Kuokoa Home Rula, Volume VI, Number 33, 14 ʻAukake 1908 — Haunaele ke Kalapu Demokarata. [ARTICLE]

Haunaele ke Kalapu Demokarata.

Ika Nupepa Kuokoa Home Rula, ka Lunahoopc«iopono ame na Keiki o ka Papa-pa'i; Aloha no: — E oluolu mai kou ahonui e.kuu ahailono mama, e lawe, hele aku ma na kaiaulu aloha o kaua, e ike mai na kini lehulehu i keia hana: Ma ka la 4 o Aūgate 1908, hora 4 p.m. Ua weheia ka Pahu Balota no, ke koho ana i na Luna nui o ke Kalapu i kulike ai me ka makemake o ka rula alakai, a oiai ma ka k2B o July i waihoia ai na inoa ona-moho. He maikai no na koho ana mai mua mai, e hoomaka ana inai ka Peresidena a hiki aku i na Lunakanawai, a i ka hiki ana i ka manawa e koho ia ai ka mea e noho i ka Pahu Balota ke hiki aku i Nov. oiai ekolu inoa, ka mea kakau, Mr J. Ilihia J. T. Unea, o ka manawa ia aka Peresidena i hapai mai ai i ke kumuhana, e waihoia ke'koho ana i keia mau inoa na ka aha kuwaena. Ua kue aku ka mea kakau, oiai aole o lakou kuleana koho, o na lala o ke Kalapu ka mea kuleana, a i ka wa e waiho ia,, aku ai o ka inoa i puka, a ua ike ka Aha Kuwaena he kanaka i hana i ke karaima a ua pau kona pono kivila; he kuleana i ka Aha Kuwaena ke hoole. He mēa ole.nae na alakai naauao ana. Ua kakoo nui ke kakauolelo i ka hana a ka Peresidena, ua noi mai kekahi lala e ninau i na ae me na hoole, ua kue ka mea kakau, na ka Pahu e hoike mai ika mea i kohoia no ia noho. Ua rula mai ka Peresidena e hookomo ia kela mau inoa i ka Pahu Balota, ua kue ka mea kakau a hiki imua o ka pahu, hopu kino mai ka Peresidena mē ke Kakauolelo a llakai ia'u iwaho a kipaku loa ia'u e helq me ke kapa mai he kanaka ona. Na ka lehulehu e kaupaona, owai o makou kai pololei? Kou Oiaio, ;S. K.- Maialoha. Kalawao, Molokai, Augate 7, 1908.