Ko Hawaii Pae Aina, Volume VI, Number 36, 8 Kepakemapa 1883 — KUU POKII UA HALA. [ARTICLE]

KUU POKII UA HALA.

Ua hanau ia o Moenahele i ka makahiki 1840, a ua make oia i ka la 15 o Augate, 1883. O kona mai i make ai he mai hookaawale i ka ohana. Aole nui ka ohana i ike i kona make ana, owau a me ka'u wale no ka i ike i kona hanu hope loa, a hala aku la ia. Nolaila, ua haku iho au i wahi aloha nona. Kuu kaikuahine, kuu pokii hoi Kuu pokii mai ka pupuu hookahi Hele hookahi ka uhane aohe lua Kuu kaikuahine mai ka ua lanipili o Hilo Mai ka ua hehi mai iluna o kahala Hala kuu pokii kuu lei aloha he kaikuahine Kuu kaikuahine mai ka ulu hala o Upaeloa Mai na lehua o Mokaulele Kuu kaikuahine mai ka maka o ka opua Ke nihi ae la ma kukulu o Kahiki Akahi la a ke aloha i hiki mai ai A hiki mai no ko aloha e uwe no au Nolaila, ke haku hou iho nei au i kou inoa malalo iho nei: Ia Mahiki nui ulunahele, ulu ahaea i ka ino He ino ka lani maomao Pulou i ka ino wai haka Palea i hina i ke ala e kawili wahine Aloha wale ka welowelo e hihia nei eMahiki kupu ka hina i ka ka hele kua ia I hina au makai a nana E hai ana au ilaila, i ia au he moana Ka lua he kai ka Ooluea O ko'u wahi aloha ia e kuu pokii J H Makole.