Ke Kumu Hawaii, Volume I, Number 8, 18 February 1835 — Page 58

58 KUMU HAWA II (FEB.

lo. Aole loa i like na helehelena o ke Kamelo me ko ka lio. He ino wale no ko ke Kamelo, o ka maka nae ka i maikai iki; he maikai wale no ko ka lio, ua mahaloia.
                O ke Kamelo wale no ka mea hiki ke hele ma na auakua nui me ka inu ole i ka wai.
                He inoino loa ke Kamelo ke nana aku, he mea e ka maikai o kana hana ana.
                Ua oi aku kona ahonui a me kona lokomaikai mamua o ko na lio a pau. I manao ke kahu e ee maluna, kukuli no kela, a noho pono ke kahu, alaila ala mai iluna, a hele. E hele no ia ma kahi i wela nui ai ka la, mai ke ao a po ka la, aole i ai, aole i inu. A i loaa uuku ia ia ka ai i ka po, aole ia e manao ino; ala hou no i kakahiaka nui a hele me ka ikaika.
                O ka mooolelo no ke Kamelo, he mea ia e ao mai ai i ke kanaka. Ke ao mai nei ia ia kakou, aole e pono ke manao nui i na helehelena; aole malaila ka pono ame ka hewa. He ino loa ke Kamelo ai ko ke kanaka maka; he maikai loa ka hoao ana. Ke ao mai nei ka mooolelo no ke Kamelo ia kakou, he okoa ko waho okoa ko loko; no ka mea, ina i like ka hana ino ana a ke Kamelo, me ka ino o kona helehelena, ina ua makau loa na kanaka ia ia. Aka, ina i like ka hana maikai ana a ke Tiga, me ka maikai o kona helehelena, ina ua makemake ua kanaka a pau ia ia.

HE MAU NINAU.

                Pehea ke kiekie o ke Kamelo?
                Pehea hoi kona loa?
                Heaha ko ke Kamelo?
                Pehea ke ano o kona kino?
                Pehea hoi kona wawae ame kona ai?
                Pehea kona hele ana?
                Mahea kona wahi noho ai?
                Heaha kana mea ai?
                Heaha ka waiwai o ke Kamelo?
                He mea lawe ukana anei ke Kamelo?
                Pehea kona hoomanawanui i ka ai ole a me ka inu ole?
                E hiki anei i ke Kamelo ke noho ma na aina anu?
                Ua ahonui anei ke Kamelo?
                O ka moolelo no ke Kamelo he mea ia e ao mai i ke aha?—Lama Hawaii.

HE UI MISIONARI.
E nana i ka aoao 50.
HAKINA 5.
No ka poe Kristiano.

                1 Heaha ke kumu o ka pule oiaio?
                I ka wa i haalele ai o Adamu ia Iehova, ua aoia mai oia ia pule; a malaila mai ma na makahiki eha tausani ua hoakaka mahuahua ia ma ka Olelo Kahiko; aole nae i paa ka olelo a ke Akua, a hiki mai Iesu ka Mesia a me kana poe haumana, alaila paa ka olelo a ke Akua. I ka wa i noho ai ka poe haumana ma ka honua, ua kapa mua ia lakou he poe Kristiano ma Anetioka ma Suria. Ua haalele kanaka ia Iehova, a na keia pule e hoihoi hou aku ia ia.
                2 Heaha ke ano o ka pule a ka poe Kristiano?
                He pono ia kakou ke hoomana aku i ke Akua hookahi oiaio ma ka uhane a ma ka oiaio hoi, me ka hoolilo ia kakou iho i hemolele ma ka naau a me ka noho ana. He pono hoi ke aloha aku i ke Akua me ko kakou naau a pau a me na hoalauna o kakou e like me kakou iho.
                3 Ma ka palapala hea i kakauia'i na kanawai a me na oihana nui na ka poe Kristiano e malama?
                Ma ka Palapala Hemolele, oia hoi ka Olelo a ke Akua.
                4 I ka manawa hea, a na ka poe hea hoi i kakauia mai ka ka palapala Hemolele?
                Ua kakau liilii ia e ka poe hemolele a ke Akua i koho ai, mai ka manawa o Mose a hiki i ka manawa o Ioane, a "ua hoolakoia lakou e ka Uhane Hemolele." 2 Pet. 1-21. A mahope mai, ua hui pu ia na mea a lakou i kakau ai i ka palapala hookahi, a ua malama nui ia a hiki mai i keia manawa.
                5 Ma ka olelo hea i kakau mua ia'i ka palapala Hemolele?
                Ua kakauia ka Olelo Kahiko ma ka olelo Hebera, oia ka olelo maoli a ka poe Iudaio i kamailio ai. A o ka Olelo Hou, ua kakauia ma ka olelo Helene, oia ka olelo nui ma Iudea i ka wa i noho ai o Iesu a me kana poe haumana ma ka honua nei.
                6 Ua laweia anei ka Olelo a ke Akua i na olelo a pau a ko ka honua nei?
                Ua laweia no i na olelo he nui loa. Aole loa e pau na olelo a kanaka i ka laweia. Nui na lahuikanaka i keia manawa i noho nui ma ka ike ole i ka olelo a ke Akua.
                7 Pehea ka hoolaha ana i ka pule oiaio mai ka wa o ka poe Lunaolelo mai?
                Emo ole, ua hoolaha ae la ia, a i ka haneri o ka makahiki, ua piha ka honua.
                8 Ua liuliu anei ka pono o ka poe ekalesia?
                Aole; ma kela manawa mai, ulu nui mai ka manao keekee, a me ka manao hewa iloko o ka poe ekalesia, a kupu mai ka ino, a pio ka maikai o ka ekalesia.
                9 Ma ka manawa hea i ulu hou mai ai ka pono?
                Ma ka huli hou ana o kanaka i ka pono, oia hoi ma ka makahiki o Iesu 1517, a malaila mai.
                10 Aole i loaa ka manao hou i kekahi poe i kela manawa?
                Ae: hele nui kekahi poe i ka ke Akua olelo, a loaa ia lakou ka manao hou no ka pono. Ku ee lakou i ka ka Pope, haalele i ka wahahee a me na mea lapuwale ona.
                11 Heaha na manamana nui akolu o ka poe Kristiano i keia manawa e noho nei?
                O ka poe mahope o ka kekahi, o ka ekalesia Helene kekahi, a me ka poe ku ee i ka ka Pope.
                12 Ehia lakou pakahi?
                Hookahi paha haneri miliona mahope o ka Pope:---kanaha miliona o ka poe ekalesia Helene---a he kanaono miliona o ka poe ku ee i ka ka Pope; a pau pu elua haneri miliona.
                13 He mau poe manaoio anei ua mau poe Kristiano la?
                Aole: uuku wale no ka poe i haalele i ka ka Pope; naaupo loa ka poe ekalesia Helene, a uuku wale no ka poe aloha io aku i ka Haku ia Iesu Kristo ma ka oiaio.
                14 Mahea kahi i noho nui ai ka poe Kristiano?
                Ma Europa a ma Amerika akau.

HAKINA 6.
No ka poe Pagana.

                1 Heaha ka ka poe Pagana?
                He ike ole ia Iehova. Oia hoi ka poe hoomana i na kii a me na akua wahahee.
                2 Inahea i hoomakaia'i ka hoomana i na akua wahahee?
                I ka lilo ana o Adamu ma i