Ke Kumu Hawaii, Volume I, Number 13, 29 April 1835 — Page 104

104 KUMU HAWAII. (APERILA,

KAHI MELE.

He mele Kamalii

E Iesu lokomaikai e!
'Kukuli au imua ou,
E pule ahiahi nei;
E lohe anei oe ia'u?

Aole oe e maliu mai?
A menemene nui ia'u?
Ke hoao kuu alelo nei,
E hoolea 'ku i kou maikai?

Ua akaka no kou maliu mai,
'Ka pule a ke kamalii;
O kona leo himeni,
Ua maikai ia i kou manao.

Ke pule aku nei no au,
I piha loa kuu naau
I ke aloha ia Iesu,
Me kona poe i kela ao.
Unuhiia e L.L.

Koloa, Kauai, Aperila 21, 1885.
                Aloha oe, e kuu kaikaina, e Mika Tinika, Ua hiki mai kau palapala ma kela hebedoma i hala aku nei. Ua heluhelu maua, a ua olioli i ke lohe pinepine no ka hana pono a ko maua mau hoahanau, a me ko lakou ikaika i ka hai aku ka olelo maikai, i kela wahi keia wahi. Ke noho nei maua me ka nawaliwali, a me ka pilikia: (mau kuu nawaliwali kahiko, ua emi no nae) nolaila uuku ka maua hana e hoolaha i ka ke Akua olelo; a e ao aku i na haumana.
                Eia hoi kahi mea i hopilikia mai ai ia maua. Ma ka la 10 o Aperila nei pau makou i ke ahi. O ka hale noho, a me ka hale kuke, pau pu laua i ke ahi, ma ka hora 11 i ke kakahiaka. No ka lokomaikai o ko kakou Haku i pakele maua, me ka maua mau kamalii, a me ka nui o ka waiwai iloko o ka hale noho; me na puka komo, a me na puka makani. Ma ka lokomaikai o ka Haku, a me ke kokua ana mai o ko maua mau hoalauna ua loaa hou ia maua na hale; a ua oi aku ka maikai o kela mau hale hou.
                I nehinei komo maua i ka hale noho. Ua kau e na puka, a ua hoholaia no hoi na moena. O ka paku ole, oia wale no ka hemahema i kela wa e noho nei.
                O ka waiwai iloko o ka hale kuke, ua pau ia, aohe mea i koe. Ua pau no hoi mau mea maikai iloko o ka hale noho. O ka waiwai i pau, he kanahiku dala, he haneri paha; a me na hale elua.
                O ka puhi baka, ola ke kumu o ko maua pio ana. He kauwawahine hou o maua, ua maa loa' oia ia hana; ua hilahila no nae. A kii oia i ke ahi iloko o ka hale kuke; e hoaa i ka ipu buka; a no ka hilahila e halihali i ke ahi ma ka lima, kiola aku ia ia mea ma ka puka makani o ka hale kuke, a puhi mai ka makani, a pau koke ia hale me ka hale noho no hoi. Auhea oe ea; pono paha e nonoi aku i na'lii e papa aku ia hewa, i ka puhi baka; e kau no hoi i ka hana, i ka mea e wela'i ka hale ma ka puhi ana.
                Eia hoi keia; ua paa ko makou hale pule. A manao makou ma ka la 24 o Aperila nei, e hooliloia ia Iehova. A ma ia Sabati aku ke kokua mai ke Akua e kukulu maua me Mika Wini i ekalesia no ke Akua ma Koloa nei." Na kou hoahanau ma o Kristo Iesu.
P.J. GULIKA.

Waialua, Aperila 9, 1835.
                Ua make ma Waialua nei, i ka malama o Feberuari, ahiku mau kanaka. Aono mau keiki wale no i hanauia.
                I ka malama o Maraki, umikumamaiwa ka poe i make. Aono hoi ka poe keiki i

hanauia mai. J.S.E.

                Pai Hewa. Ma ka aoao 82, maluna o ka lalani mua, ua waiho kekahi mau hua olelo. Eia ka pono; - "A ua hele aku hoi au i ka hale pule, malaila ike au i na kanaka he nui wale, ua akoakoa mai la."

                Ina e makemake ke kanaka e hele mai mamuli o'u nei, e hoole ia ia ia iho, e hapai hoi i kona kea a e hahai mai ia'u. Heaha ka mea e pono ai ke kanaka ke loaa mai ia ia keia ao a pau, a lilo aku kona uhane? Heaha hoi ke kumu e haawi aku ai ke kanaka e kuai ai i kona uhane? No ka mea, e hele mai ke Keiki a ke kanaka me ka nani o kona Makua, a me kona poe anela, alaila e uku mai ai ia i na kanaka a pau e like me ka lakou hana ana.
Mataio xvi.

                E noonoo oe i ka lani - kahi e pomaikai mau loa ai me ka olioli - a e hana ku pono i ka loaa.

                Aperila 3. Holo mai o ke kia alua, o Convoy ka inoa, o Bancroft ke alii, mai Kaleforenia mai. O ka hulu ilio ka ukana.

                Aperila 7. Ku mai ka moku o kohola, o Enterprise, o Haggerty, no Nanetuketa; 27 mau malama ka holo ana; 1,200 barela aila i loaa.

                Aperila 10. Wilmington and Liverpool Packet, Foster; Nu Bedefoda, 17, 1,200.

                Aperila 19. O ke kia alua, o Flora, o Rickman ke alii, mai Belegiuma mai, o kela mea keia mea waiwai ka ukana.

                Aperila 19. O ka moku o kohola, o Ceres,—,12 mau malama, 80 barela.

                Aperila 25. Luminary, Gardner, no Warena, 28,800.

                Aperila 7. Ua holo aku i Iapana o ka moku, Martha ka inoa, Riddell ke alii.

                8. Comodore Rogers, Taber, i Iapana.

                12. Bolivar Liberator, Dominis, i Kaleforenia.

                21. Joseph Peabody, Moore, i Nu Ioka.

                19. Ceres, -, i Iapana.

                27. Luminary, Gardner, i Iapana.

Oahu; - Mission Press.