Ke Kumu Hawaii, Volume I, Number 12, 15 ʻApelila 1835 — Page 94

94 KUMU HAWAII. (APERILA,

2 Ua paa ka wahine mea kane ia wai?
Ma ke kanawai hea i paa ai ia?
Ahea la e kuuia'i ia?
3 Ina lilo ia i ke kane e, heaha ia wahine?
I ka wa hea e pono ai ke lilo i ke kane e?
4 Owai ka poe i noho ole mamuli o ke kanawai me he mea la e maikai hou ai?
Ma ke kino hea i kaawale ai lakou?
He pono ke hoopiliia aku me wai?
5 I ka wa hea i hooikaika ai ka manao hewa?
Hoalaia ia ma ke aha?
Hoohua i ke aha?
6 A pau ka manaolana ana ma ke kanawai, e malama kakou ia wai?
Pehea la e malama ai kakou ia ia e pono ai.
7 E hiki anei ke hoahewa i ke kanawai o ke Akua?
Ua lilo anei ia i mea e hana hewa ai?
Maopopo ke aha malaila?
Ina aole i papa mai ke kanawai Mai kuko wale, pehea la o Paulo?
8 A ike ka naau i ka papa ana o ke kanawai, pehea la ia?
9 I ka wa hea i pili ole ai o Paulo i ka make?
A komo, a maopopo ke kanawai, pehea la ke kanaka?
10 A ikaika, a nui hoi ka hewa, pehea la ke kanaka?
A o ke kauoha ka mea e ola'i, ua loaa ia ia he mea aha.
11 Pehea la i puni ai ke kanaka?
Make ia i ke aha?
12 Heaha ke ano o ko ke Akua kanawai a me ka kauoha?
13 Ua lilo anei ia i mea e make ai ke kanaka?
Heaha ka mea i lilo i mea e make ai?
Hana ka naau hewa ma hea?
Ikea ke ano hea o ka hewa malaila?
14 Mamuli o ke aha ke kanawai?
Mamuli o ke aha ke kanaka?
Ua kuaiia ia a lilo i aha?

No ka manao o ka poe kahiko i ka la Sabati.

                Ua malama pono ka poe haipule kahiko i ka la sabati. He mea e oluolu ai lakou i ka la hoano o ke Akua. Nui ko Mose makemake i ka la sabati, a me ko Iosua, a me ko Samuela, a me ko Davida, a me ko Nehemia, a me ko Daniela, a me ko Isaia. Pela ko Ioane makemake a me ko Paulo. Pela ko ka poe haipule a pau loa. Aole pono anei oukou ke makemake i ka la sabati? A i ole oukou e makemake malaila, pono anei oukou ke manao e noho pu me lakou ma kela ao maluna, ma ka lani? Pono anei oukou ke manao e malama pu me ua poe la i ka la sabati mau loa ma ka lani?

E nana i ka aoao 83.
HE LALA ULU.

                Eia kekahi lala ulu i uhaiia. He lau manamana kona. Hookahi wale no hua ma keia lala. Ua oo ia. Ke paki mai nei kona kepau. O ka lou ka mea e loaa'i ka ulu mawaho loa. Ua lealea na kamalii i ka pii ana iluna e lou ulu. Hookahi wale no kau ulu ma keia pae aina i ka makahiki hookahi. He kau ulu mau ko Borabora a me Nuuhiwa. Maikai loa ko laila ulu. O ko laila mea ai nui no hoi ia. Lokomaikai io no ke Akua nana i hooulu.

                He lala aha keia? Pehea kona lau? Ehia hua ma keia lala? Pehea hoi ia? Heaha ka mea e akaka ai kona oe ana? Heaha ka mea e loaa'i ka ulu mawaho loa? Heaha kekahi mea lealea no na kamalii?
                Ehia kau ulu ma Hawaii nei? Pehea ke kau ulu ma Borabora a me Nuuhiwa? Pehea ko laila ulu? Heaha ko laila ai nui? Na wai i hooulu? Aole anei he lokomaikai kona?

NO KO DAVIDA PEPEHI ANA IA GOLIA.

                O Golia ka inoa o keia kanaka nui. O Davida hoi keia kanaka uuku. He kanaka koa no o Golia no ka poe o ko Pilisetia. Ua hele mai la ko Pilisetia e kaua mai i ka I seraela. Ku ae la lakou maluna o kekahi puu, a ku ae la hoi ka I seraela ma kekahi puu a he awaawa mawaena. A puka mai la o Golia a aa mai la i ka Iseraela a nonoi mai la i hoa kaua nona. He kanaka ikaika loa no o Golia a he kanaka haaheo no hooi. Ua weliweli loa no ka Iseraela a pau ia ia, a holo lakou mai kona maka aku. Aka aole i makau o Davida. Ua hilinai aku o Davida ia Iehova. A ua kokua mai o Iehova ia ia e kaua aku ia Golia. Ua lawe o Davida i na ala elima a me kana maa. Ua hookokoke aku la ia ia Golia. Maa aku la ia i kekahi ala a pa aku la ia i ka lae o Golia. Komo iho la ka ala iloko o kona poo. A haule iho la o Golia ma ka honua ilalo ke alo. Alaila holo aku la o Davida a unuhi ae la i ka pahikaua nui a Golia mai loko mai o kona wahi, a oki aku la i kona poo. Lawe o Davida i ke poo o Golia a haawi aku ia Saula, ke alii o ka Iseraela. Ua paulele aku o Davida ia Ieho va, a nana no ia i hoolanakila maluna o Golia. E hilinai aku hoi kakou i ke Akua a e hoolanakila mai ia ia kakou maluna o ka hewa, ko kakou enemi nui.

                Owai keia kanaka nui? Owai hoi keia kanaka uuku? No ka poe hea o Golia? No ka poe hea hoi o Davida? Heaha ka ka poe Pilisetia i hele mai ai i ka Iseraela? Mahea i ku ai lakou? Mahea hoi i ku ai ka poe kaua o ka I seraela? Heaha ka mea iwaena o