Ke Kumu Hawaii, Volume I, Number 2, 26 November 1834 — KE KAIKAMAHINE A KA MEA HANAI BIPI. [ARTICLE+ILLUSTRATION]

KE KAIKAMAHINE A KA MEA HANAI BIPI.

O ka hoomanao ana i ka poe pono he mea pomaikai no ia." Solomona 10;7. MOKUNA 1. He wahi hana maikai i ka nana aku, a ike, a hookolo aku no hoi i ka ka Uhane Hemolele hana ana ma kn naau 0 kana poe keiki ponoi, i hoomaopopoia mai ma ka noho ana o lakou. He mea hauoli loa i ka ike ana aku i ko ke Akua poe ma ka honua nei, he poe hune kekahi o lakou. Ua hanaia ka naau o lakou ma ke ano o Kristo e ka Uhane Hemolele, a ua ikea iloko o Iakou. Iloko o lakou ua akaka kn oiaio a me ke akahai o ko ke Kristiano noho ana. Aole no Iakou hihia, a kaumnha i na mea o keia ao, na mea i palaka pinepine ai kekahi o ka poe waiwai. Ua nui na mea pilikia no ka poe malama i ka pono iloko o ka waiwai, a me ke alii ana, a me ka noho ana'ku mahope o ko keia ao pono. Ina no kekahi poe hihia ole ilaila. No ka lokomaikai o ka Haku ua lanakila lakou maluna o ko ke kanaka naau, ka naau hookano, ka naau hookiekie, & me ke kuko aku i na mea o ke kino. Ua ikea kekahi poe alii, a me kekahi poe waiwai, ua kahikoia e ka uhane hune, a me ka

naau haahaa, ka naau hoole i ko ke kino, a me ka ikaika loa o ka malama i na mea o ka uhane. Aka i makemake kakou e ike i ka poe e malama io ana, i ka ke Akua pono iloko oka oiaio, ame ka maikai, ina no lakou mawaena o ka poe waiwai ole o keia ao ka poe lako i ka manaoio. Ka hale o ke kanaka ilihune; E! ua lilo pinepine ia i luakini no ke Akua. Ua nui no ka poe ka i olelo mni, malaila i ike makou i ka manaolana, ame ka manaoio, malaila no makou i ike i ka hoomaopopo ana o ke akamai, a me ka mana, a me ka maikai o ke Akua. 0 ka wahine i hoakakaia iloko o keia olelo ua noho no oia ma Beritania; a. o ka hoomaka ana o ko'u ike ana'ku ia ia. ina no iloko o keia pnlapala, ana i palapala mai ai ia'u. "E KE KUMU,— "Ke palapala aku nei au ia oe. E aloha mai oe ia'u; no ka mea, aole a kaua i kamailio pu. Ua lohe nae au ia oe, i kau pule ana iloko o ka halepule, ma o mea la. Ke manao nei au, he kumu pono oe, e ao aku ana i kanaka hewa, e holo lakou, e pakele i ka inaina e kau mai ana maluna o na mea a pau e noho ana iloko o ka hewa, a ua make iloko o ka mihi ole. "E! iloko o ka Haku, e hooikaika aku oe; i hoopomaikaiia mai oe e ia, a e hoopauia mai kau hana aloha iloko o ka lako; i haawiia mai hoi na uhane i uku nau. Ua olelo mai a ka Haku, oia pu no me lakou, ana i hea mai, a hoouna aku, e hai aku i kana olelo, a hiki aku i ka hope o keia ao. No ka mea, aole e hiki ia kakou e hana i ke kahi mea, ke pili ole aku ia ia. "Ua hauoli loa au i kuu lohe ana aku i kau olelo aloha i ke kanaka hune o ka poe koa, o mea la. He oiaio no na ke aloha o Kristo oe i hoouna mai ia ia. I mau keia aloha iloko ou, me ka lako o ka manaoio ana. I koiia aku oe e ia e imi i na uhane e hele hewa ana me ka makemake ikaika, i lilo aku oe, a e hooliloia Hoi oe, no kona maikai. I kauia mai la ka malu ma ka olelo au e olelo aku ai, me ka mana o ka Haku, e o aku ana i ka mihi iloko loa o ka naau o

ka poe e hoolohe maiai. I nui lakou ka poe i hoohuliia mai a lilo i mea hou iloko o Kristo. "E ke kumu e, e ikaika oe i ka pule aku i ke Akua no ka mihi, a me ka huli ana mai o kanaka hewa. Ua nui kona mana. Owai la ka mea e pale aku ia ia? Ua olelo mai no ia, nana no e hoolohe i ka pule oiaio ma ka inoa o kana Keiki. ʻE noi aku oe i kau mea e makemake aku ai, a e haawiia mai nau.' He mea hooikaika no keia i ka manaoio o kakou, ka poe i aoia e ka olelo, a me ka Uhane, e pule. "E! o ka manaolana maikai! aia ike kakou i ka olelo ana i olelo mai ai, ua kaikaiia na uhane luhi o kakou. He pono ia kakou ke ike kakou ia Kristo; a me ka mana o kona alahou ana iloko o ka naau o kakou. Iloko o ka manaoio ia Kristo, e hauoli ai kakou ma ka manaolana, a hopu aku kakou me ke kuko aku i ka manawa e ike ai na mea a pau loa i ka Haku, i ka manawa hoi e hanauia ka lahuikanaka i ka la hookahi. "E! o ka manawa hauoli no ia, ke hiki mai ko Kristo aupuni! A ilaila 'e hanaia'i kona makemake ma ka honua nei i like me ia i hanaia'i ma ka lani la.' E hanai mau ia mai na kanaka i ka ai a kona aloha; a makemake wale aku lakou i ka Haku i ka po a me ke ao. "E! a ilaila ka Paredaiso maikai no lakou ilalo nei! Ua pihoihoi, a ua malamalama ko'u uhane i ka hahai ana aku ma na aianui o ke Akua. Oia hoi, ano la ke lawe iki au i ka hana e hoonani aku i ke Akua a me ke Keikihipa. "Auhea oe! ma ka la pule ka'u kakau ana i keia palapala. Ua hoonohoia mai nei au, aole e hiki i ka pule, no ka mea, he mai ko'u kaikaina, a e noho ana au me ia ma ka hale o mea la. Ua hele mai nei au, e kokua ia ia. Aka, ua make no ia. "Ua manao no wau e palapala aku ia oe, e noi aku ia oe e palapala mai i kuu kaikaina. Ua ike no ia i ka hewa o kona noho ana mamua a me kona hele ole ma na aoao o ke Akua. Mamua, aole no ia e imi e hooluolu aku ia

ia; aka ua loaa iho nei ia ia ka makemake. Nolaila ua oluolu ko'u naau i ka manao ana aku ia ia. Ua hele pahi la i ka lani. Aia no ia e huipu ina me ka poe anela maikai, e mele aku ana i na mea kupanaha o ke aloha hoola. Ke manao nei au e hiki no ia'u ke olelo aku nona peneia; 'Pomaikai ka poe make, ka i make iloko o ka Haku.' "Ua hoike mai no ia ia'u i kona makemake e ai i ka ahaaina a ka Haku, a e hoomanao i kooa eha, a me kona make hala ole ma ke kea. Na'u no i olelo aku ia ia, i ko'u mea i lohe ai ma ka loaa ana ia Kristo iloko o kona naau. No ka nui loa o kona nawaliwali, aole ia i olelo hou mai ilaila. Ua oluolu loa mamua aku o kona make ana. Ke manao nei au, ua hele no ia mai keia ao hewa aku, e noho pu me ke Akua. "E ke kumu e, mai uluhua oe ia'u, ka wahine hune, naaupo, i ka'u kakau ana aku ia oe. No kou lilo ana i mea ao aku i ka poe hewa ma na aoao o ke Akua, ke manao nei au e aloha mai oe ia'u, a e palapala mai, e ao moi ia'u. Eia ka makemake nui o ko'u naau, i like ko'u manao ana me ia iloko o Kristo; aia e alahou au ina kona ano, alaila au e maha io ai. "Ua hoike mai ko'u kaikaina ia'u i kona, makemake ia oe, e pule oe i ke kanu ana ia ia. O ke kumu a makou i ko makou wahi, aole ia e hiki mai, ua hele ia. E waiho ana no ke kupapau ma ka hale o mea la. O ke kakahiaka o ka la Tusede kona make ana; a e kanu ia i ka la Feraide, i ole ia, i ka la Satude, i ke kolu o ka hora. lna no ia oe mai kekahi. E palapala mai oe ia'u, e ike au i kou ae ana mai. 0 ka moa nana i lawe aku keia, nawa no e lawe mai kau. "Na Elisabeta W--E." Ua mahalo au i ka oiaio, a me ka ikaika o kona manao i hoikeia mai iloko o keia palapala. Aole no i akaka loa ke kakau ana; aka, aole au i wahawaha i ka mea nana ka palapala ilaila, aloha au i keia hoakamailio hou. No ka mea, iloko o ko'u manao, he hoailona keia o ka mea e noho hune ana, me ka ikaika loa o ka malama ana. He manao aloha ko'u i ka loaa ana ia'u keia hoakakau palapala. No ka mea, ua kakaiahi wale e like me ia, ia manawa, ina ko makou wahi. Ua manao nui no au i ka palapala ana me neia, he mea ia e pono ai kakou. Ua maopopo ia'u ka pono o keia hana no'u iho, a no hai hoi kekahi. O ka palapala ana a me ke kamaiKo pu ana mee ka poe hune malama i ka pono,

oia no kekahi hana nana i hoala, a hooikaika hoi i ko'u naau iloko o ka'u hana; a malaila no i loaa'i ia'u ka ike e pono ai ka'u hana iloko o ka'u ao ana'ku. A pau ka'u heluhelu ana i ka palapala, ninau aku la au, "A i hea la ka mea nana keia i lawe mai?" I mai la kekahi, "Aia no mawaho o ka pa." Hele aku la au e olelo pu me ia, a ike aku la au he elemakule, he wahi kanaka maikai no, ua hina kona lauoho, a ua loihi ia, alu kona maka, a o ka nana.aku ia ia, ua aloha ia. E hilinai ana no ia maluna o ka uhai, a e helelei ana ka waimaka ma kona maka. Hiki aku la au, kulou iho la oia, a olelo mai la. "E ke kumu e, na'u no i lawe mai i ka palapala, na kuu kaikamahine no ia oe, aka he hopohopo ko'u o manao mai oe ia maua he mau mea makau ole i ka hoouluhua ia oe. I aku la au, "Aole paha. He makemake no ko'u e ae aku ia oe a me kou ohua i keia mea, ina paha i oluolu mai ka oukou kumu ponoi ilaila." E, nana no i olelo mai ia'u inehinei he oluolu loa kona ke loaa ia'u kekahi mea aku, nana e pule i ke kanu ana o kuu kaikamahine, no ka mea, eono mile aku nei kona wahi, a he hana okoa no kana ia la. Olelo aku au i keia i ka'u kaikamahine, a mea mai la kela i ia'u, e liele mai au ia oe nei e lawe i ka palapala, ka mea nana e hoomaopopo mai ia oe i keia mea." Kono aku la au ia ia, "E hele mai iloko o ka hale;" alaila ninau aku la au ia ia; "Heaha kau oihana?" "E, o ka nui o ko'u mau la, ua noho aku la au ma ke kauhale o mea, eono no mile maanei aku nei. Ua hoolima lima au i wahi aina, a hanai iho la i ka bipi, a o iakou no, a me ka'u piele ana mahope o kekahi i loaa ia'u ka mea e pono ai ko'u ohua." "Pehea la ka nui o kou ohua?" "He wahine, ua kahiko loa no, a ua nawaliwali. He mau keikikane elua, a hookahi no kaikamahine. O ka lua o na kaikamahine aloha o'u, ua hala aku nei, mailoko aku o keia ao ino " "Ke manao nei au he aho iki ia." Ae, owau no kekahi e manao nna pela, he meu aloha! Aole no oia i hele ma na aoao pono mamua, e like me kona kaikuaana; aka, ke manao nei au, ua ola kona uhane, i ka olelo ana a kona kaikuaana ia ia, mamua aku o kona make ana. E, he mea pomaikai wale ka loaa nna o ke kaikamaliine e like me ka'u. Mamua, aole au i ma-

nao pono i ko'u uhane, aia olelo mai oia ia'u, a pule mai no'u, a hoike mai hoi ia'u e holo e pakele i ka inaina e kau mai ana." "Ehia ou mau makahiki?" "Ua kokoke kanahiku, a o ka'u wahine he oi aku kona. Ua kahiko maua, a ua kokoke pau ka maua hana. 0 ke kaikamahine a maua, ua haalele la i i kahi maikai ana i noho ai, e hoolima|ima ana, a ua hoi mai i ko makou wahi, e malama mai ia maua, a e hana hoi i ka walu bipi a makou. He kaikamahine hoolohe no, a ua aloha maikai no ia." , "0 kona mau no ia?" "E, aole, i kona wa opiopio, ua lilo wale aku no ia mahope o ko keia ao, o ka lealea, a me ke kapa maikai, a me ka paani pu me na kamalii E! o makou no a pau, ua naaupo loa ia mamua. Ua manao iho la makou, ina i malama makou i na mea o keia ao, a hana hewa ole aku ia hai, ua loaa ia makou ke ola i ka lani. He mau kaikamahine launa ole ka maua, a me maua pu no. aole ike i na aoao o ke Akua, a me kana olelo maikai o ke ola; aka, ua hele aku ke kaikuaana o na kaikamahine. e hana hoolimalima, a i na mnkahiki i hala ae nei, hoolohe no ia i ka pule ma ka hale pule o mea la, na ke kumu e hele ana i kumu na ka poe ma ka panalaau, i hai aku ka olelo. Mai ia manawa mai, ua lilo ia i niea ano hou. Ua heluhelu no ia i ka olelo a ke Akua Ua noho malie, a ua oluolu. I kona hele mua ana mai, e ike ia maua, ua lawe mai no ia i dala gula. O ka uku no ia o kona hooikaika ana mahope o kekahi. Olelo mai la ia. Ua kahiko no olua, a ua ike no au i ko olua nele. Aole au makemake e hoolilo aku i ke dala e kuai ana i ke kapa maikai, e like me a'u i hana'i mamua, i mea e ulu ai ka hookano. a me ka manao lapuwale. I mai la no hoi ia, o kona makemake e aloha aku la i kona mau makua, no ka mea, na Kristo ia i aloha mai. "Pihoihoi iho la maua i kana olelo mai, a makemake loa maua e noho pu me ia, a kamailio pu, no ka inea, ua oluolu loa la, a ua lokomaikai. 0 kona makemake nui e hana maikai mai i na kino, a me na uhnne o maua. Aole like iki me ko maua ike ana'ku ia ia mamua. Nolaila maua, na mea naaupo, hoolohe ole, i manao ai, he oiaio no ka pono ana i malama nai. No ka hoolilo koke ana ia ia i mea hou "0 kona kaikaina, ua akaaka, a nuku aku no ia ia, ia manuwa. I aku la no ia, Ua pupule oe, i kou malama ana i na mea hou nei. Olelo aku la kela, E ke kaikaina, aole! aole au pupule, aka, ke manao aei au ua hoohuliia ko'u

naau mai ke «loha i ua mea ino o keia ao mai, a i ke aioha i ke Akua. 0 ka makemake a ko'u naau, e ike oe e iike me ko'u ike nei i ka hana ana a kou naau e noho nei. "Pane aku U ke knikaina, Aole a'u makemake e lilo oe i kumu hai mai i ka olelo a ke Akua ia'u: Aole no i oi aku ko'u hewa i ko na uiea e ae, a he pono no ka'u.' Olela aku ia o Elitsabeta ia ia, E ke kaikaina, ina aole oe e hoolohe mai ia'u, eia no ka'u mea e hiki ia'u ke hana aku ai nou. E pule aku no au i ke Akua nou me ko'u naau a pau. "E ke kumu, ke manao nei nn, ua hooloheia kana pule. no ka mea, i ka loohia ana o ke kaikaina i ka mai, hele aku no o Elisabeta ma ka hale ana i noho ai, e kokua aku ia ia, a e malama ia ia. Ua olelo nui aku la ia ia ia no kona uhane, a manao ihola no kela me ka mihi a me ka ue nui i kona lawehala ana mai no i kona kaikuaina, i kona lokomaikai aku, nolaila mauao oluolu oia i ia ia a i ko maua hele ana aku e ike ia ia, ua moe aku no ia ma kahi moe ua mai. Hai mai la oia ia mau i i kona hewa e noho ana mamua; aka i mai la ia, O ko'u manao, no ke alohaia inai, ua lilo ke Ola o kuu kaikuaana i Ola no'u, no ka mea, ua ike no au i ko'u hewa, a me ko'u nawaliwali, a makemake no au e hilinai maluna o Kristo, ko'u manaolana, a me ko'u Ola. "E ke kumu e, na hala aku la ia. a ke manao nei hoi au ua hoolohe ke Akua i ka pule, a me ka olelo a kona kaikuaana a ua hoohuli hoi ia i ko ia naau ma ka pono. E aloha mai ko Akua i kona mau makua kekahi." Ua akaka ia'u ke ano o na palapala la i keia olelo ana i a maua, a makemake iho la au e ae aku i kana i nonoi mai ia'u, a ike aku hoi i ka mea nana i palapala mai. Ua ae aku la au i ua kanaka maikai la ka mea hanai bipi, e hele aku no au i ka la Feraide, i ka hora i oleloia mai. A paa i ka maua olelo ana i ua mau mea kaumaha la ona, a me kona manao iho, he!e aku no ia. He wahi elemakule maikai no, a ua akaka kona kahiko ana ma ke kino ona ua paka ka ili o ka maka, ua keokeo ka lauoho, ua o@ ke kua, a ua hele kolo no hoi. I kona hele malie aku hilinai no ia maluna o ke kooko, o kona hoahele palia ia no na makahiki he nui loa; kupu mai la ka manao aloha, poina ole, maloko o'u. I ka manawa i oleloia, hiki aku la au i ka hale pule, a liuliu iho la, kiiia mai au e hele aku i ka pa o ka hale pule, e halawai me ka poe kanu kupapau. A ilaila no ka poe i alohaia. O na makua

kahiko no a o ke keiki kane mua me kona kaikuwahiue a me na hoahanau e ae. ike aku la au ika maka o ka mea nana i palapala mai ia'u, a aloha au, ua oluolu ia, ua haahaa, a ua oiaio ka manao i ka nana 'ku. Ua kauia mai la ma ka maka ona ka hoailonn o ka manao ikaika, me ka hookamani ole, ka oiaio nui, a me ka hauoli ana ma ka pono.

He mea pono no'u e hai aku i kekahi mea i hanaia ma ka pule ana a makou, i ke kanu kupapau. Oia no kekahi mea hoike iloko o na mea he nui wale, no ka maluhia ana mai o ka olelo pule pono io a kakou." He kunaka no kela kauhale ka i hele aku i ka pule, e nana wale aku, a ike wale iho, i kona mea e makemake ai Aohe ona manao ma ka pono, he kanaka hewa no. A hele aku no ia ma ka lua kupapau, ma ka heluhelu ana i ka olelo ilaila, paa mai la i i ole!o iloko o kona naau. ike aku la ia i kona hewa a me kona make. He manao haalele o!e ia ia ia hope mai. Ua ulu no nae. a akaka loa kona huli ana i kanaka no ka Haku. Mai ia hope mai kuhikuhi aku la ia i kela pule kupapau ana i ka manawa i loaa'i ia ia ka manao. No ka lokomaikaiia mai oia, no ka olelo i hoomaopopo ia ia i ka ike ana i ka oiaio maoli. Nolaila ua hoomanaoia mai la la la. Mai poina hoi ia la i ka poe e makemake ana e hoolohe aku i na mooolelo uuku oiaio a ka poe hune. Aole anei i akaka ka pono o ia hana ana a ka Haku: ka i lawe pu mai la ilaila ka mea manao ole, me ka mea malama, ma ia la hookahi no. Ea! ua nui na mea i nalowale ia lakou ka poe i manao ole, i ke alakai ana o ke Akua ia lakou iloko o kana hana ana, me he mea la i paa ai lakou iloko o kona manao hoola, mai kinohi mai. "E! oiaio e wahawaha ana na aia, e hoomana kakou." A pau ka pule ana, olelo iki au me na makua, a me ke kaikamahine. I mai la oia ia'u. E noho ana au kekahi mau hebedoma ma ka hale, kahi i make ai kuu kaikaina, a loaa ia lakou ka wahine hoolimalima, nana e pani i ka hakahaka o ko'u kaikaina. A he hauoli ko'u naau ke halawai pu me oe ilaila, a i ole ia, ma ka hale no o ko'u mau makua i kuu hoi hou ana ilaila. Aole no loihi a hoi aka he mau pule elua

paha. Ke makemake uei au e olelo aku ia oe i ka make ana o kuu kaikaina, oia kau i kanu iho nei. Ua maikai kana olelo ana mai, a me kona maka. I aku la au ia ia, aole liuliu a halawai hou kaua. Alaila hoi mai nei au ma ko'u wahi. I ko'u hoi mai ana, manao iho la au i na mea i hanaia'i ina ke kanu ana o ke kupapau, kahi a'u i pule ai. Ua hoomaikai aku la au ike Akua o ka poe hune, a ua pule aku au i lako iakou iloko o ka manaoio, a i lilo ai hoi ka poe waiwai i poe hune iloko o ka uhane. [Na Richmond, i unhiia e S. W.}