Kuokoa Home Rula, Volume VII, Number 40, 1 ʻOkakopa 1909 — Hala ma kela Ao. [ARTICLE]

Hala ma kela Ao.

E ka Lunahooponopono o ka Hiwahiwa a ka Lahui, ka Nupepa Kuokoa Home Rula, ka Haku D Kalauokalani Sr. ame kou mau lunahooko kauoha, na keiki lawelawe nohoi apau o ka oneki o ka moku lawekauoha au e noho Adimarala nei, Adeosa kaua a nui: —E ae mai oe no'u kaawale o na kolamu o ka kaua Hiwahiwa; i loaa ka mea nana e ahai aku me ka mama i ka lohe i na kini makamaka ame na hoaloha no apau o Senatoa Samuel Eparaima Kaiua, e noho mai la

mai Hawaii nui moku o Keawe, a Kauai o Manokalanipo. Ma ka Poakolu la 1 o Sept nei, M H 1909, a ma ka hora 5 ame 25 minute P.M. i a ili ae ai ke aho hope loa o Senatoa S.E. Kaiue ma ko laua Homo ponoi imua o kana wahine Mrs. M.H. Kaiue ame kana aikane aloha Mr. C.L. Kookoo, Mr. ame Mrs. Wm. Mahu, ame kekahi o kona mau hoaloha e ku poai ana ma ka aoao o ka moe, oia no o Senatoa W.L. Robinson, ka mea mahalo ia Hon. A.N. Kepoikai, Hon. J.W. Kalua, ame M.K. Keohokalole. A ma ka hora 3 me 45 minute, o ka Poaha la 2 ae, i maneleia ai kona kino no ka Luakini o Kaahumanu, ma o ka maluma ana a na Kahu Ekaresia e 3, oia o Rev. Kaumeheiwa, Rev. Dodge ame Rev. Nu, a malaila aku no ka Pa Ilina no ka waiho ana'ku iaia no kahi ma@ o kino, i olelo ia e kali ana i ka leo o ka Pu a ke alii Anela, no ke ala hou ana mai. Ua hanauia o Senatoa S. E. Kaiue, ma Kapualei, Kamalo, Molokai Kalana o Maui, Teretore o Hawaii, ma ka la e 1 o Aperila. M.H. 1855, mai ka puhaka mai o D.W. Kaiue ame Mrs. Kanahola Kaiue, a oia no

ka hiapo a he 12 pokii mahope mai ona. A i kona hala ana aku la, he hookahi wale no i koe o keia 13 e ola nei, oia no ka helu e 7 o na keiki ma ka hanau ana, he w, oia no o Mrs. Emaria K. Hepenuia, aia ma Pauoa, Honolulu, Kalana o Oahu. Ua hoonaauaoia oia ma ke kula apana o Kaluaaha, i ka wa e noho Kahu Ekalesia ana o Polepe Makua, no ka Ekalesia o Kaluaaha, ma Molokai, iloko o kona mau la opio, a ma ka M.H. 1863, ua holo oia no Honolulu, a hoomau hou aku la i ka huli ana i ka naauao, ma ke kula hele la a'o olelo Beritania a Mr. Enoka Kalauao, ma Kaumakapili mua loa, a oia hoi ka wa o kou mea kakau nei i lilo ai i hoaloha nona a hala wale aku la oia. Ua hoomau aku oia i ka hele ana ma ke kula a hiki ma ka M.H. 1865, a me kela M.H. ua komo hou aku oia ma ka Hale Kula Alii o Kahehuna, ua noho ma [ke] kula me ka huli hoomanawanui

i ka ike ame ka naauao. A ma ka M.H. 1866 a i ole 67, i ka wa i lilo ai ke Kula Hoopololei o Keoneula, malalo o ka noho Kumu Poo Nui ana a Paleka Makua ka luaui makuakane o ke kahu o Kawaihao, a o Hon. S.K. Mahoe a me Mrs. Mahoe na Hope Kumu, ua noho pu o S.E. Kaiue ma laua, a ua noho haumana no hoi malalo o K@@@ ka Paleka makua kaikamahine muli loa, a kaikuahine hoi o Paleka kahunapule e ola nei no kekahi mau makahiki ma ka

A.D. 1870, hoi hou i ke kula alii o Kahehuna no elua makahiki, a ma ka A.D. 1873 hoi i ke kula o Haleakala, Maui, a ma ka hapa hope o ka A.D. 1876, ua puka mai la oia a hoi aku la i Lahaina e noho pu ai me ka Hon. L. Aholo. Malaila oia i hoomaka ai e lawelawe i na hana like o kela ame keia ano, a noho kakauolelo no ka aha hookolokolo ame ka malama buke no ke keena malalo o Hon. L. Aholo, a lawelawe oihana loio no Lahaina, a mahope mai lilo i Luna Auhau a Luna Helu no ka Apana o Lahaina no kahi mau makahiki, pau ia noho Kakauolelo na ka Lunakanawai Kaapuni o na mokupuni Huiia o Maui; oia o Aberahama. Mahope mai hookohu ia i Kakauolelo na ke Kiaaina Keoni Kamaki no ka Apana o Lahaina, i ka Hoapili noho ana mai i Kiaaina no ka mokupuni o Maui ma kahi o Keoni Kamaki ua hookohu mai la no oia ia Kaiue i kakauolelo nana a i Hope Kiaaina, ua noho oia ma ia mau kulana no kekahi mau makahiki. Mahope mai ua waiho iho la oia i keia mau hana a hoi aku la no Honolulu e noho hoohala mahawa ai me kona luaui makuahine. Iaia i Honolulu ua kauoha aku la o S.W. Hookano ka Luna Auhau o ka Apana o Ewa i kokua nona, nolaila hoi oia a noho hana me ia no kekahi mau makahiki. I ka wa o ke kaua mua loa a R.W. Wilikoki i kaulana ai kela mele: Ua kohu Anela a o Wilikoki, I ke ku kilakila i halealii. O Kaiue pu kekahi iloko oia kaua a Wilikoki me na pu ki manu ai raiki. Mahope mai oia mau la ua hoi mai la oia a noho paa ma Kalua kai Apana o Wailuku, Maui, a hiki wale i kona hala ana aku la. Aole i pau E hoo@@@@: o kela wai Ua i kapaia he WAILANI oia ka Nani o ka Ho@@. Eia mai no Oia me ka ohuohu mau o Kana papaaina ke paneeia 'ku nei.