Ko Hawaii Pae Aina, Volume V, Number 21, 27 May 1882 — KOHO BALOTA. [ARTICLE]
KOHO BALOTA.
Oiai, ua hakahaka kekahi noho Lunamakaainana o ka apana o Honolulu, ma ka waiho ana mai o ka Mea Hanohano W M Gibson. Ua hoolaha ia. e koho hou ana keia apana i ka la 3 o June. Nolaila, ke kau leo aku nei au i na makaainana kupono i ke koho balota mai Maunalua a Moaualua o ka apana o Honolulu, e oluolu, e ahonui, e hoomanawanui, e koho i ko'u inoa i wahaolelo no kahi i hakahaka, e koho me ka lokahi ia'u, a ke kauoha pu ia aku nei kekahi mau makamaka, a hoaloha, e hele mai i o'u nei, a e haawi aku au i mau hookohu Luna hooikaika no oukou, e a-u, e wiki, aohe wa i koe no kakou e nana maka aku ai. Imua e ka Lahui a lanakila. Na'u na ko oukou io, a me ko oukon iwi. Me ke aloha nui, David Kahanu.