Ke Kumu Hawaii, Volume I, Number 6, 21 January 1835 — Page 45
1835.) KUMU HAWAII. 45
HELU 12.
MOKUNA 3.—PAUKU 24-31.
Feb. 16-23.
24 Ua hoapono wale ia mai ma kona lokomaikai, no ka hoola ana ma o Kristo Iesu la.
25 Oia ka ke Akua i haawi mai ai i mohaikalahewa ma ka hilinai i kona koko, i mea hoakaka ai i kona hoapono ana, i ke kala ana i na hewa i hana e ia mamua.
26 i ke ahonui ana o ke Akua; i mea e hoakaka ai i kona hoapono ana, i keia manawa, i pono oia, a i mea hoapono hoi i ka mea manaoio ia Iesu.
27 Auhea la hoi ke kaena ana? Ua paleia'ku ia. Ma ke kanawai hea? O na hana anei? Aole; ma ke kanawai no hoi o ka manaoio ana.
28 Nolaila, ke manao nei makou, ua hoaponoia mai ke kanaka ma ka manaoio, aole ma na hana o ke kanawai.
29 O ke Akua no anei ia no ka poe Iudaio wale no? Aole no na kanaka e kekahi? Oia, no na kanaka e kekahi.
30 No ka mea, oia hookahi no ke Akua
nana e hoapono i ka poe i okipoepoeia ole ia hoi ma ka manaoio.
31 Ke hoohiolo nei anei makou i ke kanawai, ma ka manaoio? Aole loa. Ke hooku pau nei no makou i ke kanawai.
KA HOOMOAKAKA ANA.
24 O ka poe i hoaponoia, ua pau lakou i ka hoapono lokomaikai wale ia, e ke Akua, no ka uku hoola, a Iesu i haawi mai ai i ola ka poe pio.—He hoapono manawalea, no ke Akua mai, aole na ke kanaka i kuai, aole ia i hoolimalima me kana hana pono ana.
25, 26. Ua hoike mai ka Makua, a haawi no hoi i kana Keiki i mohai kalahala. A lilo io ia i mea e kalaia'i ka hewa o ka poe i hilinai i kona make ana.
O ko Iesu koko, o kona make ana no ia me ka hookaheia o ke koko. A o ka poe i manaoio me ke aloha, peneia, O ko Iesu make ana no ka poe hewa, o ke kanaka, oia ka poe e hoapono manawalea ia mai e ke Akua.
Ua hoike mai ke Akua ia mohai, e hoakaka mai i kona hoapono ana i ka poe i hana hewa kahiko i ka wa i hoomanawanui mai ai ke Akua, mamua o ka Mesia, a me kona hoapono ana, i ka wa hou, i ka wa ia Paulo ma, i ka wa mahope mai o ka Mesia, i pono ke Akua i kupaa ia ma kona kanawai, me ka oiaio a ka ewaewa ole, a e kala hoi ia i ka hewa o ka mea paulele ia Iesu, a e hoapono ia ia no Iesu. O ka mea kupanaha loa ia iloko o ka euanelio.
27 Nolaila, no ka pau ana o na kanaka i ka hewa, aole hoi he mea e ae e hoaponoia'i, o ka make ana o Iesu wale no, nolaila, aole e hiki i ka Iudaio, aole hoi i ka mea e, ke hooioi i kona pono iho. Ua keakea loa la ka manao hookano, a me ke kaena o ke kanaka i kana hana ana, no ka mea ua haawi wale ia kona pakele ana i ka make;ma ka manaoio i haawi wale ia mai ai ke ola. He aoa okoa keia, he aoao okoa kela o ke ola ana, no ko kanaka pono iho.
28 O ko Paulo ma manao maopopo no ia e hoapono wale ia mai ke kanaka paulele ia Iesu, aole no kana hana ana i na mea a ke kanawai i kauoha mai ai, aole o ka hana ke kumu hoolimalima i ke ola.
29, 30. O Iehova ka mea nana i hana i na lahuikanaka a pau loa me ke koko hookahi, a i makemake hoi e ola kanaka a pau, he Akua e hoapono i ka poe Iudaio wale no anei ia? Aole, No na lahuikanaka e kekahi. He Akua oia hookahi wale no ka me e hoapono i ka Iudaio a me ka mea e, ma ka manaoio ia Iesu.
31 Ina ma ka manaoio ana ia Iesu, ka hoapono ana, ua hoolilo anei makou i ko ke AKua kanawai i mea ole? Aole loa, he mea mau loa ia, he mea pono wale, aka ua hooikaikaia e ke kanaka, a ua malamaia e Iesu a ua make ia i hoike mai ia i ka pono o ka uku. A no ka hooili ana o ka uku maluna ona, a me ke kala ana i ka mea paulele ia ia, ua hooiaioia ke kanawai, ua hoaponoia, ua hoomauia, i mea e malama mau ia.
HE MEA NINAU.
24 Pehea la e hoaponoia mai ai ka poe e hoapono ia? Na wai mai ka uku hoola?
25, 26. Haawi ke Akua ia wai? I aha? I mea hoakaka i ke aha? Kowai hoapono ana? I ka hewa hea? Keia manawa, ka wa hou ia? I aha ko Akua? He mea hoapono ia wai?
27 Heaha ka mea i paleia? Heaha ka mea hiki ole i ka Iudaio, a me ko na aina e?
28 Mahea la i hoaponoia'i kanaka hewa?
29 He Akua o Iehova no wai?
30 Hoapono mai ia i ka Iudaio paulele, mahea? Hoapono mai ia i ko na aina e mahea?
31 He mea aha keia olelo a Paulo ma, he mea e lilo ai ke kanawai i mea ole paha, i mea e hooiaioia, a hoomauia'i paha ia?
NO KE KULA SABAT.
E na haumana, e hoolohe mai, a e hoike aku au ia oukou i ke ano o kekahi mau kula sabati ma Amerika. Nui ka poe haumana i akoakoa malaila i kela sabati keia sabat.
I kekahi mau kulanakauhale, o ka poe elamakule a me na luwahine, na kane hou a me na wahine hou, ka poe opiopio a me na kamalii a pau, ua hui pu ia lakou i ka la sabati e hai aku i na pauku ehiku ma ka "Ai o ka La." Kakaikahi wale no i hana ole pela. O ka poe elemakule, ua hui pu ia lakou i kekahi mau papa, a loaa ia lakou i ka la sabati; heluhelulakou i na pauku ehiku, noonoo ma ke ano kekahi, a kamakamailio pu ma ke ano. Ina he mea akaka ole ma ia mau pauku ina e ninau lakou i ke kumu penei; "Heaha ke ano o keia pauku? ea! Aole makou i ike." Alaila hoike aku kela ia lakou i ke ano o ia pauku.
Pela no hoi ka hana ana a ka poe luwahine, a me na kane hou, a me na wahine hou. Ua hui pu ia lakou i kela papa keia papa e hai aku ia mau pauku i ke kumu, a e loaa ia lakou ka malamalama mai, a me ka ike, a me ka makemake aku i ke Akua.
Penei hoi ka hana ana a na kamalii. He umi kamalii paha i hui pu ia ma ka papa hookahi. A loaa ia lakou ke kumu maikai, alaila pono, hele lakou i ke kula sabati me ka oluolu ma ka naau. Aole lakou kaumaha i ka hana ana malaila. Kakaikahi paha i luhi, a i molowa i ka hana ana i kela kula. Aka, he poe hewa lakou, he poe ku e i ka pono. Aloha ino lakou.
Eia kekahi mea e, a lakou e hana'i, i kela malama keia malama. Ma ka po akahi o ka hebedoma elua o kela malama keia malama, halawai na kumu a me na haumana i ka pule. Pule aku la lakou i ke Akua no na kula sabati a pau loa ma ka honua nei. Aole lakou hoopoina i na kula sabati ma Hawaii. nei. A ua hoomaikai mai ke Akua ia lakou. Ua ninini mai oia i ka Uhane Hemolele maluna iho o lakou, e kuhikuhi mai ia lakou i ko lakou hewa. I ka manawa e akaka ai ia lakou ko lakou hewa, alaila ua kaumaha ko lakou naau, ua hilahila, a ua weliweli no hoi lakou imua i ke alo o ke Akua.