Kuokoa Home Rula, Volume IX, Number 29, 21 July 1911 — Ohi Hapuku ka I'a o Kapaau [ARTICLE]

Ohi Hapuku ka I'a o Kapaau

Oiai makou he wahaolelo no ka lehulehu a mamuli o ko makou halawai ana mai me na hoike a ke komite a na lunakiai i koho ai i mea noii, huli i ka uku palua ia o na limahana ma ka ka la hoomaemae Kulanakauhale o Hono lulu nei, a na ia komite i hoike ae, aia he 18 poe limahana i uku palua ia ma ia la. Ua uku ia keia poe ma na lilo o ka lehulehu mao ke Kalana la, a ua uku hou ia mai no keia poe e na komite ia lakou na hoolilo o keia kulanakauhale mamuli o na dala a poe waiwai a kuonoono i lulu mai ai no na hoolilo oia la. Ina aole keia poe e hana pela ka holohele e noi hou i hana i na la ua ohiia ae hoi he poe hou ma ia wahi, alaila, ua hooi ia aku ka hana hoomaemae ia la mamua o ka mea i hana ia a ikeia ma ia la. Kanawai ola no keia poe i ke kanawai, he hana apuka ia hana i hana ia, ina nae e manao ia ana e hoopii ia, aka aole nae o makou makemake e hana pela, nolaila, ke a'o aku kei ka Nupepa Home Rula, mai hoomahui hou aku ia hana o poino auanei, no ka mea, ke a'o mai nei o Iakopo penei: "E ka punahale mai hoomahui i ka hewa, aka, i ka pono no."