Kuokoa Home Rula, Volume VI, Number 31, 31 July 1908 — Po'i Hou no ke kai a Kahulumanu ia Kepoikai [ARTICLE]

Po'i Hou no ke kai a Kahulumanu ia Kepoikai

Ua hoolahaia ae nei e kekahi mau nupepa namu o Ho~ nolulu nei, he lōno ano nui lōa, mai ka mōkupuni mai o Maui; a ua lilo keia lono i hoolahaia ae i mea hoopioo ae i na noonoo o na hoaloha ame na makamaka o ka mea i hookaulanaia ae ma ia manao. Ō ka moolelo ano nui e pili ana i keia a makou i hoaiaiia ae la, oia keia: Ma ka Ia 15 o Augate, M. H. 1905 i hala, ua aie aku la o Lunakanawai. Kepoikai o Maui, i $1000.00 ia Edward Krueger, ke Kahu malama o 'Umi ame Matsu Mori, he mau keiki oo ole, no ka manawa o ekolu makahiki, ma ka uku panee hoi o 7 keneta maluna o ke dala, no ka makahiki hookahi. Ua hoopaaia keia mau dala ma kekahi nota i hanaia ma ia la no. O T. Mori, he "Kepani'' malama halekuai no Kohala, Hawaii, ka mea nana kekahi koi poho pauahi, nona ka huina o $2700. Ua make'ua Kepāni la ika makahiki 1901, a mahope mai ua uku ia aku la keU huina dala e ke aupuni- Uakauoha ke Kanikela īapana Hon. Miki Saito ia ' Atkinson, Judd ame Mott Smith i poe loio no ka hookohu ia ana o kekahi Kahu malana waiwai no na keiki oo ole a ka mea i make. Oke Kahu ona keiki oo ole, i noi ia aku ai ka Aha e na loio no ka hookohu aha mai, oia o Loio D. H. Case, a e lilo pu nohoi oia i • lunahooponopono no ka mea i make; aka ua hoole ka Aha ma o Lunakanawai Kepoikai la i ko D. H. Case lilo ana i Kahu no na keiki oo ole a i lunahooponopono hoi no ka waiwai o ka mea i make; aka, ua hookohu aku la ka Aha ia Mr. E. Krueger. Ama ka la 17 o lanuari, 1905, waiho aku la o Mr. Kmpgpr i kana hoike imua o ka Aha. A ma.ka la 7 o lulai, 1905, ua hoihoi aku la o lflr. Krueger i ka huina o $2700 iloko o ka Aha, ma ka bila kikoo dala. i hanaia ma ka inoa o E. H. Jiart, Kakauolelo' o ka Aha.' Uawaihoia keia mau daia maloko o ka Banako Lahui Mua (First Natidnal Bank) ma Wailuku, a ma ka la 15 o Augate mai, ua aie ia he $1000 e Lunakanawai Kepoikai, Ria o ka NoCa Aie Ia ikakau kua ole ia e kekahi mea, aole nohoi i hoopaaia ua nota la ma o kekahi waiwai' paa la, a waiwai iewa kupono e ae paha. Ua hoomaopopoia ae, ua noii aku nei ke Kiaaina nq keia hana i lawelaweia e ka Luna-kanawai Kaapuni o Maui.