Kuokoa Home Rula, Volume VI, Number 33, 14 August 1908 — Mai Kapalakiko mai ke One. [ARTICLE]
Mai Kapalakiko mai ke One.
Mamuli o ka ikeia ana o ke kupono ole o ko Puuloa one ame ko Honolulu nei nohoi i mea hana no na papu kaua pale kahakai a Kaahupahau laua o Kahi'u-ka, ma o ka nui loa o na apana-pana pupu ooi, e hiki ole ai ke paa maikai ka papu, nolaila, ua mano ae la na poe kapili puna e hoouna loa i ke kauoha i ko Kapalakiko poe malama one no ka hoolako ana mai i 75,000 tona one maikai. He mau hoolilo nui hewahewa keia ma ka aoao o ka poe ia lakou ke aelike hana, aka nae, o ka paa me ka maikai e hiki ai ke poino ole i na poka a ka enemi, oia ka mea i makemake nui ia. O na poe hoi hana no ua mau papu 'la, me na pepa hoopihapiha wale no e ae ia ai, ma ka poe ike hana ka nana nui ia, a koe ka poe ike ole. I keia wa, ke hookapuia nei na poe hele ma na wahi o na papu me ka palapala ae ole. No guru hanahana!