Kuokoa Home Rula, Volume VI, Number 45, 6 November 1908 — Na Kanawai e Hooholoia ana i Keia Kau Ahaolelo. [ARTICLE]

Na Kanawai e Hooholoia ana i Keia Kau Ahaolelo.

Ua hooia maopopoia mai ia makou e kekahi mau alakai ona Aoao ,Repubalika me Demokarata, aohe kanalua ana, a noho mai keia Ahaolelo ae, e hooholoia ana na Kanawai; ame na kumuhana a makou e hoike aku nei: 1. Ke Kanawai e ae ana i ka Papa Hoonaauao e hookohu i kekahi kauka no ka nana ana i na haumana kula ina paha ua loaa lakou i ka mai lepera, ka hano, ka hokii, a pela abu. Ake kanalua ole nei makou o Mr. A. S. Kaleiopu ana no ka luaui nana e lawe mai ana i keia bila, oiai o ka makuakane no ia o ūa bila nei i" kela kau Ahaolelo aku nei. 2. Ke kanawai e kukulu ana ina halemai e houluuluia aku ai na poe i hoohuoiia, na keiki ame na makua", he mai lepera ko lakou, ma kela ame keia mokupuni. O ke kanawai keia, ohi ka akau, hapuku ka. hema! Ohi pau hoi kau a koe aku oka i'a o Kapaau! Aloha no! Aole nae no ka Home Rula ia hewa. 3. E holo ana 'ke kaiiawai. palaimia (primary) no k:e koho halola, da ke kanawai koho a wae i na moho holo balota. Oka mea nui o kana dala ma keia ano kanawai paiamaia, lilo ia i moho; o kahi mea poko'u o kahi kakai oiai nae he hoopono oia a he naa'uao, haule ia'i ka hope waa. . He ui paha keīa la? 4. E noiia mai ana ka Ahaolelo e hookaawale i haawina dala no na lilo o.ka holo ana .mai o ke Komisina Hoopaelimahana o Amerika i Hawaii nei. Pua ka uwahi oka laka-heke i na limahana Europa a haulani mai i Ha■waii nei. Ola ka lahui! He nui aku no na mea i koe; a e hoopuka aku arta no makou ia mau mea ma keia hope aku.