Ko Hawaii Pae Aina, Volume V, Number 28, 15 Iulai 1882 — NA AINA LEI ALII. [ARTICLE]

NA AINA LEI ALII.

Eia imua o ko kakou ahaolelo i keia wa, kekahi bila i hoolaha ia mai o His Ex W M Gibson, ko kakou kuhina no ko aina e, e noi mai ana e haawi aku i na komisina Aina Lei Alii, i mana e mahele aku i na aina lei alii aole e emi malalo o 24000 eka no Claus Spreckles, ka ona miliona o ke Kulaokamaomao. He mea hou keia i na maka a me ka noonoo o ka lehulehu. Aka e hoomanaoia nae, he makahiki ae nei paha i halau, ua hoolilo aku nei o R. Keelikolani i kona kuleana o na aina Lei Alii no ka umi tausani dala ia Claus Spreckles. Aole no i koi o R. Keelikolani i kona kuleana imua o ko kakou mau aha hookolokolo a hiki i ka wa ana i hoolilo iho nei ia kuleana, aka, ke manaoia nei no nae e ka poe loio, he kuleana oiaio kona maloko o na aina loi alii. Eia nae, he ninau pili keia na ko kakou Aha Kiekie. Aole nae i laweia i mua o ka aha a hiki i ka wa i laweia mai ai keia bila e hoomana ai i na komisina aina lei alii. Mamuli o keia manao, ua noi ia ko kakou he olelo e haawi a e hoonui i ko lakou noonoo ma keia haawina aina, a e hoike i ko lakou aloha aina io maoli ma keia ninau ano nui. He mea haohao nui ia makou ko ke Kuhina o ko na aina e wikiwiki e pupuahulu e haawi i ka aina, e kue ana i kona ana {illegible} i ka haawi ia Puuloa o ka 1872. O ka hooko ana anei keia o ka wanana a ke kaula i i mai ai: "A momona o Iesuluna, alaila e puke mai oia iaʻu."