Kuokoa Home Rula, Volume VII, Number 30, 23 July 1909 — MAHAE LUA NA JIURE [ARTICLE]

MAHAE LUA NA JIURE

O ke kumu, a i ole, o ke kahun. e pono ai ka loaa ana o kekahi olelo hooholo maopopo a ke jiure ma kekahi hihia i waihoia na lakou e hoolohe a e noonoo, o ia no na mea hoike i waihoia mai imua o lakou, e hui pu ana me na olelo hoakaka a alakai pili kanawai ana a ka Aha. O keia no kahi eku ai ke kuleana mahae lua o na jiure. Aka, ina ua ku ka lakou olelo hooholo, a o ko lakou mahae lua ana paha, mamuli o ko lakou kapae maopopo ana i na oleloao a ka Aha ame ka olelo hoike, a lawe ae lakou, a o kahi puulu paha o lakou i kahua okoa loa mawaho ae o ia mau maawe elua, alaila, ua kapae maopopo lakou i ka oleloaoa ka Aha ame ka olelo hoikepili i ka hihia.

Ua loheia a ua laulaha ae maloko nei o ke kulanakauhale, o ke kumu nui i hoopaakiki ai kekahi poe jiure ma ka aoao| hookuu i na lapana hoohaunaele 0 Waipahu, mamuli ia oko lakou manao ana, ua loaa he hoola makapehu nui i na poe limahana o loko nei o ke kulanakauhale i nele hana, mamuli o keia olohani ana ona paahana Kepani. Malia paha; he oiaio no ia manao. Aka, he manao nae ia i kue loa i ka uhane oiaio o ko lakou wae ia ana i poe na lakou e imi i ka hewa ame ka hewa ole o na poe hoopiiia, ma o ke Kanawai la ame ka olelo hoike; a he wawahi maopopo maoli ana no ia i ke kahua laahia i ku ai ka oihāna . Ipokolokolo jiurc. A ipa hoi, u? paa no na jiure eono ma ka aoao hookuu /io ko lakou ike moakaka lea ana, aole 1 pili ka hewa i na poe i hoopiiia elike me ke kanawai ame ka olelo hoike i waihoia mai imua o lakou, aiaila, ua hala ole lakou.

O ka makou i makemake ai, o ia ko na jiure Hawaii hooko

pono ana i ke kaona o kela mau mapuna olelo i hoikeia malalo iho o ke Kii o Lunakanawai Li, e kau nei maloko o ke Keena hookolokolo ma Aliiolani Hale, oia Jioi; "O ka Pono ke hanaia a haule mai na Lani," Aole nana i ka hanohano, ka ikaika, ka waiwai o kahi kanaka a hoopakele aku iaia.mai na lima" aku o ke Kaaawai e kiai makaala ana ika maluhia o ka waiwai, ka home ame ka noho Kuokoa ana o ke Kanaka.