Ke Kumu Hawaii, Volume I, Number 13, 29 April 1835 — Page 99

1835.) KUMU HAWAII. 99

Haku, e lawe aku oe i kuu uhane... E ke kumu, e na makua, e na hoahanau, eia no au ke hele nei ... aka ua pono no, ua pono, ua pono.''
                Maule hou iho la ia, a kukuli makou e pule. Me makou pu no ka Haku a ua hoomaikaiia mai makou.
                I kuu noho ana ilaila, aole i maha hou mai oia, aole no i olelo hou, ma ia hope mai. Ua hiamoe no ia, he umi paha hora, a moe loa iho la iloko o ka lima o ka Haku ka mea nana i hana oluolu mai ia ia.
                A pau kana olelo ana noho aku au malaila hookahi paha hora; a i kuu hele ana'ku, paa aku la au i kona lima, I aku la au, "O Kristo ke Alahouana. a me ke ola'' Lomi iki mai oia i kuu, aole ia e hiki e wehe ae i na maka, aole i olelo mai.
                Akahi no ua ike au i ka mea pihoihoi me keia. Ua piha loa ko'u naau i kuu hoi ana aku i ko'u wahi.
                Manao iho la au. "E kuu kaikuwahine, aloha oe, a hiki i ke kakahiaka o ka la pau ole. Alaila kaua e kamailio hou ai. He momoku oe i kailiia noloko mai o ke ahi, i lilo ai oe i hoku malamalama loa iloko o kela ao nani. Ua ike no au i kuu malamalama, a me kou hana maikai ana. Nolaila e hoonani aku au i ko kaua Makua iloko o ka lani. Ma kou noho ana, a ma kou make ana, ua ike au i ka mea lawe hala, i hoola wale ia mai e ka lokomaikai. Me he aniani ola la, ua hoikeia mai au i ko'u, a i ka mea nana ka hoomaka ana, a me ka hoomau ana, a me ka hoohemolele ana i ka hana a ka manaoio, a me ke aloha. O Iesu no ka mea a pau, iloko o na mea a pau. E hoonaniia'i no ia. Ua loaa no ia ia ka lei alii. Oia wale no e pono ai ke hooleiia e ia.
                Mai imi kekahi e lawe wale i kona nani. Ua hoi ke ola ia ia: a e hiki mau loa ia ia e hoola. E kuu kaikuwahine iloko o ka Haku, aloha. O kou kino, a me kou naau e pau ia; aka o ke Akua oia no ka ikaika o kou naau, o kou pono no ia, a i ka wa pau ole.''

                E noonoo oe.-- Ua hanaia oe i kanaka i mea aha? I hoonani aku oe ia Iehova.
                E noonoo oe i kou wahi e holo nei - i kahi oluolu paha, i kahi elua paha - i ka lani paha, i ka lua ahi paha?
                E noonoo oe i ka waiwai o kou uhane - e mau loa ana no ia.
                E noonoo oe i ka make - aole liuliu a make oe. Pokole ka manawa.
                E noonoo oe i ka la hookolokolo - Na ke Akua e hoopai pono i kela mea keia mea e like me kana hana - na ka poe pono ke ola pau ola - na ka poe hewa ka make mau loa.
                E noonoo oe i ka lua ahi - kahi e make ole ai ka ilo;. kahi e pio ole ai hoi ka ahi - a e haalele.

KA WAHINE SUNEMA.

                E na Makuwahine ma Hawaii nei; Aloha oukou a pau loa. E hoolohe mai, a e hai aku au ia oukou i kekahi olelo a ke Akua.

                I kekahi la, hele ae la o Elisai i Sunema, malaila kekahi wahine waiwai, a koi iho la ia wahine ia ia e ai i ka berena. A i kona hele ana ae ma ia wahi i kela manawa i keia manawa, kipa ae la ia ilaila e ai i ka ai. A olelo ae la ia wahine i kana kane, Eia hoi, ke hoomaopopo nei au ia ia nei he kanaka hemolele ia o ke Akua, ka mea i hele pinepine ae nei ma o kaua nei. O ko'u manao ia oe, ea, e hana kaua i wahi keena uuku maluna nona, a e hoonoho malaila nona i wahi moe, i wahi papa, i wahi noho, a i e wahi kau ai ke kukui, a i ka wa e hiki mai ai oia io kaua nei, e komo ia malaila.
                A i ka la i hiki ai ia ilaila, komo ia iloko o ua keena la, a moe malaila. I ae la oia ia Gehazi, i kana kauwa, E kahea oe i ka wahine Sunema nei. A kahea ae la ia, a ku mai no ia imua ona. Olelo aku o Elisai ia Gehazi, E i aku oe ia ia, Ua malama mai oe ia maua me keia luhi ana a pau, he aha la uanei ka mea e hanaia nou? Makemake oe e oleloia aku ai i ke alii, a i ka luna koa paha? I mai la ia wahine, E noho ana au iwaena o ko'u poe kanaka ponoi.
                Ninau hou ia, He aha aaanei ka mea e hanaia'e nona nei? I mai la o Gehazi, Aole io ana keiki, a ua elemakule kana kane. Olelo hou ae la ia, E hea oe ia ia. A hea oia ia ia, ku mai la ia maloko o ka puka. I aku la o Elisai ia ia, A puni, mamuli o ka wa ola, e puliki oe i ke keiki kane. I mai la ia, E kuu haku ke kanaka o ke Akua, mai hoopunipuni mai oe i kau kauwa wahine nei.
                Hapai ae la ia a hanau i ke keiki kane i ka wa a Elisai i olelo ai ia ia mamuli o ka wa ola. A nui ae ke keiki, hele aku ia i kona makuakane i ka poe ohi palaoa. I aku la ia i kona makuakane, O kuu poo! o kuu poo! Olelo ka makuakane i kekahi keiki. E lawe aku ia ia nei i kona makuwahine. A hapai iho la oia ia ia a lawe aku i kona makuwahine, noho iho la ke keiki ma ka uha o ka makuwahine, a ku pono ka la, make iho la ia. Pii ae ka makuwahine a hoomoe ia ia ma ka wahi moe o ke kanaka o ke Akua a pani ae i ka puka, a puka iho la ia. Hoouna ae la ia, olelo ae la i kana kane, E hoouna mai oe i kekahi kanaka opiopio a me kekahi hoki, e holo wau i ke kanaka o ke Akua, a hoi mai. I mai la ke kane, No ke aha la e nolo ai oe ia ia i keia la? Aole he mahina hou, aole he Sabati. I aku la ia i ke kane, He pono auanei. Kau aku la ka noho maluna o ka hoki, a olelo ka wahine i kana kauwa, Hooikaika, e holo aku, mai keakea i ka holo ana no'u ke papa ole au ia oe. Pela i holo ai ka wahine a hiki i ke kanaka o ke Akua ma Mauna Karemela.
                Eia kekahi; a ike ae la ke kanaka o ke Akua ia ia i kahi mamao aku, i ae la oia ia Gehazi i kana kauwa. Aia kela wahine Sunema, e holo oe, ea, e halawai me ia e olelo aku ia ia,

Ua maluhia anei oe?
Ua maluhia anei kau kane?
Ua maluhia anei ke keiki?——
I mai la ka wahine, Ua maluhia.

                A hiki ae ia i ke kanaka o ke Akua ma ka puu, paa aku la oia ma kona mau wawae; a kii mai o Gehazi e pale ae ia ia. I ae la ke kanaka o ke Akua, E waiho ia ia pela, no ka mea, ua walania kona uhane iloko ona, a ua huna ka Haku ia ia'u, aole i hai mai ia'u.
                Alaila, olelo aku la ka wahine, Ua noi aku anei au i kuu haku i keiki kane? Aole anei au i olelo aku, Mai hoopunipuni mai oe ia'u? Olelo aku ke kaula ia Gehazi, E kakoo i kou puhaka, e lawe hoi i kou kookoo a e hele aku: a ina e halawai oe me kekahi kanaka, mai uwe aku ia ia: a ina e aloha mai kekahi ia oe, mai olelo aku ia ia, e kau kuu kookoo ma ka maka o ke keiki.
                I aku la ka makuwahine o ua keiki la, Me ke ola ana o Iehova, a me ke ola ana o kou uhane, aole au e hele mai ou aku nei. Alaila ku ae la ia hahai mamuli ona. Hele ae o Gehazi mamua o laua, a kau ae la i ke kookoo ma ka maka o ke keiki, aole hoi leo, aohe lono: nolaila hoi ia e halawai me ia, e hai mai ia Elisai, i mai la, Aole i hoalaia ke keiki. A hiki o Elisai i ka hale, aia hoi ua make io ke keiki, ua hoomoeia ma kona wahi moe. Nolaila hele ae ia iloko, a pani i ka puka ia laua, a pule aku la ia Iehova. Ee ae ia a moe iho maluna o ke keiki, kau iho kona waha ma kona waha, a o kona mau