Ko Hawaii Pae Aina, Volume XIII, Number 18, 3 May 1890 — KA LAWAIA ANA ME KA UWILA [ARTICLE]

KA LAWAIA ANA ME KA UWILA

Ua eo i ka Pae Aina ka hoaiai ana aku i kona poe lehulehu i keia ano lawaia kupanaha ana o keia au holomua o Hawaii nei iloko o na hookele ana a ke Au Hoomaemae Aupuni. O na mea paahana e hoohana ia ai o ka uwila ua uwiki a me na ihoiho ka upena e hoopuni ai, ua loaa mua mai ia Kimo Ona Miliona he manawa i hala ae nei. A ma ka po Poakolu a ao ae Poaha ua hoao ia iho la ua mea lawaia kupanaha la. Ua hoomakaukau ia ka waapa o ke Pailata Makinikaea e holo aku la a mawaho ao o ka hale ipukukui wa hookuu ia iho la he iwa kalua paha mau ihoiho iloko o ke kai a ua hoohanaia ka uwila, a i ka wa o

na i'a i ike mai ai i ka uwila, ua pohai koke mai la na i'a i kuhi o ka malamalama, a ia wa i hoao ai na lawaia e hoopuni i ka upena, a no ka pioloke a me ka hopuhopu alulu i hui pu ia me ka maa ole o ka poe nana e hoao ana e hoohei ua pa wale na ia. Aka e hoao mau ia aku ana no a hiki i ka holo pono ana o ia mea. He ano lawaia maalahi loa keia, wahi a ka oleloia a aohe ka e pulu i ke kai na poe lawaia. Pomaikai kakou ke laha nui, nei ano lawaia.