Kuokoa Home Rula, Volume VII, Number 27, 2 July 1909 — KA HOME RULA KA HOEUEU. [ARTICLE]

KA HOME RULA KA HOEUEU.

Ma na kau koho balota apau o kakou i hala aku nei, e hoomaka ana no mai ke au mai i loaa ai i ka aoao Kuokoa Home Rula ke koho balota lanakila ana i ka Elele Lahui i Wasinetona ame ka hapanui o na Senatoa ame na Lunamakaainana. Ua lilo ka aoao Home Rula i kumu hoeueu ikaika no ka lapaau ?.na e hoolaia ai ka ma'i lepera, a e hookuuia hoi ka poe ma'i lepera ole mai ke kahua ma'i lepera mai ma Molokai. Ua paio mau ka Aoao Kalaiama Oiwi o Hawaii, oia ka Home Rula, e nana pono~ia na poe ma'i o ke kahua ma'i lepera, a, ina ikēia ka poe i pau ko lakou lepera, a 1 ole, aole no paha he lepera, alaila, e hookuuia kela poe mailoko niai o ko lakou noho pio ana. Ja komohia keia Aoao Kalaiama iloko o na hakoko ana me ka Papa Ola e npho Peresidena ia ana e Pikenahama, e aeia o Walaka e la.paau i na ma'i lepera ma Molokai. Iloko hoi o na haiolelo akea a na alakai o keia aoao, ua hoakaka nui ia ka mea e pih ana 1 ke Kanawai Ma'i Lepera 1 hoololiia iho nei, ma ke ano pili i ka lepera io ame ka lepera i'o ole. Ua lilo keia mau hoeueu ikailea ana aka Home Rula i kumu oolea e hoalaia ai ka noonoo ana iloko o na poo aupuni he mea pono io ke lawelaweia kekahi keehina e hookoia ai keia mau koi hoomano ana a ka aoao Kalaiaina Home Rula. Ua kakooia nohoi keia manao hoeueu aka Home Rula e ka olelo hooholo a Senatoa Wawe, a pela nohoi ka Lunamakaainana Kamanoulu._ A o ka hopena maopopo o keia mau hoeueu ana a ka Home Rula, oia ka hookuuia ana mai o kekahi poe ma'i lepera mai Molokai mai. Ua like keia poe me ka poe i make aua ola hou mai. Ua maopopo loa ia makou, ina aole i ku ka Aoao Home Rula e paio me ka ikaika ame ka hoomaha ole, aole loa e hoea mai keia hopena pomaikai i keia poe. Aole anei o Wilikoki Home Rula ka mea nana 1 kanu i ka anoano o ke kukuluia ana ona halema'i lepera malalo o na lawelawe ana a ke aupuni makua, a ku 10 nohoi ua kaiua lapaau a huli ano ma'i lepera la maKalawao i keiawa; a, oia hoeueu ana nae a ua Hiwahiwa mua nei a ka Lahui, va lilo īa ī mea maku-koae loa la ena alakai Repubalika me Demokarata oia mau la. Ua na olohe kalaiaina oka aoao Repubali_ka, e hoihoi ia mai ana na ma'i lepera o Pilepine ia nei, a e lilo ana hoi ka Panalaau o Kalawao i wahi hoolueia mai e na poe ma'i lepera mai na mokuaina lehulehu mai o Amenke Huipuia. Ua hala o Wi—likoki i ka make, a ua ala ae la maluna ae o ka honua' pae <aina i waiho ai kona mau iwi, ka h'alema'i lepera Federala ana i lulu mua ai i ka anoano. Ua kupinai hoi na leo o na alakai Home Rula mai ka hikina a ka La a ke komohana a ka La, e noii pono ia na poe ma'i lepera ole e noho ana ma ke kahua ma'i lepera ma Molokai; a ina e loaa ka poe oia ano, e pono lakou e hookuuia me ka lanakila. He mea oiaio, ua hookoia nei ypu ana a ka Home Rulaj a e hookoia aku ana no.