Ke Kumu Hawaii, Volume I, Number 4, 24 Kekemapa 1834 — HELU &. [ARTICLE]

HELU 8.

MOKUNA 2. --PAUKU 4-11. Dek. 29—Ian. 4. 4 A ke hoowahawaha nei anei oe i ka nui loa o kona lokomaikai, a me kona ahonui, a me kona hoomana,wanui ana, aole hoi oe i hoomaopopo, o ko ke Akua maika, o ka mea ia e alakai ia oe i ka mihi? 5 Aka mamuii o koa paakiki a me ka naau mihi ole e hoahu ana oe nou iho, i ka inaina no ka la e inainaia mai ai, a e hoikeia mai ai hoi ka hoahewa pono ana mai a ke Akua, 6 nana no e uku mai i keia kanaka i kela kanaka elike me kana nana ana; 7 i ka poe e imi ana i ka nani, a me ka mahalo, ame ka maka ole, ma ka hooikaika mau ana i ka hana maikai, i ke ola loa; 8 aka, i ka poe i hoopaapaa, me ka malama ole i ka olelo oiaio, a malama hoi ma ka hewa, ia lakou ka huhu a me ka inainaia; 9 O ka poino, a me ka ehaeha maluna o ka uhane o keia kanaka o kela kanaka e hana ana i ka hewa, o ka ludaio mua, a o ka Helene hoi; - 10 aka, oka nani, ame ka mahalo,a me ka pomaikai, no na mea a pau e hana ana i ka pono, no ka ludaio mua, a no ka Helene hoi. KA HOOMOAKAKA ANA 4 Ninau hou Paulo i ke kanaka, Ke hoowahawaha nei anei oe i ka lokomaikai nui loa o Akua, me ka hoomaopopo ole i keia, o ke aloha a me ke ahonui o ke Akua, o ka mea ia e huli ai oe mamuli ona, me ka mihi io i kou hewa? 5 O ka mea i aloha ole i koke Akua lokomaikai a i mihi ole i kona hewa iho, ua hooikaika oia mamuli o kona paakiki a me kona naau mihi ole, e hoomakaukau e ia i ka make nui nona iho i ka la o ke Akua, ka la e hoike mai ai ke Akua i kona huhu i ka hewa, a me kona hoopai pololei ana i ka poe hewa l mihi ole. O ka noho ana o ke kanaka ma ka hewa mahope iho o kona ike ana i ka pono, o ka mea ia e huhu nui mai ai ke Akua ia ia, o ka mea ia e nui ai kona make ke huli ole ma ka pono me ka mihi i kona hewa nui. 6 E haawi ana no ke Akua i ka uku pono i keia kanaka, a i kela kanaka, mamuli o kana hana ana.

7 Eia ka hana a me ka uku o kekahi poe, o ka poe ma ke ahonui i ka hana maikai e imi ai i ka nani oluna, a me ka mahaloia e ka Haku a me ke ola mau loa me ia, e hoawi ke Akua ia lakou i ke ola loa, i uku no lakou. Ina hana mau ke kanaka malaila e imi pono ana e like me ka ke Akua olelo e loaa no ia ia ke ola i ka lani. Mat. vii 7,8; Iakoba i. 5, 6. 8 Eia hoi ka hana a me ka uku o kekahi poe, o ka poe ku e i ke Akua, me ka pale i kana kauoha, me he poe paio la ia lehova, aole i malama i kana olelo poloiei, aka ma ka hewa e hoolohe ai a e malama ai, e loaa ia lakou ka huhu o ke Akua a me ka inainaia mai, oia ka uku mamuli o ka lakou hana. 9 O ka poino a me ka ehaeha, o ka popilikia a me ka make maluna o na mea a pau i hana ma ka hewa aole haalele, oia kekahi uku, o ka hua ia o kela huhu, a me ka inaina o ke Akua. A ua kapaia no hoi ia hoopai ana, o ka inaina o ke Akua, [i. 18]. Ane like ke ano o ka pauku 9 me ka pauku 8. 10 Ane like ke ano o ka pauku 10 me ka pauku 7, O ka poe e hana oiaio ma ka pono, e loaa ia lakou ka nani, a me ka mahalo, a me ka pomaikai, e loaa ia lakou na mea a lakou i imi ai me ka pule, a me ka hooikaika mau ma ka hana maikai ana.. Na lesu lakou e hoonani, a e hooiaio, a e hoopomaikai imua o ke alo o kona Makua a me kona poe anela. Nolaila, owai la ka mea e hoomalowa, a e hoonawaliwali, i ka imi aku ia pomaikai? HE MAU NINAU 4 Ninau Paulo ke kanaka ike aha ? Hoowahawaha ke kanaka i ke aha, Hoomoopopo ole ia i ke aha? He mea aha ka maikai o ke Akua? 5 A i aloha ole ke kanaka i ke Akua pehea aku laia? I ka wa hea kona make nui ? I ka lae hoopaimai ai ka Akua i keaha? No ke aha la e nui ai ka make o ka mea mihi ole? 6 Pehea la i uku mai ai ke Akua i kanaka? He pololei anei ka hoopai ana mamuli o ka hana? 7 Imi kekahi poe i ke aha?

Mahea la e imi ai lakou? Heaha ka uku e haawiia mai ia lakou? Nawai e haawi wale mai i ko ola loa? 8 He aha ka hana a kekahi poe? Ku e lakou iawai? Heaha ko lakou uka? 9 Heaha ka hua o ia huhu? Maluna owai ka poino a me ka make? 10 Heaha ke ano o ia poe? Imi lakou i ke aha? Heaha na mea e loaa ia lakou ? Nawai e hoonani a e hoopomaikai ia lakou He pono anei ke hoomanaka i ka hana maikai?