Kuokoa Home Rula, Volume VII, Number 6, 5 Pepeluali 1909 — Na Anela Alii o ka Makani Ame ka Malamalama. [ARTICLE]
Na Anela Alii o ka Makani Ame ka Malamalama.
Ma ka hoakaka a na kahuna Hebera, he eha mau anela kiekie loa na lakou e hoomalu jjei i na makanl e pa ana 1 ke kakahiaka, ike ahiahi, i ke aumoe ame ke awakea O Mikaele, ka anela iaia ka hoomalu ana 1 makani o ke kakahiaka; a Rapaela, ka anela īaia ka rula ana i na makani o ke ahiahi; o Gaberiela, ka mea lioomalu i na makani o ke aumoe, a o Unela, ka' mea hoomalu i na makani o ke awakea. 0 Gaberiela, ke alii anela nana e rula nei ka Mahina; o Mikaela, ka anela nana e hooponopono nei i ka hokuhele Ukali (Mercury); oHaniela, kfi anela nana e rula nei o Venusa (Hoku Loa); o Rapaela, ke aln anela o ka La (Sun); Camaela, ka anela iaia ka hoomalu ana ia _ Mars (Polowehilani) o Zadkiela, ka anela nana e' rula '6 Jupiter (Kauopae); a o Zaphiel, ka ānela nana e rula o Saturn (Mtkalii,) wahi a na ludaio.