Ko Hawaii Pae Aina, Volume VIII, Number 40, 3 October 1885 — OKALAKALA E NO O KOHALA. [ARTICLE]

OKALAKALA E NO O KOHALA.

E KO HAWAII PAE AINA, Aloha oe: - Ma ka po o ka la 22 iho nei, ua hoala ae na Haole he halawai Lunamakaainana ma ke Kohala Club, no ke koho ana i waha olelo no ka Apana o Kohala nei, a o ka hiki mua hoi iloko o ka umi makahiki i hala ae nei. Ma ka o lima ana, ua koho ia o J. Wright i L. Hoomalu, a o H. Wood, i Kakauolelo. Elua no lunamakaaina i hiki mai o J. Wight no Halawa, a o Billy Wright no Halaula. Ua ku mai o Billy Wright a waiho mai i kona inoa, oia kekahi e holo balota ana, me ke noi pu aku i ke anaina, na paa pu mai oia i kekahi mau kumu hana ana i manao ai ua kupono. A ua ae ia oia, ua heluhelu mai oia no umikumamalua kumuhana ana like ole, a paapaaina ae 'la iloko o na paia o ke Kohala Club. O kana olelo ano nui, e holo ana oia ma ke ano Kuokoa a Koo no ka lahui. Mahope iho o keia, ua ku mai o J. Wight, ka lua o na moho i hiki mai. E na keonimana, ano, eia au ke ku aku nei imua o oukou i keia po, me ka waiho pu aku i kona inoa i lunamakaainana no ka apana o na Kohala, ia'u e nana aku ai i na moi i hala ku a hookuku ae me ko keia au a kakou e noho nei, a ke neenee liilii aku nei kakou i ka ale kaa ole. Iluna owai e hoomaha ai keia pilikia? I luna no o oukou e a'u mau keiki. Nolaila, ke holo nei au i luna makaaina no ka apana o na Kohala, ma ke ano Kuokoa a kaulike. Ma ke koho balota a ke anaina i akoakoa mai, ua lilo ia J. Wight na balota he 18, ko Billy Wright hoi he 5. A ua koho ia o J. Wight ka moho a na Kohala o keia kau. "E Kohala iki E Kohala nui E Kohala ua Apaapaa E Pili e Kalahikiola &c." E koho me ka lokahi ia J. Wight, ka Elemakule ao e Kohala. Me ka mahalo, W. C. PUNAHOA Kohala Akau, Sept. 23, 1885.