Ke Kiai, Volume I, Number 5, 18 Kepakemapa 1902 — Page 5

KE KIAI, SEPATEMABA 18, 1902  5

KELA A ME KEIA

                Ua hoikeia he lono i ka uuku loa o na pahu aila e a (gasoline) o ke kulanakauhale nei.

                Ma ka noho ana a aka aha niele a na Komisina Amerika, ua nui ka nema ia o na hana a ka Papa Ola.

                He nui na alanui o ke kulanakauhale nei e hana hou ia nei. E hoomakaukauia ana keia no ka manao no i na kuaua o keia mau la aku.

                E ao ia aku ana iloko o na kula a pau o ke Teritori nei na ike e pili ana i na mea ulu. I ka makahiki mua i na kula wale no o Honolulu nei.

                E ku mai ana i Honolulu nei i keia mua koke iho he mau manuwa Geremania. Hookahi o laua ma ke alahele mai o Samoa, a hookahi hoi mai Kina mai.

                Ua loaa pu mai no hoi he mau lono mai Hawaii mai, e hoike ana i ke ohohia nui ole ia o na halawai a ka aoao Home Rula ma ia mokupuni.

                Ke hoomakaukau nei ka aoao Home Rula he halawai nui no ka wae ana i na moho Lunamakaainana ke hoi mai o Mr. Kalauokalani mai Hawaii mai.

                He ahaaina ai poi ka ka Elele a me Mrs. Robert Wilcox i haawi ae no na Komisina Senatoa ma ko laua home i ka po Poalua nei. Lehulehu na makamaka i kono ia.

                Mamuli o ka nui o na hihia pepehi kanaka o keia makahiki, ua lawa ole na keena no ia ano hihia i hookaawaleia ma Kawa, nolaila, ua imi hou ia i mau keena e lawa ai lakou.

                Ua wae ae ka Aha Wae Moho o ka Mokupuni o Kauai i keia mau keonimana malalo nei:—Senetoa S. W. Wilcox; na lunamakaainana, J. Gaudall, E. Knusden, H. Jagger, ame S. Kaili.

                Ua hoomana aku ke aupuni i ka Hui Telepona Standard e hoomoe i na uweaolelo moe moana mawaena o na mokupuni nei, a ma ka aina no hoi. Ua haawi pu ia aku ia lakou na mea a pau no ka pono o keia hana.

                Ma Kalihi Camp ka halawai hoeueu a ka poe Repubalika i ka po Poalua nei, o ke Keikialii Kuhio, Achi, Kaulukou, Vida, McCandless ame S. Kaloa ka poe i haiolelo. Olelo ia mai piha ka mawaho. Mai aka oe.

                Ke ike ia aku nei ka hoihoi ole o na Hawaii o kakou e lilo i poe sela no na moku. He nui na moku i imi ae i poe kanaka Hawaii i poe sela no ia poe moku, aohe no nae he loaa. he kakaikahi o lakou e holo nei ma na mokuahi nunui.

                Ua hiki aku ka huina o na dala i nalowale i ikeia mamuli o ka noii pono ia ana o na buke helu a ke Kakauolelo B. H. Wright o ke Keena Hana o ka Lehulehu e paa mai la i ka halepaaho i ka $8,500. E hookomo ia ana he hoopii hou e kue ana iaia.

                He kau wela oluolu loa keia a puni o Amerika Huipuia. He wa keia iike nui ia’i ma na kulanakauhale, ke kakaikahi loa ana o na kanaka ma na anaina o na luakini, na hale keaka, etc., aka i keia kau, ua ikeia ko lakou piha loa ana.

                Ina oe e makemake i na laau lapaau, e hele ae i ka hale e hana mai ana i ka hana a aka hoaloha ia oe. Hookahi wale no hale oiia ano maanei, oia ka hale o ka Hui Kuai Laau Hobron, ka hale melemele o ke alanui Papu. ka ahle kuai laau lapaau hookahi i noho ona ia e ke keiki i hanau a nui no i Hawaii nei.

                Elua koa i ku i ka poka a ke keiki Hawaii ma Camp McKinley, a ke waiho nei laua ma kahi moe. O ke kumu o ke kiia ana i ka pu, no ke kolohe i ka wahine a ka poe mea wahine. Manao paha keia mau koa ua noa ka wahine a pau na laua e hiki ai ke hana kolohe wale aku.

                Ua malama ia na hana hoike Kula Sabati o ka I’a Hamauleo i ke Sabati i hala iho la ua hiki ae malaila ke Kahu Kula Sabati Nui F. K. Archer ame ka Lunakanawai S. Hookano o ka apana o Ewa a ua ike i na Hana Hoike o na kula i hiki mai Manana, Waiawa, Waikele ame Honouliuli a mahope iho o na hana Ho ke na manao Paipai a ua nui ka hauoli o ke anaina a me na hoa aloha i akoakoa mai a he lulu Dala no kai malama ia a ua loaa no he $11.00.

                O ka Poaono ae nei, oia ka la Kulaia i hooholoia no na heihei waapa a moku paha. Ua hoomakaukau ae nei na Komite ia lakou ka hooponopono ana, a ua paa ka papa hoonohonoho o na hana o ka la. E naue ae kakou i ka uapo e lealea pu ai.

                Ma ka mokuahi o ke ahiahi Poakolu nei i loaa mai ai ka lono ua hookohu mai nei ka Peresidena o Amerika Huipuia ia J. D. De Bolt i Lunakanawai ma kahi o A. S. Humphreys i haalele iho nei. He haole kupono keia a e manao ia e hooko ana oia i ka hana me ke kaulike.

                Ua ike iho makou he leta na J. K. Nahale, Lunamakai o Kailua, ma ka P. C. Advertiser o nehinei, e hooia ana aole oia i haalele i ka aoao kalaiaina Repubalika ma ka la 25 o Augate, 1902, e like me ia i ikeia ma ka leta a Mr. A. Muller i ka nupepa Hilo Tribune. E ole hoi ka puiwa, ua kauia he welu e puiwa ai ka lio ma ke alahele.

                Ua paa ka holo o ke kaa uwila i ke kekake i ke kakahiaka Poakolu nei. E ole e lele maoli ka mea ohi dala a huki i ua poe kekake nei ma kahi e hiki ai i ke kaa uwila ke holo. E kuhi ana makou o ke kekake ka mea nuha i ka auwai, eia ka hoi o ke kaa uwila ka mea nuha i ke kekake. Mai mino aka oe.

                Ua piholo i ke kai o Taruru he Kilipati no Lahaina, Maui. Ua hele pu oia me kona mau kookoolua a i ka loaa ana o ka waa i ka ino ua hoomaka oia e au no ka aina. Ma Pohakupili i loaa ai kona kino make, ma ka la hope o Augate i hala. Ua noho ka aha koronero a ua hooholo ua make oia mamuli o ke piholo ana.

                No ka hooko ole ia o ka makemake o ka Hui Kalaiaina Pukiki, oia hoi ka wae ole ia ana o ka lakou moho i makemake ai nolaila, e hookomo ana no lakou i ka lakou moho e holo i keia Kau holo balota e hiki mai ana, a o ka lakou moho i wae ai oia o J. M. Camara Mekia o Hawaii. Oia kekahi o na opio holomua o ia lahui, a ua holo no oia ma ke ano Demokorata i kela Kau aku nei. Ke manaolana nei makou e koho like ana no na Pukiki apau iaia. Hooikaika ia.