Kuokoa Home Rula, Volume VII, Number 1, 1 January 1909 — He Moolelo O ALAMIRA. Ka Ui Hapa Paniolo o Sepania. [ARTICLE]

He Moolelo O ALAMIRA.

Ka Ui Hapa Paniolo o Sepania.

MOKUNA XVI K.\ I'IHO XII M A īiAHA.NA— Kl'l! IIOAI'IM, AUIIK Ah Nil - SA MDKlKAl'i\ AI'PL'NI —Kk KAUA MOINA KAMAIIAO E ke Kauna maikai—Heaha keia pilikia? O! O ! ! "Mai hai mai oe ia'u, ua loohia kuu kaikoeke aloha ikēkahi pilikia, a pela hoi kana kane, kuu kaikunane, a o kona hoaloha uiaio nohoi i ka pilikia. "He mea oiaio, he moeuhane ano e loa no ka'u i ka po nei no laua. "Ano, e Elemia maikai, e hai mai oe: Heaha keia pilikia i l:au iho maluna o kakou, elike me ka hoike a kou mau helehelena? " "E kuu kaikuahine maikai—e kuu Valeria —e ! "A i kela wa i hiolo iho ai na waimaka ma na-papa-lina o ua Haku opio Elemia nei, t alaila, hoomau aku la oia i ke kamaiiio ana." "A hoea mai i keia wa, aole loa makou i halawai iki me kou kaikunane, ke Kauna Walaka, aole hoi me kou kaikoeke, ke Kauna wahine Alamira Alavareza. Eia no paha laua iloko o ko laua mau keena; aole pKiha. Aohe mea hookahi o makou i ilee, a oia ke kumu o ko'u hiki mai imua ou ame na makua o kakou. "Pehea! Ua nalowale anei kuu kaikunane aloha, o Walaka? Ua nalowale aku nei kuu pokii kaikaina a kaikoeke hoi o Alamira maloko o na lima oke aloha ole ? Wahi a Lede Valeria i ninau mai aj i ke Kauna Opio Elemia me ke pihoihoi nui. I kela wa nohoi i ku ae ai ka Haku Robata ame kana wahine iluna a hele mai la ma kahi a Valeria ame Kauna Elemia e ku ana, a hoomaopopo hou mai la i na olelo a Kauna Elemia i olelo mai ai. Ua hoike aku la nohoi ua Kauna Opio nei i na mea apau e pili ana ika ike ole īa ana o Walaka ame Alamira ma ia kakahiaka. Hoike aku la nohoi ua Kauna opio nei, aia no na pani puka ona rumi o Walaka ame Alamira ke paa la no. I keia wa i haalele iho ai ke Kauna Robata me kana wahine ame ka laua kaikamahine, e ukaliia ana hoi e Kauna Elemia, a hele aku la lakou no ke keena o Walaka ame Alamira. Ia lakou i hoea aku ai ma ia mau keena, ua lehuleliu loa ka poe i akoakoa ae ma ia wahj; a mawaena oia poe o Konela Kaleroe kekahi. Malalo hoi o na kauoha a ua Haku Robata nei, ua weheia aku la na pani puka o na keena moe o ke Kauna

Walaka ame kana wahine; a ia wa i ike aku ai na mea apau, aohe i moe ia na moe oloko o ua 'mau keena la; j oia mau no ka hanaia ana o na uhi moe ; na kihei ame na mea hoonani apau. Ua Iho Keia nalowale ano a ana o Leele Alamira ame kana kane i mea e hookaumaha loa ia ai na noonoo 0 na mea apau. A ua hooi loa ia aku hoi keia uluku ma o ko lakou hoomaopopo ana o ka Nubia Pablo kekahi 1 naloWale. Hookahi no manao nui i hooholoia ae mawaena o keia puulū kanaka e ku nei mawaho iho o na keena o Lede Alamira ma, a oia ko lakou hooholo ana, ua lilo laua iloko o na lima o ko laua mau enemi; a ua mau enemi la, oia alahele hookahi no i nalowale aku ai o Pablo; ka Nubia. Oiai ke anaina e ku ana me ka piha pioo o ko lakou mau noonoo apau i ka wa i hoea mai ai imua o lakou ke kanaka malama ululaau oloko o ka hotele nei, a hoik& mai la i ka loaa ana o kekahi hainaka ame kekahi mi-kini-lima maloko o ka ululaaa. I ka nana īa ana iho o ka mikini-lima, ikeia ilio la na hua kumu W. S. } a ma ka hainaka hoi, na huapalapala A. A. 0 ka mua o na huapulapala, no Walaka o SutawoIeda; a o ka Iua o m. huapalapala, no Alamira Alavareza. Hoike mai la ua kanaka malama ululaau nei, o kahi i loaa ai ka hainaka ame_ka mikini-lima he wahi okoa no ia. He okoa ko ka hainaka, a he okoa nohoi ko ka mi-kini-lima. O ka hainaka ka mua i loaa iaia ma ka huli hikma o ke alanui hele oloko o ka ululaau; o ka mikini-lima hoi ma ka aoao komohana o ka ululaau. Aia na moali kapuai wawae lehulehu loa ma na aoao elua o ke alanui, ka aoao hikina ame ka aoao komohana. A ma ka hoomaopopo ana aku i ke ano o keia mau kapuai, me he mea Ia, ua komo ■ poe no lakou ia mau kapuai iloko o l".;kahi kupa'oa : * i loa ana mawaena o lakou iho, wahi a ke kanak: malama ululaau i pane mai ai. Ua maopopo loa iho la ina mea apau, ua lilo io no o Kauna Walaka ame kana wahine i na poe powa. A x ma ia wa hookahi no i ulu mai ai na noonoo ana o na makua,, ke kaikuahine nohoi o Kauna Walaka ame ka tj lehulehu\ apau, aole mau powa nui e ae nalaua i lawelawe keia hana puuwai eleele; aka, o Koromaka no ia ame kona kaikuahine, o Siela, I ka puka ana ae o na nupepa puka la oia auina la, ua laulaha koke ae,la ka bno kaumaha a ku i ka inainaia e ka poe kulana hanohano apau o Ladana, no keia aihue a kaili malu ia ana o Kau na Walaka ame kana wahine. Ua ike iho la ka Adimsrala nui o na aumpkukaua o Pelekane no keia pilikia; a ua haawi ae oia i ke kauoha i kekahi mōkukaua e holo e huli ma ka moana no kekahi moku a mau moku paha e lawe ana i na hae ano e, a mau hae paha q k.ekahi ano e ae. Ua hoounaia aku la nohoi he mau pualikoa kuikawa e nee koke aku ma na wahi apau o Enelani, o na ululaau ame na kauhale kuwaho apau o ka aina, no ka hakilo pono ana i na poe puuwai eleele na lakou i aihue malu ia Kauna Walaka ame kana wahine mailoko aku o ke kulanakauhale o Ladana. 0 na hoaloha nohoi kekahi o Kauna Walaka ame kana wahine i hoakoakoa ae ia lakou-iho a hooholo iho la e hele aku lakou e huli i na hoaloha o lakou ma ke kai a ma ka aina. Aole i pau