Ko Hawaii Pae Aina, Volume X, Number 1, 1 January 1887 — KA HOKU ALAKAI O NA MAGOI. [ARTICLE]
KA HOKU ALAKAI O NA MAGOI.
O kela hoku nana i alakai ua Magoi o ka aina Hikina no kahi o ka Hoola i waiho ai, ma ka aina o Iudea i Betelehema, e hoea hou mai ana oia i keia makahiki ae. O na hikimua no kona hoea ana, (wahi a ka poe na lakou, i palau mai) oia ka pouli, piha ana o ka la a me ka mahina. Ua oleloia he malamalama kona i oi aku i ko Iupita, a o keia no hoi kona hoea ana i oi aku o ka nani i ko na wa e ae i ike ia ai oia. E ikeia ana oia i ke ao a me ka po iloko o 1887 aenei, a mai kona ike ia ana i keia wa e emi liilii aku ai kona malamalama a hiki i ka nalowale ana, Aole e ike hou ia keia hoku a hala na makahiki 315 mai keia ike ia ana. E nana aku hoi kakou i keia makahiki ae, i ka pololei o keia kilokilo ana, a ina e ike ia, alaila he mea hou ia, ua ikeia ka hoku nana i hoike mai ua hanau ka Hoola o keao holookoa.