Ke Kumu Hawaii, Volume I, Number 2, 26 Nowemapa 1834 — HELU 4. KA EPISETOLE A PAULO I KO ROMA. [ARTICLE]

HELU 4.

KA EPISETOLE A PAULO I KO ROMA.

MOKUNA I. —PAUKU 8—14 Dek. 1—7. 8 O ka mua; ke hoomaikai aku nei au i ke Akua, ma o lesu Kristo la, no oukou a pau, no ka mea ua hookaulanaia ko oukou manaoio, ma ka honua a pau. 9 O ke Akua, o ka'u mea e malama nei me kuu uhane ma ka olelo maikai no kana Keiki, oia ka mea ike no'u, i ko'u hoomanao mau ana ia oukou, 10 E noi mau ana ma ka'u pule, ina e hiki i kekahi manawa, i keia wa aku nei paha, e hele pomaikai aku wau me ka ae ana mai o ke Akua, a hiki io oukou ia. 11 No ka mea ke ake nei au e ike aku ia oukou, e haawi aku au i kekahi pono ma ka uhane no oukou i hookupaaia'i oiikou; 1.2 Eia kekahi e hooluoluia mai hoi au i waena o oukou, ma ka manao lokahi ana o oukou a me au. 13 Eia hoi, aole o'u makemake e ike ole oukou, e na hoahanau, i kuu manao pinepine ana e hele io oukou la, (aka ua kaohiia a hiki i keia wa,) i loaa mai hoi ia'u kekahi hua mawnena o oukou, e like me ia mawaena o na lahuikanaka e. 14 He aie au na ka poe Helene ame na kanaka hemahema, na ka poe i aoia. a me ka poe i ao ole ia. 0 KA HOOMAOPOPO ANA 8 0 ka mua, a maopopo. kona aloha, alaila hoomaka i kana olelo me ka hoike ana ia lakou i kona hoomaikai ana i ke Akua no ko lakou manaoio i ka olelo maikai, a no ke kaulana ana o ko lakou paulele. Ma o Iesu Kristo la, ko lakou manaoio nona ko lakou pono a me ko lakou pomaikai. Ma ka honua a pau i hookaulanaia'i ko lakou manaoio. Ma ke aupuni nui o Roma a puni, ua kapaia ia o ka honua a pau.

9 O ke Akua. Oia ka mea ike no Paulo. O ko Paulo hoomanao mau ana i ko Roma, ua maopopo ia i ke Akua, ka mea a Paulo i malama pono ai me ka oiaio, me ka hoike hookamani ole i i ka olelo maikai a kana Keiki. Pil. iii. 3. 11 Tim. i. 3. Ep. vi. 6. Rom. ii. 28, 29. 10 Nonoi aku Paulo i keia la i kela la. e hoawi mai ke Akua ia ia, ina he pono, ke hele pomaikai me ka maluhia, i kekahi manawa, aole paha liuliu loa aku e hiki aku i Roma me ka ae mai a me ke kokua mai o ke Akua. 11 He nui ko Paulo makemake e halawai ike me ko Roma, e kokua ia lakou, e hoomahuahua i ko lakou manaoio ana, a me ke kupaa ana, a me ka hauoli ana o ko lakou mau uhane, i palaka o!e, i emi ole i hope, i nauweuwe ole ko lakou manaoio. Makemake no Paulo e hoomahuahuaia kona pono iho me ko lakou. Pil. iii. 13. 12 Makemake no hoi o Paulo, e hooluolu pu ia me lakou, i ka halawai ana me lakou, i ke kamailio pu ana, i ka manao hookahi ana, i ka imi pu ana i ke ola, me ka hoonani pu i ke Akua. 13 Aole o Paulo i makemake e noho ko Roma me ka ike ole i kona manao pinepine e hele io iakou la, e loaa ia ia kekahi hua iwaena o lakou, e like me ka loaa ana, o ka hua pono. o ka ulu ana o ka nlelo a me ka hana a ke Akua iwaena o na lahuikanaka e ana i ao aku a. Makemake no ia e ike iakou ia manao, a me kona kaohiia a hiki i ka wa ana i kakau ai i keia palapala. Ua paa paha i ka hana, a ke Akua i haawi mai ai ma kahi e; aole pau na kanaka i ka lohe koke. Na ka naau o Paulo ia manao e hele io lakou la, ina na ke Akua. ina ua hiki. Na ke Akua keia olelo ola ka i hiki aku. 14 He aie, he olelo hoohaahaa paha ia. Manao o Paulo he pono nona e hai aku i ka olelo maikai i ka poe Helene. ka poe naauao, me ka makaukau i na mea ma ke kino, a i ka poe hemahema hoi, ka poe naaupo me ka makaukau ole, a i ka poe i aoia, a me ka poe i ao ole ia i keia lahuikanaka i kela lahuikanaka. He kauaka hewa o Paulo mamua, a ua haawi mai ke Akua i ka pono nui, me ka lokomaikaiia mai. a manao no ia he pono nona ke haawi aku, me ka iokomaikai aku ia hai. No ke aloha ka aie, a no ke kauoha a ka Haku kekahi. Roma, viii. 8. He mau ninau, pauku 8—14 8 Heaha ka mea mua a Paulo i hai aku ai i ko Roma ? Hoomaikai ia i ke Akua no ke aha? Ma owai la ko lakou manaoio ? Mahea la i hookaulanaia ai ko lakou manaoio?

9 Owai ko Paul mea i malama aku ai? Pehea la kona malama ana i ka Akua? Ma ke aha i malama ai ia ia ? Owai ka mea ike nona? O ke Akua ka mea ike nono i ke aha? 10 Nonoi o Paulo i ke aha ma kana pule? 11 No ke aha la i makemake ia e like ia lakou ? 12 Makemake ia e ahaia oia iho? E hooluoluia mahea? 13 Makemake ole o Paulo e ike ole na hoahanau i ke aha? Manao ia e hele io lakou i ke aha? Heaha ka hua i loaa ia ia ma na aina e? 14 He aie ia nawai? Heaha ke ano o kona aie ana?