Kuokoa Home Rula, Volume IX, Number 48, 1 Kekemapa 1911 — NA LIMU KAWELEKA I KA MOANA. [ARTICLE]

NA LIMU KAWELEKA I KA MOANA.

E loaa no keia ano limu kaweleka i ka moana ma ka aoao hikina o na mokupuni o Tamaie he kanalima hoi mile ka mamao mai ia mokupuni aku. He wahi keia na na kapena moku e makau loa ai, no ka mea ma o ko keau a pa ka makani e luli pu ana keia mau limu ma kahi e pa mai ai ka makani a i ole ma kahi e ko ai keau. O ka loloa o ka limu ma kahi mokupuni e ulu ia ana e keia limu, ua ike ia ma ke a-ana ana a ka poe holo moana, he elima mile ka loihi ma ka moe hi-o ana o keia ano limu maluna o ka ilikai, a he limu uaua loa hoi e like me ke kaula malina aole e hiki i kekahi moku ke holo aku ma kona wahi e ulu ana, a i na he moku e komo pono ana ma kahi a keia limu e ulu ana, e paa ana oia ma laila a popopo. He moku Farani kai hihia mua i keia ano limu ma ka M.H. 1776, aole oia i hemo a hiki i ka haalele ana o ke Kapena me na luna o ka moku a me ka hana nui i hana ia ai a hemo keia moku. A na ke kapena o keia moku i a-na a huli i na mea pohihihi e pili ana no keia limu, apela i makaʻu ia ai ke alahele e hookokoke aku ana kahi mokupuni e ulu ana o keia limu. O ka hohonu mai ka papa ku ae kahi a keia limu e ulu ana he hookahi tausani kapuai a oi a ua kapa aku lakou na limu "Ka weleka i ka moana." Aui no na hana kupanaha a ka mea Mana Loa