Ko Hawaii Pae Aina, Volume IX, Number 47, 20 November 1886 — KA MAKAHIKI HANAU IUBILE O KE ALII KA MOI. [ARTICLE]
KA MAKAHIKI HANAU IUBILE O KE ALII KA MOI.
Ua hoopiha aenei makou i ka aoao 4 o ka kakou pepa o keia la, me ka moolelo o ka la hanau o ka Moi, a i ka piha ana hoi o Kona mau makahiki he kanalima, a na ko makou poe heluhelu ia e kilohi iho. Ua hooikaika makou e piha pono ka makou moolelo, a me he mea la pela no i hookoia ai. Ua aie nui makou i ka lokomaikei o ka poe malama o ka halealii ma ka ae ia ana o ko makou mea kakau, e komo aku ma ke keena o na makana e hoahuia ai ma kela la, a e kope i na makana e like me ia e hoikeia aku nei; a nolaila hoi makou i manao ai, he hoike piha ka makou e waiho aku nei imua o ka lahui no ia la.