Ko Hawaii Pae Aina, Volume IV, Number 11, 12 Malaki 1881 — NA MEA HOU O PAPAIKOU. [ARTICLE]

NA MEA HOU O PAPAIKOU.

Hookala i ka pahi i ka a-i.–Ma ka po o ka la 25 o Dek. 1880, na hoao ae la kekahi wahine e hookala i ka pahi kona pu-a-i, e ole e nui na lima kokua pakele ai oia; ua k peke no nae ka pahi a pohole ka ili; he ona kana aila hookala. No ka hihia o Pele i hoopii ia ai e Kamapuaa no ke komohewa,–Ua kali ikiia no keia mau kumu. 1 Ua pili ka Lunakanawai Hoomalu o Hilo Akau, P Haupu Esq. ia Kamapuaa, malalo hoi o ka mele pono ana a ka loio o Kamapuaa, oia hoi o Hon. D B Wahine. 2 O ka loio hoi o Pele, ke koi nei keia loio e ana hou ia na palena o Hilo e pili ana me Puna. Ua olelo no na kamaaina oia o Mani me Hina, ua pono no o Pele. E pii ana ke ana aina helu 2 o Hawaii nei D H H), aia a pau na ko ka wili, i loaa ona ko inu kope na Hiiaka me Pauopalae. I-a ku.–Ma Puuiawa, ke ka mokoi ia nei ka Oio i ke ao. Olelo mai ka poe kahiko, aole pela mamua, mai kahiko mai; i keia wa wale no. Mau Tela Humuhumu.–Eia e i Puepaku elua tela; he tela humu lole, a he tela humu papale. O ke tela humu lole, me ka mikini wale no na lole kane a lole wahine e hanaia ai, a ua ko pono ka iini. O ke tela humu papale, e hoo-

ko pono ia na koi-i-koi a loko o AinaHau, papale kane a wahine, ua ko pono ka awihi a ka maka. O Mrs. Kalua ke tela lole, a o Mrs. Ahono ka humu papale, kohu like loa me ko Amerika. E welina auanei. Owau no me ka haahaa, M KAKINA. Puepaku, Hilo, Dek. 29, 1880.