Ke Kumu Hawaii, Volume I, Number 10, 18 March 1835 — Page 77

1835.) KUMU HAWAII. 77

Mahea kahi e ola ole ai lakou?
Pehea lakou, ke ike i ka waa?
Pehea ko lakou holo ana?
Me ke aha e alo ai lakou?
Na wai lakou i hana?

He Lau.

Ke ulu nei ka lau.
O ka ua no ka mea e ulu ai.
Na ke Akua mai hoi ka ua.
Emo ole ka ulu ana o ka lau.
Ke luli nei no ua lau la.
O ka makani ka mea e luli ai.
Mamuli e pala ia a haule iho.
Pela no hoi e make ai kakou.
 
Pehea ka lau?
Heaha ka mea e ulu ai ia?
Na wai mai ka ua?
Hakalia anei ka ulu ana o ka lau?
hiki wawe paha?
Pehea ua lau la?
Heaha ka mea e luli ai?
Heaha auanei kona hope?
Heaha hoi ka hope o na kino o kakou?
 

He Noho.

No ke kumu keia noho.
Eha ona mau wawae.
Ua paa hoi na wawae ona.
O na koo no na mea e paa ai.
Aole kua o keia noho.
Aa poepoe no kona papa.
Ua ku koo kona mau wawae.
Oia no kona mea e hina ole ai.
 
No wai kei noho?
Ehia ona mau wawae?
Pehea kona mau wawae?
Heaha na mea e paa ai?
Ua nele keia noho i ke aha?
Pehea kona papa maluna?
Pehea ke ku ana o kona mau wawae?
Heaha ka mea e hina ole ai ia?
 

O ka La.

Ke napoo nei ka la.
Ke iho nei ia ilalo o ke kai.
Emo ole a pau no ke ao.
E uhi mai no ka po.
O ke ao no ka wa e hana ai.
O ka po hoi ka wa e moe ai.
No ka la mai no ke ao.
Na ke Akua no ia i hana.
 
Pehea ka la?
Mahea kona iho ana?
Heaha ka mea kokoke pau?
Heaha ka mea e uhi mai?
Heaha ka manawa e hana'i?
Heaha hoi ka wa e moe ai?
Nohea mai ke ao?
Na wai ia i hana?

NO KA RAMA.

                Auhea oukou, e ka poe i puhi i ka rama, a me ka poe i kuai aku i ka rama i ko Hawaii nei? Aole anei oukou makau ia Iehova? Olelo mai la oia penei, "E haalele i na mea ano ino a pau. Tes. v. 22. hua, ua ike aku makou ia oukou. Eia ko oukou hua no ka puhi ana a me ka kuai ana 'ku i ka rama a me na mea ona e ae.
                O ka puhi ana i ka rama, a me ke kuai ana 'ku i ka rama, a ma ka inu ana i ka rama, a me na mea ona e ae - he mau mea ino no lakou.
                Ua moakaka ko oukou hewa malaila, no ka mea, no ko oukou
                Ke hoolilo nei oukou i na kanaka poe ona, i poe hehena, i poe hakaka, i poe kuko ino, i poe kolohe, i poe haunaele, i poe hoopunipuni, i poe wahahee, i poe hoohiki ino, i poe puhi hale, i poe aihue, i poe powa, i poe kipi, i poe kaua wale aku, i poe pepehi kanaka, i poe naauauwa, i poe hoomaloka, a i poe enemi mau loa i ke Akua!
                Oia kekahi mau hua no ko oukou puhi ana, a me ko oukou kuai ana 'ku i ka rama, a me na mea ona e ae.
                "O ka laau ino ke hua mai ia i ka hua ino, o ka laau a pau ke hua ole mai i ka hua maikai, e kuaia ilalo, e kiolaia aku hoi ia i ke ahi.'' Mat. vii. 17, 19.
                "Auwe i ka mea i haawi i kona hoolauna i ka mea inu ona, a i haawi i kou omole ia ia, a hoolilo hoi ia ia i ona." Hab. ii. 15.
                Ke kau mai nei ke kanawai a ke Akua maluna o oukou. Ke pili mai nei no hoi kona kanawai ia oukou. Auwe oukou!
                "Heaha ka pono a ke kanaka ke loaa ia ia keia ao a pau, a lilo aku kona uhane? Heaha hoi ka ke kanaka mea e haawi aku ai i uku no kona uhane ?" Mat. xvi; 20.
                Auhea oukou, e ka poe i inu i ka rama, a me na mea ona e ae? Heaha ko oukou pomaikai? Ua lilo anei oukou i poe waiwai malaila? i poe naauao no hoi? a i poe alohaia. Aole loa.
                Aka, eia ka hua no ko oukou inu ana i ka rama. E lilo paha auanei oukou i poe ona, i poe pahu rama wawae elua, i poe maka ulaula, i poe molowa, i poe ilihune, i poe mai, i poe naaupo, i poe hakaka, i poe kuikui i na wahine a me na kamalii, i poe powa, i poe haunaele, i poe poino, i poe hoowahawaha, a i poe kauwa na ka Diabolo.
                Ua huhu mai ke Akua ia oukou, ea! a e hoohewaia oukou e ia i kahi eha mau. Auwe oukou, no ka mea, i mai la ke Akua penei, "Aole e loaa i ka poe ona ke aupuni o ke Akua."
                E ka poe i inu i ka rama, ea! ua pono ia oukou ke haalele koke i ka rama a pau. He mea ino no ia - he enemi no hoi ia i ke kino a me ka uhane.
                Mai puhi hou i keia mea make ; mai kuai hou ia mea — a mai inu hou ia mea. E mihi koke i keia hewa imua i ke alo o Iehova. "Aka, i mihi ole oukou, e pau pu oukou i ka make.'' (Luka xiii:3.) O ka mea pepeiao la, e hoolohe mai ia. L. S.
                E na kumu, e na kanaka, e ku paa oukou ma ka pono. Mai hookiekie oukou. Mai hoomana e i ka oukou hana ana; no ka mea, o Iehova ke Akua hookahi. Oia no ke ola, ka mana, ka ihi. Oia no ka mea nana e kokua mai ka kakou hana ana.
                E ka poe kumu, mai hoohuli hewa i na haumana ma ka pouli. E nana i ka olelo a ke Akua; malaila no e pono ai.
                E ka poe kinai rama, e kinai oukou me ka ikaika. NA KINAU.