Ko Hawaii Pae Aina, Volume IX, Number 47, 20 November 1886 — NA LEALEA O KA LA 17 O NOVEMABA. [ARTICLE]

NA LEALEA O KA LA 17 O NOVEMABA.

E like me ka mea i hoakaka mua ia aku e pili ana no na lealea heihei waapa o ka la 17 o Novemaba, pela no i hookoia ai ma ka la inehinei. Aka aole nae he ano nui ona lealea i malamaia, oiai he hookahi wale no hui heihei waapa i komo ma na lealea, oia ka Mea nona ka la; a o na Hui e ae, aole i komo. Eia malalo ilio nei e loaa ai na lealea o ka la. 1—No na Moku nunui.—Makana mua $50. Makana elua $20. Makana ekolu $10.

Ala holo—Mai ka mouo Kini mai, a puka iwaho o ke awa, e hoomau ana ma waena o na mouo o ka aoao ma Ewa o ka Poe Mai Apiki a me ka Poe Pele, e huli ana ma ka Poe Pele ma ka aoao malalo a hoea i ka waapa me ka hae mawaho ae o Waikiki, a huli ae malaila ma ka aoao mai malalo a hoea i ka waapa me ka hae mawaho aku o Kahakaaulana, a huli malalo a hoea i ka poe Pele, e hoi hou ana iluna nei, e kaalo ana i ko poe Ma'i Apiki, alaila huli hou iluna o ka Mouo Kini, maloko o ke awa. Na Kahihilani ke eo; a o Pokii ka helu elua. 2—Heihei Waapa Elua Hoe.—Makana mua $10. Makana Elua, $5.00 Ala holo–Mai ka poe Kini mai, a huli i ka poe mawaho ae o ke Alahuki moku, a huli hoi ko kahi i hoomaka mai ai. He 4 waapa i holo ma keia heihei, Benecia, Fair Play, Every Time a me St Jacobs Oil. Eo i ka inoa mua ka makana mua, manawa holo, 12 min 45 sec; o ka inoa ekolu ka helu elua. 3—Waapa Huelo Boti 5 hoe.—Makaea mua $40. Makana elua $10. Noa i na mea a pau.

Ala holo–Mai ka mouo Kini mai a puka iwaho o ke awa, huli mai malalo o ka poe Ma'i Apiki, a huli hoi no kahi i hoomaka aku ai.

He 3 waapa i holo ma keia heihei, o Lapakahoe, Kualakai a me Keikukai. Eo i ka inoa mua ka makana mua, manawa holo, 12:45, a i ka inoa elua ka makana elua.

4—Hihei Waapa 4 hoe. (Na Opio) Makana mua $30. Makana elua $15. No na Waapa o ka Hui.—Ala holo–E like me ko ka heihei Ekolu. Na waapa i holo ma keia heihei, o Poomaikelani, Liliuokalani a me Puaiwa. Eo ia Poomaikelani, manawa holo, 12:45 a o Liliuokalani ka helu 2. 5—Heihei Waa 6 hoe—Makana mua $20. Makana elua $10. Noa i na mea a pau. Pahu holo e like me ka heihei elua. He 3 waa i komo ma keia hei hei, Leleaanae, White a me Puuloa, aka o Leleanae wale no ka i holo a ua haawi la he 5 dala makana iaia. a o Leleaanae ka helu elua. 6—Heihei Waapa 6 hoe. Makana mua $75. Makana elua $25. Noa i na mea a pau. Wahi holo, Mai ka pahu holo aku a puka i waho o ke awa, e kaalo ana i ka poe Mai Apiki ma ka aoao hema malaila aku huli ae ma na waapa i hoopaa pu ia e ka poe Pele, me ka hoomau ana ma ka aoao hema, ahiki i kahi i mookama, me ke kaa o ka poe Hole maluna. O Lei Aloha, Kaiulani a me Liliuo

kalani na waapa i komo ma keia heihei a na Kaiulani ke eo, manawa holo, 28:15 a o Leialoha ka helu 2. 7—Heihei au—Makana mua $10. Ma kana elua $5. He 4 poe i komo ae i keia heihei, a na Poepoe ka eo o ka makana mua. 8—Heihei Waapa moku eha hoe. Makana mua $30. Makana elua $10. Kahi holo – E like me ko ka heihei 3. No ka nui loa o na waapa ma keia hei hei. Nolaila ua mahele ia he elua hei hei ana. He 3 waapa i komo, a na Iron Cras ka eo. Ma lua o na heihei, he 6 waapa i komo, a na Kinau ka eo o ka makana mua a o Nauahi ka helu 2. Mahope iho o keia heihei ua hooma ha hookahi hora, a ia wa i malamaia ai ka heihei tabu a me luu.

Na Pelehu ke eo ma ka luu ana. Na Kakako ko eo o ka heihei tabu. MAHELE ELUA. 9—Heihei moku pea halu elua—Makana mua $30. Makana elua $15. Ma kana ekolu $10. Kahi e holo ai—Mai ka poe Kini a puka iwaho o ke awa ma luna o ka poe Mai Apiki, a ma ka aoao malalo o ka waapa me ka hae mawaho aku o Kahakaaulana, a huli hoi no kahi i hoomaka ai, me ke kaalo ana ma ka aoao maluna o ka poe Kini. He 4 moku i holo, o Pokii, Kalaio kona, Nawailauhiwa a me Gertie. Na Pokii ke eo o ka makana mua; makana elua na Kalaiokona; makana ekolu na Nawailauhiwa. 10—Heihei waapa pukahi—Makana maa $25. Makana elua $15. Noa i na mea a pau. Kahi e holo ai, ua like me ka heihei elua. He 2 waapa i komo ma keia heihei, a o Bencia ka helu 1, a o Liliuokalani ka helu 2. 11—Heihei Waapa eono hoe no na opio. Makana mua $50; makana elua $25. Kahi e holo ai, e like me ka hei hei ekolu. He 3 waapa i komo ma keia heihei, oia ka Lei Aloha, Kaiulani a me Liliuokalani. Lilo i ka inoa mua ka makana mua, a i ka inoa ekolu ka makana elua.

12—Heihei Waa Pea. Makana mua, he $20. Makana elua he $10. Kahi e

holo ai, e like me ka heihei elua. He ekolu waa i komo ma keia heihei, oia o Puuloa, Waioli a me Kaleokaoli. Lilo ka makana mua ia Puuloa, a ia Waioli ka makana elua. 13—Heihei eha hoe. Makana mua $30; Makana elua $15. Noa i na mea a pau. Kahi e holo ai, e like me ka heihei ekolu. Na waapa i komo ma keia heihei, o Kaiulani, Poomaikalani a me Liliuokalani. Lilo ka makana mua ia Kaiulani, a ia Poomaikalani ka makana elua. 14—Heihei o na waa maoli a me na waapa eono hoe. Makana mua $30; Makana elua $15. Hookahi waa maoli i komo ma keia heihei, oia o Puuloa a me elua waapa oia o Liliuokalani a me Malulani. Ua lilo i na waapa na maka na i hoike ia, oia ia Liliuokalani ka makana mua, a ia Malulani ka makana elua O kahi waa, ua haule i muliwaa. 15 Heihei waapa 12 hoe. Makana mua $60; Makana elua $15. Na waapa ma keia heihei, o Kaulike, Kapiolani a me Hanakeoki. Na Kaulike ke eo, a iaia ka makana mua, a ia Kapiolani ka makana elua.