Kuokoa Home Rula, Volume IX, Number 31, 4 ʻAukake 1911 — Kuu aku ka Luhi o kuu Hoa alo i ke anu o ka Aina Hanau. [ARTICLE]

Kuu aku ka Luhi o kuu Hoa alo i ke anu o ka Aina Hanau.

E ka Nupepa Kuokoa Home Rula Aloha kaua — Ua ili hou iho maluna o ko'u hokua ka eehia luuluu o ke kaumaha i ka inoa o D B K Kapu, a e oluolu mai kou lunahooponopono i lumi no ko'u aloha ia keiki hanau o ka aina. Ma ka helu 30 o ka la 28 o kela mahina aku nei i hala au i ike iho ai. Ano ma ia iho ana, ua kulu ka opua. Aohe nao puluelo i ka wai maka a ka papala. A poha ka ula o ko'u pepeiao, a he leo kanikau a hiki iho a ia'u i ai ae ai a nana aku ia Lulupali inoa ole, ua hala ia kamaaina o ka aina e. Aloha no kuu hoa uhai i ka makapepei o ka mea hou o ka aina hanau. Aloha oe e ka Hawaii kuu hoa uhai imi pono karisiano a he mea ole ka loa o ke one o Kealahula a me ka puna o Kalua lauoho, a ke nana aku i ke one makau ea o Mahamoku ia kaua e kuu hoa hoomanawanui e loaa mai la hoi ke aupuni maha mao Iesu Karisto ala, a he mea ka loa o ke kahawai a me na muliwai ia kaua e kuu pokii. Aole au e poina i na hoomanao ana e komo i kela ao ma o, ma olelo kukai no ka pono karistiano a o oe a me a'u kai ike i na mea pohihihi a komo ole no kana i na hooikaika ana e kuu kaikaina, o ka ua wa i ka uka Maunahina, aloha ia uka a kaua e hele ai. O kuu hoa lea i na luana o ke one o Hoohihila, kau aku ka manao o ka puna o Kalualaoho, a hoomaha a nana aku ke one makauea pua rose o Mahamoku ua na o ia mau limu pehu o manu akepa ia kaua. Ano e keia leo hanehane i hiki mai mao ka inoa huna o Lehua o Luluupali o ku la 18 o lulai Aloha oe e ke keiki huki palai o ka aina. Ke uwe kui palua nei ke kai o Hanakaipo a me ke kai umipuhi o Kepuhi-e, aia la o ka lae hala o Kamalama ke peahi mai la i ke kino wailua o kuu kaikaina, a naue kaua e ike i ka pua uki, pua o ka neki e apo ia ana e ke anu o Wainiha. Aloha ka wai kau lea o Kanaloa i pehelehala hala oe e ka pokii a nalo. Ka uahi mahu noe o Makaweo, pau kou ike hou ana i a wai owe malie o ka aina hanau. Kuu ka luhi, a ma o aku e hooponopono ai. Ano ka la nui o ka makua mana lani kiekie, haalele i ka hoa pili la he wahine, na kue wa ka noho ana o ka hale me ka waimaka. Aohe he wa ua elemakule, uhi e no ke kulua mamaki o ka aina, aloha oe e kalua, a me ka wahine i hoonele ia i ka hoa pili he kane a me na ohana o kaua e

noho aku ana nou e ka mea aloha. Me keia mau manao, ke haawi ae nei au i ko'u aloha i na lunahooponopono a me na keiki hoonoho hua kepau o ke Kuokoa Home Rula. THOS C P PEIHO, No 1628 Fort Honolulu, lulai 31, 1911