Ke Kumu Hawaii, Volume I, Number 2, 26 Nowemapa 1834 — HELU 5. [ARTICLE]

HELU 5.

mokuna I.—PAUKU; 15—21. Dek. 8—l4. 15 Pela hoi, ma ka mea hiki ia'u, ua makaukau wau e hai aku i ka olelo maikai , ia oukou no hoi ma Roma. 16 No ka mea, aole au i hilahila i ka olelo maikai [no Knsto,] no ka mea, o ko ke Akua mana ia e ola'i, no keia mea, no kela mea manaoio, no ka ludaio mua, a no ka Helene hoi. 17 No ka mea, ua hoikeia mai ilaila ko ke Akua hoapono ana mai ma ka manaoio, i manaoio [kakou,] e like tpe ka mea i palapalaia, O ka mea pono, ma ka manaoio, e ola ia. 18 A ua hoikeia mai no hoi, ka inaina o ke Akua, mai ka lani mai, i ka aia a me ka hana ino a pau a na kanaka i keakea me ka hana hewa, i ka olelo oiaio. 13 No ka mea, o ka mea e hiki ke ikeia no ke Akua, ua akaka la ia lakou no ka mea ua hoakaka niai no ko Akua la mea ia lakou. 20 i No ka inea, o kona mau mea i nana ole ia, mai ka hana ana mai o ke ao nei, ua maopopo lea ua mau mea la, o kona mana mau a me kona Akua ana, ma na mea i hanaia, nolaila aole o lakou mea e hoaponoia'i. 21 No ka inea, i ka wa i ike ai lakou i ke Akua aole lakou i hoonani aku ia ia i Akua, aole hoi i aloha aku, aka, ua lapuwale lakou i ko lakou manao ana a ua hoopouliia hoi ko lakou naau hawawa. KA HOOMOAKAKA ANA 15 Pela hoi ma ka mea hiki ia'u, ua makaukau wau. Ina i hiki i ko Paulo ikaika. a i kona manao wale iho, a ina ia ia iho kona hele ana ilaila, ua makaukau no ia e hai aku i ka Iesu olelo, ma ke kulanakauhale pokela o Roma. 0 ka makaukau, o kona oluolu no ia, o kona lealea i keia hana, aole ia i makau i ka luhi, aole hoi me ka hoinoia niai e kekahi poe ku e. 16 no ka mea aole au i hilahila i ka olelo maikai. Aole ia i wiwo i ka hai aku, aole i makau i ka hoka, aole i manao he mea e pono ole ai, he mea e hunaia i kanaka. Aka o kona mea ia e hauoli ai kona naau, o kona mea i paulele

ai me ka mahalo, a i kaena ai me ka olioli, no ka mea o ko ke Akua mana ia e ola'i, no keia mea no kela mea manaoio. He mea mana ka olelo e huli ai, e maemae ai, e mihi ai, e manao pono ai, e naauao ai, a ala mau ke kanaka, ke lohe ia me ka malama pono. He mea mana ia e ola'i, na ke Akua no na mea a pau i manaoio, no ka Iudaio mua, alaila no ka Helene. Ua haiia ka olelo a lesu i ka poe ludaio mua, ma Ierusalema, a ma ia kulanakauhale aku, ia kulanakauhale aku, alaila i ko na aina e. 17 Ma ka olelo maikai na Kristo, ua hoikeia mai ko ke Akua hoapono ana mai i ka poe mnnaoio, ka poe i hilinai ia ia me ka hoomaopopo i kana olelo Ua hoikeia mai ia mea i manaoio kakou, i kupono ko kanaka manao ia ia, i paulele hoi ia in. Pela hoi i palapalaia e Habakuka. O ka mea pono, ma ka manaoio, e ola ia.—Ma ko ke kanaka pono manaoio ana i ke Akua, malaila ke Akua e hoola mai ai ia ia. No kona manaoio, ua hoapono mai ke Akua ia ia, aole e hoopai i kona hewa. ua kuu mai ia ia, a malama ia ia me he mea hala ole la, a ola loa ia i ke Akua ma kona paulele ana. Oia kekahi mea i hilahila ole ia'i ka olelo maikai. 18 A malaila hoi, ma ka olelo maikai i hoikeia mai ai ko ke Akua inaina. kona manao e hoopai i ka aia, a me na hana hewa a pau a ka poe i keakea, i kana olelo, me ka lakou hana hewa ana. 19 No ka mea, o ka mea e hiki ke ikeia no ke Akua, ua akaka no ia i na lahuikanaka Na ke Akua i hoakaka mai ia lakou, i na mea nona iho, ua mea e hiki i kanaka ke ike aku. 20 0 ko ke Akua mau mea i nana ole ia, aole ikeia e na maka, o kona mana mau, a me kona Akua ana, ua maopopo lea ia, ma na mea ana i hana'i, mai ka hana ana i ke no nei. Mai ka wa i ha na mai ai ke Akua. i ka lani a me ka honua, ka !a, ka mahina, ka hoku, a me na mea a kanaka i ike ai, ua hoomaopopo lea ia mai ka mana mua o ke Akua. ma ia mau mea ana i hana'i, ua maopopo lea, ke nana aku, a ke noonoo pono Ua akaka no i ko lakou manao, O ke Akua ka mea nana i hana. Aohe mea e hooponoia'i lakou ke malama ole la kou ia ia 21 A ike lakoii. aia no ke Akua, ke Akua ia, ka mea nana i hana ia mau mea, aole lakou i malama pono ia ia. me ka hoonani, a me ke aloha, aole Iakou i hoapili aku ia ia i Akua no lakou. aka imi ko lakou manao i ka mea e, ua lapuwale i ko lakou manao hewa ana. a ua hoopouliia ko lakou naau hawawa He mau ninau. 15 Heaha ko Paulo makaukau?

16 Heaha ke ano o kona hilahila ole? No ke aha la i hilahila ai o Paulo i ka olelo maikai? O ke aha la ia olelo? a i mea aha ia? Lilo ia i mea mana e ola'i, no wai ? Ua haiia'ku ia olelo ia wai mua? 17 Heaha ka mea i hoikeia ma ia olelo maikai? Mahea la i hoapono maikai ke Akua i kanaka? Heaha ke ano o kona hoapono ana i kanaka manaoio? 18 Mahea i hoikeia mai ka inaina o ke Akua? I keaha la? | Heaha ko ke Akua inaina? E hoopai i ka hewa o wai? Keakea lakou i ke aha? Pehea la? 19 Na wai i hoakaka mai i na mea e hiki i kanaka ke ike aku? Heaha ko ke Akua mea i nana ole ia? Mahea la e maopopo lea ai ia? Inahea ka maopopo ana? 21 A ike na kanaka ia ia, pehea lakou ? Pehea ko lakou manao? Ua aha ia ko lakou naau hawawa ?