Pehea?"
"O ke Akua kekahi manei."
Kahaha iho la ke keiki, i aku la;
Oia ane?"
"Ae, maanei no ke Akua."
Puoho ae la ke keiki, a nana aku la mai o a o, a ninau aku la.
"Aila ihea? e kuhikuhi mai ia ia'u i ike au."
"Aole; aole hiki ke ike maka aku ia ia."
"Eia maanei paha."
"Aole; hoole aku la au, aole hiki ke ike maka aku ia ia."
"Aia paha ma o, ea?"
"Aole; aole kahi e ike maka ai oe ia ia."
Ala ae la ke keiki me ka manao ana e hiki no ia ia ke ike aku i ke Akua.
Hoole hou aku la ka makua, Aole hiki ke ike aku ia ia; aole kou makuakane i ike ia ia, aole hoi kou makuwahine, aole no kekahi mea e ae i ike maka ia ia.
Alaila, ae aku la ke keiki, Ae, pela io no, aohe mea hiki ke ike maka aku i ke Akua.
Moe hou iho la ia ma kona wahi moe, a i aku la ka makuakane;
Aole hiki ia oe, e Samuela, ke ike maka aku i ke Akua, aka ke ike mai nei no ke Akua ia oe.
Pehea?
Ke ike mai nei ke Akua ia oe, i kau hana ana--i kau kamailio ana, i kou manao ana i kou hewa, a me kou pono. Noho mumule loa iho la ke keiki, me ke kahaha nui ana iloko iho ona. I hou aku la ka makua, Ua puni kakou i ke Akua. Eia no ia maanei, a aia hoi mao, a ma na wahi a pau, maluna, malalo, mauka, makai, aole wahi koe.
E hiki anei i ko'u kaikuwahine ke ike ia ia?
Aole---aole hiki i kekahi mea ke ike aku ia ia.
Moe malie iho la o Samuela, me ka noonoo ana i keia mea hou.--- Alaila i aku la ia;
Makemake au ma ke Akua.
A kokoke ia e hiamoe, i iho la ia ia ia iho;--
"Aole hiki ia'u ke ike aku i ke Akua, aole hoi i hiki i ko'u makua, aole hoi i kekahi mea e, aka ke ike mau mai nei oia ia'u."
Ua unuhiia e L. L.
HE HIMENI NO KO KE AKUA IKE ANA I NA KAMALII.
Ua ike mai ke Akua ia'u;
O ko'u inoa ua akaka no;
O ka'u mau hana hoi a pau,
Ua akaka, mai, ke ao a po.